ސްޓެލްކޯއިން ބެހެއްޓި އައު ފެން ޕްލާންޓާއެކު އއ.ރަސްދޫގައި ފެން އުފެއްދޭ ކެޕޭސިޓީ 160 ޓަނަށް މަތިވެއްޖެއެވެ.
ރަސްދޫގައި ފެން އުފައްދާ ކެޕޭސިޓީ އިތުރުކުރުމަށް ސްޓެލްކޯއިން ވަނީ އައު ފެން ޕްލާންޓެއް އެރަށުގައި ބަހައްޓާފައެވެ. ސްޓެލްކޯއިން އއ. ރަސްދޫގައި ބަހައްޓާފައިވަނީ 100 ޓަނުގެ ފެން އުފެއްދޭ އާރުއޯ ޕްލާންޓެކެވެ. މިއީ ރަސްދޫގައި އިތުރުވަމުންދާ ފެނުގެ ޑިމާންޑާ އެއްވަރަށް ފެން ފޯރުކޮށްދިނުމަށްޓަކައި ބެހެއްޓި އިތުރު ޕްލާންޓެއްކަމަށް ސްޓެލްކޯއިން ބުނެއެވެ.
ސްޓެލްކޯއިން ބުނީ މި ޕްލާންޓާއެކު ރަސްދޫގައި ފެން އުފެއްދުމުގެ ކެޕޭސިޓީ 160 ޓަނަށް އިތުރުވެފައިވާކަމަށެވެ. އަދި މިއީ މިއީ އެކުންފުނީގެ މުވައްޒަފުން އޭގެ ކޮމިޝަނިން ހުރިހާ މަސައްކަތެއްކޮށް އޮޕަރޭޝަނަށް ގެނައި ފުރަތަމަ ޕްލާންޓް ކަމަށެވެ.
ސްޓެލްކޯގެ މެނޭޖިންގ ޑިރެކްޓަރ އަހުމަދު ޝަރީފް ވަނީ މި މަސައްކަތުގައި އުޅުނު އެ ކުންފުނީގެ ވޯޓާރ، ސުވަރޭޖް އެންޑް ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނާއި، ބައްދަލުކުރައްވާ އެ މުވައްޒަފުންގެ މަސައްކަތަށް ތަރުހީބު ދެއްވާފައެވެ. އަދި ކުންފުނިން އަލަށް އެފަދަ ކަމެއްކޮށް، އެ ހޯއްދެވި ކާމިޔާބީއަށް ޝަރީފް ވަނީ އެ މުވައްޒަފުންނަށް ޝުކުރާއި، މަރުހަބާ ދަންނަވާފައެވެ.
އއ. ރަސްދޫގެ އިތުރުވަމުންދާ ފެނުގެ ޑިމާންޑަށް ކޭޓާ ކުރުމަށާއި، ރަސްދޫގެ ރައްޔިތުންނަށް ފެންވަރު ރަނގަޅު، ފުރިހަމަ ހިދުމަތެއް ދިނުމަށްޓަކައި، އެރަށުގައި އިތުރު 100 ޓަނުގެ އާރު.އޯ ޕްލާންޓެއް މިހާރު ވަނީ ބެހެއްޓިފައި. މި ޕްލާންޓާއެކު، ރަސްދޫގެ ފެން އުފެއްދުމުގެ ޖުމްލަ ކެޕޭސިޓީ 160 pic.twitter.com/6WhyhGHNCN
— STELCO (@STELCOMALDIVES) June 15, 2023
ސްޓެލްކޯގެ މެނޭޖިންގ ޑިރެކްޓަރ އަހުމަދު ޝަރީފް ވަނީ މި މަސައްކަތުގައި އުޅުނު އެ ކުންފުނީގެ ވޯޓާރ، ސުވަރޭޖް އެންޑް ވޭސްޓް މެނޭޖްމަންޓު ޑިޕާޓްމަންޓުގެ މުވައްޒަފުންނާއި، ބައްދަލުކުރައްވާ އެ މުވައްޒަފުންގެ މަސައްކަތަށް ތަރުހީބު ދެއްވާފައެވެ. އަދި ކުންފުނިން އަލަށް އެފަދަ ކަމެއްކޮށް، އެ ހޯއްދެވި ކާމިޔާބީއަށް ޝަރީފް ވަނީ އެ މުވައްޒަފުންނަށް ޝުކުރާއި، މަރުހަބާ ދަންނަވާފައެވެ.
ކިޔުންތެރިންގެ ހިޔާލު