ދިވެހިރާއްޖޭގެ މިނިވަންކަމާއި ސިޔާދަތާއި ޤައުމީ ކަރާމާތް ރައްކާތެރި ކުރުމަށާއި، ރާއްޖޭގެ ހާލަތާ ގުޅޭގޮތުން ތަރައްޤީގެ އަމިއްލަ މަގެއް އިޚްތިޔާރުކުރުމަށް ޗައިނާއިން އަބަދުވެސް ފުރިހަމައަށް ތާއީދުކުރާނެ ކަމަށް ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ވިދާޅުވެއްޖެއެވެ.

މިކަން ހާމަކުރަށްވާފައިވަނީ ދިވެހިރާއްޖޭގެ ޖުމްހޫރީ ދުވަހުގެ މުނާސަބަތުގައި، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު މީސްމީޑިއާގައި ހިއްސާކުރެއްވި ތަހުނިޔާގެ މެސެޖެއްގައެވެ. ސަފީރުގެ މެސެޖުގައި ވަނީ ރާއްޖޭގެ ސަރުކާރަށާއި ރައްޔިތުންނަށް ޖުމްހޫރީ ދުވަހުގެ އިޚްލާޞްތެރި ތަހުނިޔާ އަރިސްކުރަށްވާފައެވެ.

ސަފީރުގެ މެސެޖުގައި، ޖުމްހޫރިއްޔަތެއް ޤާއިމުވުމަކީ ރާއްޖޭގެ ތާރީޚުގައި ވެސް ފާހަގަކޮށްލެވޭ މުހިންމު ބޮޑު ބަދަލެއް ކަމަށް ވިދާޅުވެފައިވެއެވެ. އަދި މިއީ ޤައުމުގެ ތާރީޚާއި، ސިޔާދަތާއި، ކުރިމަގުގެ އުންމީދުތަކާ މެދު ފުންކޮށް ވިސްނާލަން ލިބޭ މުހިންމު ފުރުޞަތެއް ކަމަށް ވެސް ވިދާޅުވިއެވެ. މި މޭރުމުން ވާހަކަދައްކަވަމުން، ޗައިނާގެ ވެރިރަށް ބެއިޖިންގ ގައި ދާދިފަހުން ބޭއްވި ޗައިނާގެ ޑިމޮކްރެޓިކް އިންޤިލާބުގެ ބާނީ ސަން ޔަޓް-ސެންގެ 160 ވަނަ އުފަންދުވަހުގެ ޖަލްސާގައި ޗައިނާގެ ރައީސް ޝީ ޖިންޕިންގ ދެއްކެވި ވާހަކަފުޅަށް ވެސް ސަފީރު އަލިއަޅުއްވާލެއްވިއެވެ.

ޗައިނާގެ ސަން ޔަޓް-ސެންގެ 160 ވަނަ އުފަންދުވަސް ފާހަގަކުރުމުގެ ގޮތުން ބެއިޖިންގައި ބޭއްވި ހާއްސަ ރަސްމިއްޔާތެއްގައި، ޗައިނާގެ ރައީސް ޝީ ޖިންޕިންގް ވާހަކަފުޅުގައި، ސަން ޔަޓް-ސެންގެ ޚިދުމަތްތައް ފާހަގަކުރަށްވައި، އޭނާއަކީ ޗައިނާގެ މިނިވަން ކަމަށާއި، އިޖުތިމާޢީ ކުރިއެރުމަށާއި، ރައްޔިތުންގެ ލާބައަށް މުޅި އުމުރު ހޭދަކުރެއްވި ބަޠަލެއްކަން ފާހަގަކުރެއްވިއެވެ. ޤަރުނަކަށްވުރެ ކުރިން 1911 ވަނަ އަހަރު ސަން ޔަޓް-ސެން އިސްނަންގަވައިގެން ގެނައި އިންޤިލާބަކީ ޗައިނާގައި ޒަމާންތަކެއް ވަންދެން އޮތް ރަސްކަން ނިމުމަކަށް ގެނެސް، ޖުމްހޫރިއްޔަތަކަށް މަގުފަހިކޮށްދިން މުހިންމު ފިޔަވަޅެކެވެ.

Chinese President Xi Jinping on Thursday called for carrying forward the legacy of Sun Yat-sen and making renewed efforts toward national rejuvenation. Xi made the remarks at a gathering in Beijing marking the 160th anniversary of Sun’s birth, hailing him as a great national hero, patriot and pioneer of China’s democratic revolution.

More than a century ago, Sun Yat-sen led the Revolution of 1911, which brought an end to the absolute monarchy that had ruled China for thousands of years and opened the way for the establishment of a republic. Throughout his life, he devoted himself to the causes of national independence, social progress and the well-being of the people, while championing the vision of revitalizing China. His patriotism, commitment to the people and perseverance remain an important part of his legacy.

The establishment of a republic also marked a defining moment in the Maldives’ own history. It is an occasion to reflect on the country’s history, sovereignty and aspirations for the future. China firmly supports the Maldives in safeguarding its sovereignty, independence and national dignity, and in pursuing a development path suited to its national conditions. China stands ready to work with the Maldives to deepen friendship and cooperation and promote shared development.

— Ambassador Kong Xianhua (@China_Amb_Mdv) November 12, 2026

ޗައިނާ ސަފީރުގެ މެސެޖުގައި އިތުރަށް ވިދާޅުވީ، ރާއްޖެއާއި ޗައިނާއާ ދެމެދު އޮތް ގުޅުމަކީ އެއް ޤައުމު އަނެއް ޤައުމަށް އިޙްތިރާމްކުރުމާއި ހަމަހަމަކަމުގެ މައްޗަށް ބިނާވެފައިވާ ދިގު މާޒީއެއް އޮތް ގުޅުމެއް ކަމަށެވެ. އަދި ދެ ޤައުމުގެ ދެމެދުގައި އޮތް އެކުވެރިކަމާއި އެއްބާރުލުން އިތުރަށް ބަދަހިކޮށް، ދެ ޤައުމުގެ ރައްޔިތުންނަށް ފައިދާވާނޭހެން "ކޮމްޕްރިހެންސިވް ސްޓްރެޓީޖިކް ކޯޕަރޭޓިވް ޕާޓްނަރޝިޕް" އިތުރަށް ހަރުދަނާކުރުމަށް ޗައިނާ އަބަދުވެސް އޮތީ ތައްޔާރަށް ކަމަށް ސަފީރު ވިދާޅުވިއެވެ.

އޭގެއިތުރުން ސަފީރު ވަނީ ރާއްޖެއަށް ދެމިގެންވާ އަމަންއަމާންކަމާއި ފާގަތިކަމަށް އެދިވަޑައިގެން، ދެ ޤައުމުގެ އެކުވެރިކަން އަންނަން އޮތް ޖީލުތަކަށް ދެމިގެންދާނެ ކަމަށް އުންމީދުކުރައްވާ ކަމަށްވެސް ވިދާޅުވެފައެވެ.