އެމްޑީޕީގެ ރައީސް، އަދި ރައްޔިތުންގެ މަޖިލީހުގެ ރައީސް މުޙައްމަދު ނަޝީދު އަލަށް އުފައްދާ ދަ ޑިމްކޮރަޓިކް ޕާޓީގެ އިސް ބޭފުޅުންނާއެކު އެމްޑީޕީގެ ކުރީގެ ނާއިބް ރައީސް މުހައްމަދު ޝިފާޒް، ޝިއްޕެގެ އުފަންދުވަސް ފާހަަގަކުރަށްވައިފިއެެވެ.

ރައީސް އޮފީހުގެ ކުރީގެ މިނިސްޓަރު މުހައްމަދު ޝިފާޒުގެ އުފަންދުވަސް ފާހަގަކުރުމަަށް ރޭ ވަނީ އުފަންދުވަހުގެ ކޭކު ފެޅުމުގެ ހަފުލާއެއް ބާއްވާފައެެވެ. ޝިއްޕެ އުފަންދުވަހުގެ ހަފުލާގައި ކޭކު ފަޅާ ވީޑިއޯއެއް މިހާރު ވަނީ އާންމުވެފައެވެ. މީސްމީޑިއާގައި އާންމުވެފައިވާ އެވީޑިއޯ އިން ފެންނަނީ އުފަން ދުވަސް ފާހަގަ ކުރުމުގެ ހަފުލާގައި ރައީސް ނަޝީދު ބައިވެރިވެވަޑައިގެން ނައްޓަވަމުންދާ މަންޒަރެވެ.

Wish you a very Happy birthday @shippeshifaz. Enjoy to the max 🎉💙🎂 pic.twitter.com/xdp9m1oDbK

— Mohamed Azuwar (@Azuw_ar) June 16, 2023

އެވީޑިއޯއިން ފެންނަގޮތުގައި ޝިއްޕެއާއި ނަޝީދު ނައްޓަވާފައިވަނީ އުފަން ދުވަހުގައި އާންމުކޮށް މީހުން ޖަހަމުން އަންނަ ހިންދީ ލަވައަކަށެވެ. އެމްޑީޕީގެ ކުރީގެ ނާއިބް ރައީސް މުހައްމަދު ޝިފާޒު ރައީސް އޮފީހުގެ މިނިސްޓަރު ކަމުގައި ހުންނަވަނިކޮށް ވަނީ އެމަގާމުން ވަކިކޮށްފައެވެ.

ރައްޔިތުންގެ މަޖިލީހުގެ ބާރަށު ދާއިރާގެ ކުރީގެ މެމްބަރުކަން ވެސް ކުރެއްވި ޝިފާޒަކީ ކުރީގެ ރައީސް މުހައްމަދު ނަޝީދު އިސްވެ ހުންނަވައި މިހާރު އަލަށް އުފައްދަން މަސައްކަތްކުރާ "ދަ ޑިމްކޮރަޓްސް" ޕާޓީގައި އިސްކޮށް ހަރަކާތްތެރިވެ ވަޑައިގަންނަވާ ބޭފުޅެކެވެ.