މިއަދު ދިވެހިންނަށް ފެނިގެންދަނީ ހުދުމުހުތާރު ވެރިޔަކަށް ނޫނެކޭ ބުނުމުގެ އުފާވެރިކަން ކަމުގައި މިނިސްޓަރު އަހްމަދު ސަމީރް ވިދާޅުވެއްޖެއެވެެ.

ސަމީރް މިހެން ވިދާޅުވީ 2018 ވަނަ އަހަރުގެ ރިޔާސީ އިންތިހާބުގެ ނަތީޖާ ޝީޓާއި ރައީސް ސޯލިހް ބޮޑު ތިލަދުންމައްޗަށް ކުރައްވަން ނިންމަވާފައިވާ ދަތުރުފުޅުގެ ޝެޑިއުލް ޓުވީޓާގައި ހިއްސާކުރައްވަމުންނެެވެ. ރައީސް އޮފީހުގެ މިނިސްޓަރު އަހުމަދު ސަމީރު ވިދާޅުވީ އަނިޔާވެރި ޚުދުމުހްތާރު ވެރިއެއްގެ ވެރިކަން ދިވެހި ރައްޔިތުންގެ މިނިވަން ވޯޓަކުން 23 ސެޕްޓެމްބަރު 2018 ގައި ނިންމާ ސިއްކަޖެހީ، ދިވެހިން މިއަދު މިދެކޭ ތަފާތު ކުރުމެއް ނެތް އުފާވެރިކަން، ރައީސް ސޯލިހާއެކު ހާސިލުކުރުމަށް ކަމަށެވެ.

އަނިޔާވެރި ޚުދުމުހްތާރު ވެރިއެއްގެ ވެރިކަން ދިވެހި ރައްޔިތުންގެ މިނިވަން ވޯޓަކުން 18-09-23 ގައި ނިންމާ ސިއްކަޖެހިީ ، ދިވެހިން މިއަދު މިދެކޭ ތަފާތު ކުރުމެއް ނެތް އުފާވެރިކަން، ރައީސް ސޯލިހާއެކު @ibusolih ހާސިލު ކުރުމަށް. އެ އުފާވެރިކަން މިއަދު ދިވެހީނަށް ހާސިލުވާތަން މިފެންނަނީ. pic.twitter.com/eoyiWIELbc

— Ahmed Sameer (@meeraazu) September 23, 2022

"އަނިޔާވެރި ޚުދުމުހްތާރު ވެރިއެއްގެ ވެރިކަން ދިވެހި ރައްޔިތުންގެ މިނިވަން ވޯޓަކުން 18-09-23 ގައި ނިންމާ ސިއްކަޖެހިީ، ދިވެހިން މިއަދު މިދެކޭ ތަފާތު ކުރުމެއް ނެތް އުފާވެރިކަން، ރައީސް ސޯލިހާއެކު ހާސިލު ކުރުމަށް. އެ އުފާވެރިކަން މިއަދު ދިވެހީންނަށް ހާސިލުވާތަން މިފެންނަނީ." މަޖިލީހުގެ ދިއްދޫ ދާއިރާގެ މެމްބަރު ކަން ވެސް ކުރެއްވި ސަމީރު ވިދާޅުވިއެވެ.

2018 ވަނަ އަހަރުގެ ރިޔާސީ އިންތިހާބުގައި ރައީސް ޔާމީނާއި ވާދަކޮށް ރައީސް ސޯލިހް އިންތިހާބު ކާމިޔާބު ކުރެއްވީ 134616 ވޯޓް ހޯއްދަވައިގެންނެެވެ. ރައީސް ޔާމިނަށް ލިބިވަޑައިގަތީ 96132 ވޯޓެވެ.