ދުނިޔެއަށް ދިމާވެފައިވާ އިގުތިސާދީ ދަތިކަމުގެ ތެރެއިން ވެސް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މި ގައުމު ބިނާ ކުރައްވަމުން ގެންދަވާ ކަމަށް ރައްޔިތުންގެ މަޖިލީހުގެ ވިލިނގިލި ދާއިރާގެ މެންބަރު ސައުދު ޙުސައިން ވިދާޅުވެއްޖެއެވެ.

ގއ. ވިލިނގިލީގެ އެމްޑީޕީގެ މެންބަރުންނާ ބައްދަލު ކުރައްވާ ސައުދު ރޭ ވަނީ، އެ ރަށުގައި ޕާޓީގެ ހަރަކާތްތައް ފުޅާކޮށް، ކުރިއަށް އޮތް ރިޔާސީ އިންތިހާބަށް ތައްޔާރު ވުމާއި ގުޅޭގޮތުން މަޝްވަރާތައް ކުރިއަށް ގެންދަވާފައެވެ.

އެ ބައްދަލުވުމަށްފަހު ސައުދު މިއަދު ވިދާޅުވީ، ރައީސް ޞާލިޙްގެ ލީޑަރޝިޕްގައި ދިވެހި ގައުމު ކޮވިޑު19އިގެ ބަލިމަޑުކަމުން އަރައިގަނެ، ރަޝިޔާ ޔޫކްރޭން ހަނގުރާމައިގެ އިގުތިސާދީ ދަތިކަމުގެ ތެރެއިން ވެސް ގައުމު މިދަނީ ބިނާ ކުރެވެމުން ކަމަށެވެ.

Villingili ga MDP harakai fulhākoh, Riyāsy inthikhābah thayyāruvumai behey gothun mashwarā kurun, Raees @ibusolih ge leadership ga Dhivehi gaumu covid 19 ge balimadukamun araigane, Russia Ukrain hagurāmaige igthisādhy dhathikamuge therein ves gaumu midhany binā kurevemun. pic.twitter.com/oE6Pxt9kZo

— Saud Hussain MP (@SaudVillingili) September 18, 2022

ސައުދަކީ ރައީސް ޞާލިޙްގެ މި ސަރުކާރަށް ވަރަށް ބޮޑަށް ތާއީދު ކުރައްވާ ބޭފުޅެކެވެ. އެގޮތުން، ހާއްސަކޮށް ލާމަރުކަޒީ ނިޒާމު ފައްކާކުރުމަށް މި ސަރުކާރުން ކުރާ މަސައްކަތްތަކަށް މީގެ ކުރިންވެސް ސައުދު ވަރަށް ބޮޑަށް ތައުރީފު ކުރައްވާފައިވެއެވެ.

އަމިއްލަ ގޮތުން ވާދަކުރަށްވައި 19 ވަނަ މަޖިލީހަށް އިންތިހާބުވެ ވަޑައިގެން ގިނަ ދުވަސްތަކެއް އެގޮތުގައި ހޭދަ ކުރެއްވުމަށްފަހު، ސައުދު އެމްޑީޕީއާއި ގުޅިވަޑައިގެންނެވީ މި އަހަރުގެ މެއި މަހުގެ 20 ވަނަ ދުވަހުއެވެ.