މިރެއިން ފެށިގެން ‎ވެލާނާ އިންޓަނޭޝަނަލް އެއާޕޯޓު ރޭގަނޑު 9:00 އިން ހެނދުނު 6:00 އަށް ބަންދު ކުރަން ނިންމައިފި އެވެ.

‎އެކަން ހާމަކޮށްފައި ވަނީ މޯލްޑިވްސް އެއަރޕޯރޓް ކޮމްޕެނީ ލިމިޓެޑް، އެމްއޭސީއެލް އިން ކުރި ޓުވީޓެއްގައެވެ. އެމްއޭސީއެލް އިން ބުނެފައިވަނީ އެއާޕޯޓުގެ ކޮމާޝަލް އޮޕަރޭޝަންތައް ހުއްޓާލަން ނިންމާފައިވާކަމަށެވެ.

އެއަރޕޯރޓުގެ ކޮމާޝަލް އޮޕަރޭޝަންތައް ހުއްޓާލި ނަމަވެސް ސިއްހީ، ހިއުމަނިޓޭރިއަން އަދި ޝެޑިއުލް ނޫން މަތިންދާ ބޯޓުތައް އެއާޕޯޓަށް ޖެއްސޭނެ ކަމަށް އެމްއޭސީއެލް އިން ބުންޏެވެ. އެފަދަ މަތިންދާބޯޓުތައް ޖައްސާ ނަމަ ތިން ގަޑިއިރުގެ ނޯޓިސްއެއް ބޭނުންވާނެ ކަމަށް އެމްއޭސީއެލް ގެ ޓްވީޓްގައި ވެއެވެ.

Our airport @VelanaAirport will be closed for commercial operations effective tonight from 2100hrs to next day 0600hrs. During the time of closure medical, humanitarian and non scheduled flights will be accommodated with 3 hours of prior notice. @MoTmv pic.twitter.com/QsZtwoybOD

— MACL (@MACLmedia) March 28, 2020

ކޯވިޑް-19 އާއި ގުޅިގެން ރާއްޖެއިން އަޅާފައިވާ ރައްކާތެރި ކަމުގެ ފިޔަވަޅު ތަކުގެ ތެރޭަގައި ރާއްޖެއިން އޮން އެރައިވަލް ވިސާ ދޫކުރުން މިހާރުވަނީ ހުއްޓާލާފައެވެ. އަދި ގިނަ ގައުމުތަކުން ރާއްޖެއަށް މީހުން އެތެރެވުން ވެސް ވަނީ މަނާކޮށްފައެވެ.