ގދ. ތިނަދޫގައި ކުޑަ ކުއްޖަކަށް އަނިޔާކުރި މައްސަލައެއް ފުލުހުންނާއި ޖެންޑާ މިނިސްޓްރީން ބަލަން ފަށައިފިއެވެ.

އެކަމާގުޅިގެން ފުލުހުން ބުނީ އުމުރުން 13 އަހަރުގެ ކުޑަ ކުއްޖަކަށް އަނިޔާ ކުރަމުންދާ މައްސަލައެއް ރޭ އެ ރަށު ޕޮލިސް ސްޓޭޝަނަށް ހުށަހަޅާފައިވާ ކަމަށާއި، މި މައްސަލަ ސީރިއަސް މައްސަލައެއްގެ ގޮތުގައި ބަލަމުންދާ ކަމަށެވެ. އަދި އަނިޔާ ލިބުނު ކުއްޖާއަށް ރައްކާތެރިކަން ދިންކަން ކަށަވަރުކޮށްފައިވާ ކަމަށާއި ޖެންޑަރ މިނިސްޓްރީން ވެސް މިކަމުގައި ހަރަކާތްތެރިވަމުންދާ ކަމަށް ފުލުހުން ބުނެފައި ވެއެވެ.

Physical abuse case of a 13yo minor was reported to GDh. Thinadhoo Police Station last night. The case is being further investigated and victim's safety is ensured by @MoGFSSmv

Offenses against children are treated as serious crimes and will be investigated with utmost diligence

— Maldives Police (@PoliceMv) November 16, 2020

ފުލުހުންގެ އިތުރުން ޖެންޑާ މިނިސްޓްރީން ވެސް ބުނެފައިވަނީ، މި މައްސަލަ ބަލަމުންދާ ކަމަށާއި، މި މައްސަލާގައި ޝާމިލުވާ ކުޑަކުއްޖާއަށް އެ މިނިސްޓްރީން ރައްކާތެރިކަން ކަށަވަރު ކޮށްދީފައިވާ ކަމަށެވެ.

We are attending this. Thank you for bringing it up.

We remind everyone to call our child helpline 1412 to report any child abuse cases.

— Ministry of Gender, Family and Social Services (@MoGFSSmv) November 16, 2020

މި މައްސަލަ ރޭގެ ވަގުތެއްގައި ފުލުހުންނަށް ހުށަހެޅީ އާންމުންގެ މީހެކެވެ. ސޯޝަލް މީޑިއާގައި އޭނާ ބުނެފައިވަނީ ކުޑަ ކުއްޖަކަށް އަނިޔާކުރާކަމަށް ބެލޭވިގެން އެމައްސަލަ އެރަށުގެ ފުލުހުންނަށް ރިޕޯޓް ކުރި ކަމަށެވެ. ތިން ވަނަ ފަންގިފިލާއާއި ހަމައަށް ކުއްޖަކު ރޮއި އާދޭސް ކުރާ އަޑު އޭނާއަށް އިވިފައިވާ ކަމަށް އޭނާ ބުނެފައިވެއެވެ. ނަމަވެސް ފަހުން އޭނާ އެ ޓްވީޓް ޑިލީޓް ކޮށްލި ކަމަށާއި ޑިލީޓްކޮށްލީ އޭނާގެ ޓްވީޓާ ގުޅިގެން މީހުން ކުރި ކޮމެންޓް ތަކުގައި އެ އާއިލާގެ ނަން ބޭނުން ކޮށްފައިވާތީ ކަމަށް ބުނެފައި ވެއެވެ.