ޔޫއެފާ ޗެމްޕިއަންސް ލީގު ގަދަ 16 ގެ ފުރަތަމަ ބުރުގައި، އެތުލެޓިކޯ މެޑްރިޑާއި މެންޗެސްޓާ ޔުނައިޓެޑު ބައްދަލުކުރި މެޗު 1-1 ގެ ނަތީޖާ އަކުން އެއްވަރު ވެއްޖެއެވެ.

އެތުލެޓިކޯ ދަނޑުގައި ކުޅުނު މި މެޗުގައި ވަނީ ގިނަ ފައުލްތަކެއް ފެނިގެން ގޮސްފައެވެ. މެޗުގެ ފުރަތަމަ ގޯލު ފެނިގެންދިޔައީ 7 ވަނަ މިނެޓުގައި ރެނަން ލޮޑީ ނަގައިދިން ހުރަހަކުން ފެލިކްސް ބޮލުން ގޯލުގެ ތެރެއަށް ވައްދާލައިގެންނެވެ.

އެތުލެޓިކޯއިން ލަނޑެއް ޖެހުމުން، ޔުނިޓެޑުން ވަނީ އެތްލެޓިކޯގެ ގޯލަށް ނުރައްކާ ކުރުމަށް މަސައްކަތް ކޮށްފައެވެ. ނަމަވެސް ފުރަތަމަ ހާފުނިންމާލީ ޔުނައިޓެޑް އެއްވެސް ކުޅުންތެރިއަކަށް އެތުލެޓިކޯ ޕެނަލްޓީ ތެރޭގައި ބޯޅައިގައި އެއްވެސް ޓަޗެއް ނުކުރެވިއެވެ.

ޔުނައިޓެޑުގެ ގޯލު ދެވަނަ ހާފުގައި ފެނިގެން ދިޔައީ 80 ވަނަ މިނެޓުގައެވެ. ބަދަލު ކުޅުންތެރިއެއް ގޮތުގައި ކުޅެން ނުކުތް އެލަންގާ ގޯލު ޖަހައި ދިނީ ބުރޫނޯ ފެރްނަންޑޭޒްގެ ޕާހަކުންނެވެ.

ރޭގެގައި ކުޅުނު ބެންފިކާއާއި އެޔެކްސް ބައްދަލުކުރި މެޗު ނިމުނީ 2-2 ގެ ނަތީޖާއަކުން އެއްވަރު ވެގެނެވެ.