މާލީ ކަންކަމާއި އިޤްތިޞާދީ ކަންކަމުގެ ތަޖުރިބާ ލިބިވަޑައިގެން ހުންނެވި ޝަރީފް ކުރެއްވި ޓްވީޓްތަކެއްގައި ވިދާޅުވީ މިއީ އުނދަގޫ ނިންމުންތަކެއް ނިންމަންޖެހޭ ދަނޑިވަޅެއްކަމަށެވެ. އަދި މިއީ ސަރުކާރުން ރައްޔިތުންގެ މާލީ ފުދުންތެރިކަން ކަށަވަރުކުރަންޖެހިފައިވާ ދަނޑިވަޅެއް ކަމަށްވެސް ޝަރީފް ވިދާޅުވިއެވެ.
ޝަރީފް ވިދާޅުވީ މިހާރު ދަރަނި ބޮޑުވެގެން އުޅެނީ ކޯވިޑްގެ ސަބަބުންކަން ޤަބޫލުކުރަންޖެހޭކަމަށެވެ. އަދި އިޤްތިޞާދީ ހަރަކާތްތައް އިތުރުކުރަން ރައްޔިތުންނަށް ދޭ ފައިސާ އިތުރުކުރަންޖެހޭކަމަށް ވެސް ޝަރީފް ވިދާޅުވިއެވެ.
In a crisis tough choices are needed to be made.Govt.must ensure financial security of people .We must understand that increase in debt is caused by Covid crisis.Under the circumstances to best way forward is to increase public spending to keep the economic machinery working.
— Ibrahim Shareef (@AdduShareef) November 20, 2020
ޝަރީފް ވިދާޅުވީ ދެމެހެއްޓެނިވި ގޮތެއްގައި އިޤްތިޞާދު ކުރިއަށްގެންގޮސް، ރައްޔިތުންނަށް ބޭނުންވާ އަސާސީ ކަންކަމާއި ވަޒީފާތައް ރައްކާތެރިކޮށް، ވިޔަފާރިތައް ހިމާޔަތްކުރަން ވަރަށް ރަނގަޅު މާލީ ސިޔާސަތުތަކެއް ބޭނުންވާކަމަށެވެ.
Extraordinary fiscal measures r required to sustain d economy n protect people’s health,their jobs,their businesses n financial security.Essential public services must continue even if d government debt gets https://t.co/MqVxbsx9qh way to deal w/ debt is to boost economic growth
— Ibrahim Shareef (@AdduShareef) November 20, 2020
ޝަރީފް އިތުރަށް ވިދާޅުވީ ދަރަނި ކިތަންމެ ބޮޑުވިޔަސް ރައްޔިތުންނަށް ބޭނުންވާ އަސާސީ ކަންކަން ކުރިއަށްގެންދަންޖެހޭކަމަށެވެ. އަދި ދަރަނީގެ ކަންކަން ހަމައަކަށް އަޅުވަން އެންމެ މޮޅު ގޮތަކީ އިޤްްތިޞާދީ ދުވެލި ހަލުވިކުރުންކަމަށްވެސް ޝަރީފް ވިދާޅުވިއެވެ.
By making economy grow much faster can increase revenue that can help bring down the accumulated government debt overtime. To achieve all this we must keep up investment in productive infrastructure. @ibusolih @iameeru @faya_i @MohamedNasheed
— Ibrahim Shareef (@AdduShareef) November 20, 2020
ޝަރީފްގެ ޓްވީޓްގައި އިޤްތިޞާދީ ހަރަކާތްތައް އިތުރުކުރުމުން އާމްދަނީ އިތުރުވެ، ދަރަނި އަދާކުރުމަށް ފަސޭހަވެގެންދާނެކަމަށް ވިދާޅުވެފައިވެއެވެ. އަދި މިކަންކަން ހާސިލްކުރުމަށް ފައިދާކުރަނިވި އިންފްރާސްޓަރަކްޗަރއަށް އިންވެސްޓްކުރުމުގައި ދެމިތިބެންޖެހޭކަމަށްވެސް ޝަރީފް ވިދާޅުވިއެވެ. މީގެއިތުރުން ބަލިމަޑުކަމެއް ފެތުރި، އިޤްތިޞާދު އިނދަޖެހިފައިވާ މިދަނޑިވަޅުގައި ސިޔާސީ މީހުންގެ އަމިއްލަ މަސްލަހަތު އިސްނުކޮށް، ރައްޔިތުންގެ ލާބައާއި މަންފާއަށް މަސައްކަތްކުރުން އިސްކުރަންޖެހޭކަމަށްވެސް ޝަރީފް ވިދާޅުވިއެވެ.
ޝަރީފް މިހެން ވިދާޅުވެފައި މިވަނީ، ސަރުކާރުން އަންނަ އަހަރަށް ބޮޑު ބަޖެޓެއް ހުށަހެޅުމުން އިދިކޮޅު ފަރާތްތަކުންނާއި މަޖިލީހުގެ އެމްޑީޕީގެ ބައެއް މެމްބަރުން އެކަމަށް ވަރަށް ބޮޑަށް ފާޑުވިދާޅުވަމުންދާ ދަނޑިވަޅެއްގައެވެ. ބައެއް މެމްބަރުން ވިދާޅުވާ ގޮތުން މިއީ ބޮޑު ބަޖެޓެއް ފާސްކުރަންޖެހޭ ވަގުތެއް ނޫނެވެ. ނަމަވެސް ސަރުކާރަށް ތާޢީދުކުރައްވާ ބޭފުޅުން ވިދާޅުވަނީ މިއީ އިޤްތިޞާދުގައި ދައުރުކުރާ ފައިސާ އިތުރުކުރަންޖެހޭ ވަގުތުކަމަށެވެ.
ކިޔުންތެރިންގެ ހިޔާލު