ވައިގެ ދަތުރުފަތުރާއި ގުޅޭ އެއްބަސްވުމެއްގައި ރާއްޖެއާއި ކަޒަކިސްތާނުން ސޮއިކޮށްފިއެވެ.

މި އެއްބަސްވުމުގައި ސޮއިކޮށްފައިވަނީ ކެނެޑާގެ މޮންޓްރިއަލްގައި ކުރިއަށްދާ އިކާއޯގެ 41 ޖެނެރަލް އެސެމްބްލީގެ ހަވާސާގައެވެ.

މި އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ ޓްރާންސްޕޯޓް އެންްްޑް ސިވިލް އޭވިއޭޝަން މިނިސްޓަރ އައިޝަތު ނަހުލާއެވެ.

މި އެއްބަސްވުމަކީ ދެ ގައުމުގެ ދެމެދުގައި ވައިގެ ދަތުރުތައް ފެށުމާއި ގުޅޭގޮތުން ގާއިމްކުރެވުނު އެއްބަސްވުމެއްކަމަށް ޓްރާންސްޕޯޓް މިނިސްޓްރީން ބުނެއެވެ. އަދި އޭވިއޭޝަން ދާއިރާއިން އިތުރަށް އެއްބާރުލުން ދިނުމަށްވެސް މި އެއްބަސްވުމުން މަގުފަހިވެގެންދާނެއެވެ.

On behalf of Maldives, Minister @aishath_nahula signed the MoU between Maldives and Kazakhstan to permit and facilitate scheduled air services between the two countries. The MoU also enables operation of code-share services by the designated airlines of each party. 🇲🇻 - 🇰🇿 pic.twitter.com/4M30PeQuvy

— Ministry of Transport and Civil Aviation (@MoTCAmv) October 3, 2022

ވައިގެ ދަތުރުފަތުރާއި ގުލޭ އެއްބަސްވުމެއްގައި ރާއްޖެއާއި ކަޒަކިސްތާނުން ސޮއިކޮށްފައިވާއިރު، ކުރިން ވީޒާ ނެގުމެއްނެތި ދިވެހިންނަށް ކަޒަކްސްތާނަށް ދަތުރުކުރެވޭނެ އެއްބަސްވުމެއްގައި ވެސް ދެޤައުމުގެ ވަނީ ސޮއިކޮށްފައެވެ.

ދެ ޤައުމުގެ ދެމެދު ވެވުނު "އެގްރިމެންޓް އޮން މިއުޗުއަލް އެގްޒެމްޝަން އޮފް ވިސާ ރިކުއަޔަރމަންޓްސް"ގެ ދަށުން ދެޤައުމުގެ ރައްޔިތުން އެއް ޤައުމުން އަނެއް ޤައުމަށް ދަތުރުކުރުމުގައި، ވީޒާ ނެތި 30 ދުވަހަށް އެތެރެވެވޭނެއެވެ. އަދި ޓްރާންސިޓްކުރުމުގައިވެސް މި އެއްބަސްވުމުގެ ދަށުން ވިސާ ނަގާކަށް ނުޖެހޭނެއެވެ.