ރައްޔިތުންގެ މަޖިލީހުގެ ކުރީގެ ރައީސް އަދި ކުރީގެ ފޮރިން މިނިސްޓަރު ޢަބްދުﷲ ޝާހިދުގެ މައްޗަށް ކުރެވޭ ތުހުމަތުތަކަކީ އެމަނިކުފާނު ދުވަހަކުވެސް ކުރައްވާނެ ކަންކަން ނޫން ކަމަށާއި، މުޅި އާއިލާ އޮތީ ސާބިތުކަމާއެކު އެމަނިކުފާނުގެ ފަހަތްޕުޅުގައި ކަމަށް ދަރިކަލުން ޔާމީން ޝާހިދު ވިދާޅުވެއްޖެއެވެ.
ކުޑަކުއްޖަކަށް ޖިންސީ ގޯނާ ކުރި ކަމަށް ބުނެ ފުލުހުން ޝާހިދު ހައްޔަރުކުރުމާ ގުޅިގެން އެމަނިކުފާނުގެ ދިފާޢުގައި ވާހަކަދައްކަވަމުން ދަރިކަލުން ޔާމީން އެކްސްގައި ކުރެއްވި ޕޯސްޓެއްގައި ވިދާޅުވީ، ބައްޕާފުޅުގެ ސުލޫކާއި، ގަބޫލުކުރައްވާ އުސޫލުތަކުގެ އިތުރުން، އެއީ ކޮންފަދަ ޝަހުސިއްޔަތެއްކަން އާއިލާއަށް ވަރަށް ރަނގަޅަށް އެނގޭ ކަމަށެވެ. އަދި އެމަނިކުފާނުގެ މައްޗަށް ކުރެވެމުންދާ ތުހުމަތުތަކަކީ ދުވަހަކުވެސް ކުރައްވާނެ ކަންތައްތަކެއް ނޫންކަން ޔަގީންވާތީ، މިއަދުވެސް ސާބިތުކަމާއެކު ހުންނެވީ ބައްޕާފުޅުގެ ފަހަތްޕުޅުގައި ކަމަށް އޭނާ ވިދާޅުވިއެވެ.
މީގެއިތުރުން، ބައްޕާފުޅުގެ އަބުރު ކިލަނބުކޮށްލުމަށްޓަކައި ސިޔާސީ މަގްސަދެއްގައި ކުރާ މި ތުހުމަތުތައް، ޝާހިދު މިހާރުވެސް ހަރުކަށި އިބާރާތުން ކުށްވެރިކުރައްވާފައިވާކަން ދަރިކަލުން ޔާމީން ފާހަގަކުރެއްވިއެވެ. އަދި މިއަދު ބައްޕަ ހައްޔަރުކުރި މަންޒަރު ފެނުމަކީ ހިތަށް ލިބުނު ވަރަށް ބޮޑު ހިތްދަތިކަމެއް ކަމަށާއި، އެކަން ހިނގައިދިޔަ ގޮތުން ސީރިއަސް ސުވާލުތަކެއް އުފެދޭ ކަމަށްވެސް އޭނާ ވިދާޅުވިއެވެ.
ޝާހިދުގެ ދަރިކަލުން ޔާމީން އިތުރަށް ވިދާޅުވީ، އިންސާފުވެރިކަމާއެކު ކަންކަން ކުރިއަށްދިއުމާއި، ގާނޫނީ އިޖުރާއަތްތައް ފުރިހަމަވުމުގެ އިތުރުން، ޝާހިދުގެ ދިފާއުގައި ވާހަކަދެއްކުމުގެ ފުރިހަމަ ފުރުސަތު އެމަނިކުފާނަށް ލިބެންޖެހޭނެ ކަމަށެވެ.
"އަޅުގަނޑުމެންގެ މުޅި އާއިލާ މިއަދުވެސް އޮތީ ބައްޕައާއެކު ސާބިތުކަމާއެކުގައެވެ. އަދި މި އަޒުމަކަށް އެއްވެސް ލޮޅުމެއް ނާންނާނެއެވެ،" ނިންމާލައްވަމުން ދަރިކަލުން ޝާހިދު ވިދާޅުވިއެވެ.
ފުލުހުން ރޭ ނެރުނު ބަޔާނެއްގައި ބުނީ އުމުރުން 18 އަހަރުން ދަށުގެ ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ކޯޓު އަމުރެއްގެ ދަށުން ރޭ 21:59 ގައި ޝާހިދު ހައްޔަރުކޮށްފައިވާ ކަމަށެވެ. ޝާހިދު ހައްޔަރުކުރުމަށްފަހު އޭނާ މިހާރު ވަނީ ދޫނިދޫ އަަށް ގެންގޮސްފައެެވެ. ޝާހިދު ހައްޔަރުކުރުމުގެ ކުރިން 'އެކްސް' ގައި ކުރެއްވި ޕޯސްޓެއްގައި ވިދާޅުވެފައިވަނީ އެއީ ޝަޚުސު ކަތިލުމަށް ސިޔާސީ ގޮތުން ފަތުރަމުންދާ ވާހަކަތަކެއް ކަމަށާއި އެއީ އެއްވެސް އަސްލެއް ނެތް ދޮގު ވާހަކަތަކެއް ކަމަށެވެ.
ހަމައެއާއެކު އެފަދަ ސާބިތު ނުހިފޭ ވާހަކަ ނުފެތުރުމަށް ވެސް ޝާހިދު ވަނީ އެދިވަޑައިގެންފައެވެ.
I know my father's character, his values and the kind of man he is. I know he would never do what he's being accused of, and I stand by him completely.
— Yameen Shahid (@YamynS) November 2, 2026
He has already condemned these allegations as a politically motivated attempt to destroy his reputation. Seeing him arrested… https://t.co/hsJdFyE9Wf
މީގެއިތުރުން، ބައްޕާފުޅުގެ އަބުރު ކިލަނބުކޮށްލުމަށްޓަކައި ސިޔާސީ މަގްސަދެއްގައި ކުރާ މި ތުހުމަތުތައް، ޝާހިދު މިހާރުވެސް ހަރުކަށި އިބާރާތުން ކުށްވެރިކުރައްވާފައިވާކަން ދަރިކަލުން ޔާމީން ފާހަގަކުރެއްވިއެވެ. އަދި މިއަދު ބައްޕަ ހައްޔަރުކުރި މަންޒަރު ފެނުމަކީ ހިތަށް ލިބުނު ވަރަށް ބޮޑު ހިތްދަތިކަމެއް ކަމަށާއި، އެކަން ހިނގައިދިޔަ ގޮތުން ސީރިއަސް ސުވާލުތަކެއް އުފެދޭ ކަމަށްވެސް އޭނާ ވިދާޅުވިއެވެ.
ޝާހިދުގެ ދަރިކަލުން ޔާމީން އިތުރަށް ވިދާޅުވީ، އިންސާފުވެރިކަމާއެކު ކަންކަން ކުރިއަށްދިއުމާއި، ގާނޫނީ އިޖުރާއަތްތައް ފުރިހަމަވުމުގެ އިތުރުން، ޝާހިދުގެ ދިފާއުގައި ވާހަކަދެއްކުމުގެ ފުރިހަމަ ފުރުސަތު އެމަނިކުފާނަށް ލިބެންޖެހޭނެ ކަމަށެވެ.
"އަޅުގަނޑުމެންގެ މުޅި އާއިލާ މިއަދުވެސް އޮތީ ބައްޕައާއެކު ސާބިތުކަމާއެކުގައެވެ. އަދި މި އަޒުމަކަށް އެއްވެސް ލޮޅުމެއް ނާންނާނެއެވެ،" ނިންމާލައްވަމުން ދަރިކަލުން ޝާހިދު ވިދާޅުވިއެވެ.
ހަމައެއާއެކު އެފަދަ ސާބިތު ނުހިފޭ ވާހަކަ ނުފެތުރުމަށް ވެސް ޝާހިދު ވަނީ އެދިވަޑައިގެންފައެވެ.
ކިޔުންތެރިންގެ ހިޔާލު