ރާއްޖޭގެ ފުރަތަމަ ސްޕޭސް މިޝަން ނުވަތަ ޖައްވީ މިޝަންގެ ނަމަކަށް "އަޒުމް" ކިޔައިފިއެވެ.

ރާއްޖޭގެ ފުރަތަމަ ސްޕޭސް މިޝަނަކީ އައި.ޖީ.އެސްއާއި އެޗް.ޑީ.ސީ ގުޅިގެން ކުރިއަށްގެންދާ މަސައްކަތެކެވެ.

އެޗްޑީސީން ބުނީ ރާއްޖޭގެ ޖައްވީ މިޝަނަށް ނަމެއް ހޯދުމަށް މިދިޔަ ޖުލައިމަހު ހުޅުވާލި ފުރުޞަތުގައި 85 މީހުން ނަން ހުށަހަޅާފައިވާކަމަށެވެ.

ހުށައެޅި ނަންތަކުގެ ތެރެއިން ރާއްޖޭގެ ފުރަތަމަ ޖައްވީ މިޝަނަށް ނަން ދީފައި ވަނީ "އަޒުމް"ގެ ނަމުންނެވެ. މި ނަން ހުށައެޅީ ސައުދުﷲ އިދްރީސް ނަމަކަށް ކިޔާ މީހެކެވެ.

We have got a brand name for Maldives first ever space mission - Azum!
We thank Saudulla for sharing the name with us.
This space mission is for our youngsters, inspiration to take their ideas to the moon and the determination to make every dream of theirs alive. pic.twitter.com/mqunCWQsWg

— HDC (@hdcmaldives) September 19, 2022

ރާއްޖެއިން ކުރިއަށްގެންދާ ސްޕޭސް މިޝަންގެ އަމާޒަކީ ރާއްޖޭގެ ފުރަތަމަ ޕްރޮޓޮޓައިޕް ސެޓެލައިޓް ހަދާ ޓެސްޓްކުރުމެވެ. މިއީ ދުނިޔެ ހޫނުވުމާއި މޫސުމަށް އަންނަ ބަދަލުތައް ދެނެގަތުމަށް ބޭނުންވާ މައުލޫމާތު އެއްކުރަން އަޖުމަބެލުމުގެ ގޮތުން ހަދާ ސެޓެލައިޓެކެވެ. މި ސެޓެލައިޓް ހަދައި، ޓެސްޓުކޮށް ލޯންޗު ކުރަން ހަމަޖެހިފައިވަނީ ދިވެހި ޒުވާން ޓީމަކުންނެވެ.