ކޮވިޑުން ރައްކާތެރިވުމަށް އުފައްދާފައިވާ ވެކްސިން، މިއަދު އިތުރު 8 ގައުމެއްގައި ޖަހަން ފަށައިފިއެވެ. މި ގައުމުތަކުގެ ތެރޭގައި، އޮމާން، ޗެކް ރިޕަބްލިކް، އިޓަލީ، ސައިޕްރަސް، ސްޕެއިން، ޑެންމާރކް، ރޮމޭނިޔާ އަދި ޕޮލޭންޑް ހިމެނެއެވެ.

މުޅިދުނިޔެއަށް ފެތުރެމުންދާ ކޮވިޑުގެ ބަލިމަޑުކަމުގައި، 78 މިލިއަން މީހުން މަރުވެފައިވާއިރު، މުޅި ދުނިޔެއިން 1.73 މިލިއަން މީހުންނަށް މިހާތަނަށް މިބަލި ޖެހިފައިވެއެވެ. އަދި މިބަލިން ރައްކާތެރިވުމަށް ތައްޔާރު ކުރެވެމުންދިޔަ އެތައް ވެކްސިނެއްގެ ތެރެއިން މިހާތަނަށް ބޭނުން ކުރަން ފަށާފައިވަނީ 4 ވެކްސިނެކެވެ. މީގެ ތެރޭގައި ހިމެނެނީ؛ ފައިޒާރ އަދި ބައޯއެންޓެކްގެ ވެކްސިނާއި، މޮޑަރނަރ ކުންފުނީގެ ވެކްސިނާއި، ރަޝިޔާގެ ސްޕަޓްނިކް ވީ އަދި، ޗައިނާގެ ސިނޮފާމް ކުންފުނީގެ ވެކްސިނެވެ.

މިގޮތުން މިއަދު އިތުރު 8 ގައުމެއްގައި މި 4 ވެކްސިން ދިނުމަށް ފަށާފައިވާއިރު، ޖުމްލަ 25 ގައުމެއްގައި މިވެކްސިންތައް ދެވެމުންދާކަމަށްވެއެވެ.

ތިރީގައި އެވަނީ މިއަދާއި ހަމައަށް ވެކްސިން ޖަހަން ފަށާފައިވާ ގައުމުތަކެވެ.

1- އިނގިރޭސިވިލާތު

2- ޔޫއޭއީ

3- އެމެރިކާ

4- ކެނެޑާ

5- ސައޫދީ އަރަބިއްޔާ

6- އިޒްރާއިލް

7- ޤަތަރު

8- މެކްސިކޯ

9- ސާރބިޔާ

10- ކުވައިތު

11- ޗިލީ

12- ރަޝިޔާ

13- ސްވިޒަރލޭންޑް

14- ކޯސްޓަރިކާ

15- ހަންގޭރީ

16- ޖަރމަނީ

17- ސްލޮވާކިޔާ

18- އޮމާން

19- ޗެކް ރިޕަބްލިކް

20- އިޓަލީ

21- ސައިޕްރަސް

22- ސްޕެއިން

23- ޑެންމާރކް

24- ރޮމޭނިޔާ އަދި،

25- ޕޮލޭންޑް.