މާފަންނު ދެކުނު ދާއިރާގެ ކުރީގެ މެމްބަރު އަބްދުﷲ ރިފާއު (ބޮޗޭ) އަނެއްކާވެސް ޕީޕީއެމްއާ ގުޅިވަޑައިގެންފިއެވެ.

ޕީޕީއެމުން ބުނީ، އެޕާޓީއަށް ގިނަ ދުވަސްތަކެއް ވަންދެން ހިދުމަތް ކުރެއްވި މާފަންނު ދެކުނު ދާއިރާގެ ކުރީގެ މެމްބަރު އަބްދުﷲ ރިފާއު އަލުން ޕީޕީއެމްއާ ގުޅިވަޑައިގަތީ މިއަދު ހަވީރު ޕީޕީއެމް އޮފީހުގައި ބޭއްވި ހާއްސަ ރަސްމިއްޔާތެއްގައި ކަމަށެވެ. ރިފާއުވެސް ވަނީ އޭނާ ޕީޕީއެމާ ގުޅިވަޑައިގެންނެވިކަން ސޯޝަލް މީޑިއާގައި އިއުލާންކޮށްފައެވެ.

Miadhu Haveeru Beyvvunu haflaa ehga PPM ah gina hidhumaithakeh kohdhevvaafa vaa Maafannu Dhekunu Dhaairaage kureege member @RifauMP vanee PPM ah soi kuravvafa. pic.twitter.com/gzD5RJIsAZ

— Progressive Party of Maldives (@ProgressPartyMV) November 25, 2020

ޖާބިރުގެ ޑީއާރުޕީގައި އިސް މަގާމްތަކެއް އަދާކުރެއްވުމަށްފަހު މިމަހުގެ 16 ވަނަ ދުވަހު ޑީއާރުޕީން އޭނާ ވަކިވެވަޑައިގަތީ ކުރީގެ ރައީސް އަބްދުﷲ ޔާމީން މިނިވަންކުރުމުގެ މަސައްކަތަށް ހުސްވުމަށްޓަކައިކަމަށް ބޮޗޭ ވިދާޅުވިއެވެ.

މީގެ ކުރިން ބޮޗޭ ވަނީ ރައީސް މައުމޫންގެ ޒައާމަތުގައި ޑިއާރުޕީގައި ހަރަކާތްތެރިވެ ވަޑައިގެންފަޕއެވެ. އަދި ރައީސް ޔާމިން އުފެއްދި ޕީއޭގައިވެސް އޭނާ މަގާމްތަކެއް ފުރުއްވެވިއެވެ.