އަންނަމަހުގެ 3 ވަނަ ހަފުތާގައި ފަތުރުވެރިން ރާއްޖެ ގެނައުމަށް މިއަހަރު ކަނޑައަޅާފައިވާ އަމާޒަށް ވާސިލުވުން ވަރަށް ގާތްކަމަށް ޓޫރިޒަަމް މިނިސްޓަރ އަބްދުﷲ މައުސޫމް ވިދާޅުވެއްޖެއެވެ.

މިނިސްޓަރ މައުސޫމް މިއަދު ވިދާޅުވީ މިއަހަރުގެ ނޮވެމްބަރުމަހު ރާއްޖެ ޒިޔާރަތްކޮށްފައިވާ ފަތުރުވެރިންގެ އަދަދު ކޯވިޑްގެ ކުރިން 2019 ވަނަ އަހަރުގެ ނޮވެމްބަރުމަހު ރާއްޖެ ޒިޔާރަތްކުރި ފަތުރުވެރިންގެ އަދަދާއި އަޅާބަލާއިރު 7.5 އިންސައްތަ އިތުރުކަމަށެވެ.

ރާއްޖެއިން މިއަހަރަށް 1.6 މިލިއަން ފަތުރުވެރިން ގެނައުމުގެ އަމާޒެއް ކަނޑައަޅާފައިވާއިރު މައުސޫމް ވިދާޅުވީ އަންނަމަހުގެ 3 ވަނަ ހަފްތާގެ ތެރޭގައި އެ އަމާޒު ހާސިލުވާނޭކަމަށް ވަރަށް ބޮޑަށް ބެލެވޭކަމަށެވެ.

With tourist arrivals for this Nov (as of 23rd) exceeding 7.5% over 2019 & 38days remaining in 2022 #Maldives is likely to receive targetted 1.6 Million Tourists by 3rd week of Dec. Annual count now is 1,456,170 tourists.
What will be the Total Tourist Arrivals for 2022? pic.twitter.com/CWfewBUHnW

— Abdulla Mausoom (@Mausoom_Maus) November 24, 2022

ޓޫރިޒަމް މިނިސްޓްރީގެ ތަފާސް ހިސާބުތައް ދައްކާގޮތުން މިއަހަރުގެ މިހާތަނަށް ރާއްޖެއަށް ވަނީ 1456170 ފަތުރުވެރިން ޒިޔާރަތްކޮށްފައެވެ. މިއީ 2019 ވަނަ އަހަރުގެ މި މުއްދަތާއި އަޅާބަލާއިރު 2.8 އިންސައްތަ ދަށް އަދަދެކެވެ. ނަމަވެސް މިދިޔަ އަހަރާއި އަޅާބަލާއިރު މިއީ 29.8 އިންސައްތަ އިތުރު އަދަދެކެވެ.

މިއަހަރު ރާއްޖެއަށް އެންމެ ގިނައިން ފަތުރުވެރިން ޒިޔާރަތްކުރީ އޮކްޓޫބަރުމަހުއެވެ. އެއީ 153737 ފަތުރުވެރިންނެވެ. އެންމެ ގިނައިން ފަތުރުވެރިން އަންނަނީ އިންޑިއާ، ރަޝިޔާ އަދި އިނގިރޭސިވިލާތުންނެވެ.