ކޮޕް-26 ގެ ސަމިޓަށް އިނގިރޭސިވިލާތުގެ ގްލާސްގޯއަށް ފުރާ ވަޑައިގަތުމުގެ ކުރިން އދ. ގެ އާއްމު މަޖިލީހުގެ ރައީސް އަބްދުﷲ ޝާހިދު ގަހެއް އިންދަވައި މުޅި ދުނިޔެއަށް ވަރުގަދަ މެސެޖެއް ދެއްވައިފި އެވެ.

ރާއްޖޭގެ ޚާރިޖީ ވަޒީރު އަބުދު ﷲ ޝާހިދު މިމެސެޖް ދެއްވަން ގަސް އިންދާފައިވަނީ އެމެރިކާގެ ނިއުޔޯކްގައި ހުންނަ އދ. ގެ މައި މަރުކަޒުގެ ގޯތި ތެރޭގައެވެ.

ޝާހިދު މި ގަސް އިންދަވާފައިވަނީ ޔޫއެން ޑޭ ފާހަގަ ކުރުމުގެ ގޮތުން އދ. ގެ މައި މަރުކަޒުގައި ހުންނަ ނިއުޔޯކްގެ ކަނިންހަމް ޕާކްގައި ބޭއްވި ގަސް އިންދުމުގެ ހަރަކާތެއްގެ ތެރެއިންނެވެ.

A study by ETH-Zurich says that planting more than a half trillion trees could capture 205 gigatons of carbon - enough to negate about 1/2 of all carbon emitted by humans since 1960

Prior to flying to Glasgow for #COP26 , I planted a tree at UNHQ.

Let’s #Deliver4Climate. pic.twitter.com/WUpZROUxzt

— Abdulla Shahid (@abdulla_shahid) October 29, 2021

މި ގަސް އިންދެވުމަށްފަހު ޚާރިޖީ ވަޒީރު އަބުދު ﷲ ޝާހިދު ވިދާޅުވީ ޒިއުރިކް ޔުނިވާސިޓީން ހެދި ދިރާސާއެއްގައި ބައި ޓްރިލިއަން ގަސް އިންދައިގެން 205 ގިގަޓަނުގެ ކާބަން ނައްތާލެވޭނެ ގޮތް ހޯދާފައިވާ ކަަމަށެވެ. މިއީ އިންސާނުންގެ ސަބަބުން 1960 ވަނަ އަހަރުންފެށިގެން ޖައްވަށް ދޫވެފައިވާ ކާބަންގެ ދެބައިކުޅަ އެއްބައިކަން ޝާހިދު ފާހަަގަކުރެއްވިއެވެ.

ކޮޕް ސަމިޓަކީ މޫސުމަށް އަންނަ ބަދަލުތަކާ ގުޅޭ ގޮތުން މަޝްވަރާކޮށް އެކަމަށް ހައްލެއް ހޯދުމަށް އަހަރަކު އެއްފަހަރު ދުނިޔޭގައި ބާއްވާ ތިމާވެށީގެ އެންމެ ބޮޑު ސަމިޓެވެ. ދުނިޔޭގެ އެކި ޤައުމުތަކުން 100 އަށް ވުރެ ގިނަ ލީޑަރުން ގްލަސްލޯގައި ބާއްވާ ކޮޕް 26 ސަމިޓްގައި ބައިވެރިވެ ވަޑައިގަންނަވާނެއެވެ.

މި ސަމިޓްގައި ރާއްޖޭގެ ފޮރިން މިނިސްޓަރު އަދި އދ. ގެ އާއްމު މަޖިލީހުގެ ރައީސް އަބްދުﷲ ޝާހިދުގެ އިތުރުން ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހާއި، ރައްޔިތުންގެ މަޖިލީހުގެ ރައީސް މުހައްމަދު ނަޝީދު، އަދި އެންވަޔަރަންމެންޓް މިނިސްޓަރު މަރިޔަމް ޝައުނާ ވެސް ބައިވެރިވެވަޑައިގަންނަވާ ގޮތަށް ވަނީ ހަމަޖެހިފައެވެ.