މާލެ ސިޓީގެ މޭޔަރ މުއިއްޒުގެ އާއިލީ ބޭފުޅެއްކަމަށްވާ އަދި ޕީޕީއެމްގެ ކުރީގެ ސެނެޓަރެއްކަމަށްވާ އަހުމަދު ޣާލިބް އެމްޑީޕީއަށް ސޮއިކުރަށްވައިފިއެވެ.

ޣާލިބް އެމްޑީޕީއަށް ސޮއިކުރަށްވާފައިވަނީ މުލީއާގޭގައި ބޭއްވި ރަސްމިއްޔާތެއްގައެވެ. މި ރަސްމިއްޔާތުގައި ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި އެމްޑީޕީގެ ލީޑަރޝިޕްގެ ބޭފުޅުން ބައިވެރިވެވަޑައިގެންނެވިއެވެ.

އެމްޑީޕީން ބުނީ ޣާލިބް އެ ޕާޓީއަށް ސޮއިކުރެއްވީ ގިނަ އަދަދެއްގެ ބަޔަކާއެކުކަމަށެވެ.

ޕީޕީއެމްގެ ކުރީގެ ކެލާ ދާއިރާގެ ސެނެޓަރ އަޙްމަދު ޤާލިބް މިއަދު އެމްޑީޕީއާއި ގުޅިވަޑައިގެންފި. ޤާލިބް އާއި އެކު ގިނަ ޕީޕީއެމްގެ މެމްބަރުންތަކެއްވެސް ވަނީ އެމްޑީޕީއާއި ގުޅިފަ.
އެމްޑީޕީއަށް މަރުޚަބާ!#Ibu2023#MDP2023 pic.twitter.com/X3cfufeFRC

— MDP Secretariat (@MDPSecretariat) June 19, 2023

އިދިކޮޅު ޕީޕީއެމްގެ ކެލާ ދާއިރާގެ ރައީސްގެ މަޤާމުގައި ހުންނެވި އަހުމަދު ޣާލިބް، އެ ޕާޓީން ވަކިވެ ވަޑައިގެންނެވީ މިދިޔަމަހުގެ 30 ވަނަ ދުވަހުއެވެ.

އޭނާ ޕީޕީއެމުން ވަކިވެވަޑައިގެންނެވީ މިވަގުތު އެ ޕާޓީއާއެކު ކުރިއަށް ދިއުމަށް އެކަށީގެންވާ ހާލަތެއް ނެތްކަމަށް ވިދާޅުވެއެވެ.

ޣާލިބަކީ މުއިއްޒުގެ އިތުރުން، ޖޭޕީގެ ސެކްރެޓަރީ ޖެނެރަލް އަލީ އާރިފް އަދި ޑެޕިއުޓީ ލީޑަރު އިޤްބާލް އާދަމްގެ އާއިލީ ބޭފުޅެކެވެ.