ސްރީލަންކާގެ ކުރީގެ ރައީސް މަހިންދަ ރާޖަޕަކްސާގެ އަނބިކަނބަލުން އަދި ކުރީގެ ފަސްޓް ލޭޑީ ޝިރާންތީ ރާޖަޕަކްސާ، ކުޑަކުދިންގެ ހޮސްޕިޓަލަކަށް އެހީގެ ގޮތުގައި އެއްކުރި ފައިސާއަށް ހިޔާނާތްތެރިވި ކަމުގެ ތުހުމަތުގައި ސްރީލަންކާގެ ކޮރަޕްޝަން އިންވެސްޓިގޭޝަން ކޮމިޝަން (ސީއައިއޭބީއޯސީ) އިން ބުދަ ދުވަހު ހައްޔަރުކޮށްފިއެވެ.
އުމުރުފުޅުން 73 އަހަރުގެ ޝިރާންތީ ހައްޔަރުކޮށްފައިވަނީ ކޮލަމްބޯގައި ހުންނަ އެކަމަނާގެ ދިރިއުޅުއްވާ ގޭގެއިންނެވެ. މިއީ ރައީސް އަނޫރާ ކުމާރާ ދިސާނާޔަކޭގެ ސަރުކާރުން، ރާޖަޕަކްސާ އާއިލާގެ މެމްބަރުންނާ ދެކޮޅަށް ކުރިން ހުއްޓިފައި ހުރި ކޮރަޕްޝަނުގެ މައްސަލަތައް އަލުން ބަލަން ފެށުމާ ގުޅިގެން ހައްޔަރުކުރި ފަރާތެކެވެ.
ސީއައިއޭބީއޯސީގެ އޮފިޝަލަކު މީޑިއާއަށް މައުލޫމާތު ދެއްވަމުން ވިދާޅުވި ގޮތުގައި، ޝިރާންތީ ހައްޔަރުކުރެވުނީ އެކަމަނާ ހިންގަވާ "ސިރިލިޔާ ސަވިޔާ ފައުންޑޭޝަން" އާ ގުޅޭ ގޮތުން ކުރެވޭ ތުހުމަތުތަކަކަށެވެ. ކެންސަރު ހޮސްޕިޓަލަކަށް ޕީއީޓީ (PET) ސުކޭނަރެއް ހޯދުމަށްޓަކައި އެ ފައުންޑޭޝަނުން އެއްކުރި 10 މިލިއަން ލަންކާ ރުޕީސް (ގާތްގަނޑަކަށް 30,300 އެމެރިކާ ޑޮލަރު) އަށް ހިޔާނާތްތެރިވެފައިވާ ކަމަށް ތަހުގީގުކުރާ ފަރާތްތަކުން ވަނީ ކޯޓުގައި ބުނެފައެވެ.
ސުކޭނަރު ޗައިނާ ސަރުކާރުން ހަދިޔާކޮށްފައި ވަނިކޮށްވެސް، އެ ފައުންޑޭޝަނުން އެހީގެ ގޮތުގައި ފައިސާ ހޯދައި، އެ ފައިސާ ނާޖާއިޒު ގޮތުގައި ބޭނުންކޮށްފައިވާ ކަމަށް ވަނީ ތުހުމަތުކުރެވިފައެވެ.
މެޑިކަލް ފަރުވާއަކަށް ސިންގަޕޫރަށް ވަޑައިގަތުމަށްފަހު އެނބުރި ވަޑައިގަތުމުން އެއާޕޯޓުން އެކަމަނާއަށް ވަނީ ސުވާލުކުރުމަށް ހާޒިރުވުމަށް އެންގުމުގެ އަމުރެއް ހަވާލުކޮށްފައެވެ. ހައްޔަރުކުރުން ހުއްޓުވުމުގެ އަމުރަކަށް އެދި ކޯޓަށް ހުށަހެޅުއްވި ނަމަވެސް، އޭގެ އަޑުއެހުން ތާވަލުކުރެވުނީ ހައްޔަރުކުރި ތާރީހުގެ ފަހުންނެވެ.
ނަމަވެސް، ޝިރާންތީ ވަނީ އެއްވެސް ފައިސާއަކަށް ހިޔާނާތްތެރިވެފައި ނުވާނެ ކަމަށް ކުރެވޭ ތުހުމަތުތައް ދޮގުކުރައްވާފައެވެ.
މީގެ އިތުރުން، ރާޖަޕަކްސާ އާއިލާގެ ބައެއް އާއިލީ މެމްބަރުންނަށްވެސް ވަނީ ގާނޫނީ ފިޔަވަޅުތަކާ ކުރިމަތިލާންޖެހިފައެވެ. އެގޮތުން، ޝިރާންތީގެ ދޮށީ ދަރިކަލުން އަދި އިދިކޮޅު މަޖިލިސް މެމްބަރު ނާމާލް ރާޖަޕަކްސާވެސް ވަނީ 2013 ވަނަ އަހަރު އެއާބަސް މަތިންދާބޯޓު ގަތުމުގެ އެއްބަސްވުމަކާ ގުޅޭ ކޮރަޕްޝަނުގެ މައްސަލައެއްގައި ބަންދުކޮށްފައެވެ.
ރާޖަޕަކްސާ އާއިލާއިން އަބަދުވެސް ބުނަމުންދަނީ މިއީ ސިޔާސީ ބޭނުމެއްގައި ކުރާ ތުހުމަތުތަކެއް ކަމަށެވެ. 2022 ވަނަ އަހަރު އާންމުންގެ ބޮޑެތި މުޒާހަރާތަކަކާ ގުޅިގެން ކުރީގެ ރައީސް ގޮތަބަޔާ ރާޖަޕަކްސާ ވެރިކަމުން ދުރުވި ނަމަވެސް، މަހިންދަ ރާޖަޕަކްސާއަކީ އަދިވެސް ސްރީލަންކާގެ ސިޔާސީ މަޝްރަހުގައި ނުފޫޒުގަދަ ބޭފުޅެކެވެ.
ސީއައިއޭބީއޯސީގެ އޮފިޝަލަކު މީޑިއާއަށް މައުލޫމާތު ދެއްވަމުން ވިދާޅުވި ގޮތުގައި، ޝިރާންތީ ހައްޔަރުކުރެވުނީ އެކަމަނާ ހިންގަވާ "ސިރިލިޔާ ސަވިޔާ ފައުންޑޭޝަން" އާ ގުޅޭ ގޮތުން ކުރެވޭ ތުހުމަތުތަކަކަށެވެ. ކެންސަރު ހޮސްޕިޓަލަކަށް ޕީއީޓީ (PET) ސުކޭނަރެއް ހޯދުމަށްޓަކައި އެ ފައުންޑޭޝަނުން އެއްކުރި 10 މިލިއަން ލަންކާ ރުޕީސް (ގާތްގަނޑަކަށް 30,300 އެމެރިކާ ޑޮލަރު) އަށް ހިޔާނާތްތެރިވެފައިވާ ކަމަށް ތަހުގީގުކުރާ ފަރާތްތަކުން ވަނީ ކޯޓުގައި ބުނެފައެވެ.
ސުކޭނަރު ޗައިނާ ސަރުކާރުން ހަދިޔާކޮށްފައި ވަނިކޮށްވެސް، އެ ފައުންޑޭޝަނުން އެހީގެ ގޮތުގައި ފައިސާ ހޯދައި، އެ ފައިސާ ނާޖާއިޒު ގޮތުގައި ބޭނުންކޮށްފައިވާ ކަމަށް ވަނީ ތުހުމަތުކުރެވިފައެވެ.
މެޑިކަލް ފަރުވާއަކަށް ސިންގަޕޫރަށް ވަޑައިގަތުމަށްފަހު އެނބުރި ވަޑައިގަތުމުން އެއާޕޯޓުން އެކަމަނާއަށް ވަނީ ސުވާލުކުރުމަށް ހާޒިރުވުމަށް އެންގުމުގެ އަމުރެއް ހަވާލުކޮށްފައެވެ. ހައްޔަރުކުރުން ހުއްޓުވުމުގެ އަމުރަކަށް އެދި ކޯޓަށް ހުށަހެޅުއްވި ނަމަވެސް، އޭގެ އަޑުއެހުން ތާވަލުކުރެވުނީ ހައްޔަރުކުރި ތާރީހުގެ ފަހުންނެވެ.
ނަމަވެސް، ޝިރާންތީ ވަނީ އެއްވެސް ފައިސާއަކަށް ހިޔާނާތްތެރިވެފައި ނުވާނެ ކަމަށް ކުރެވޭ ތުހުމަތުތައް ދޮގުކުރައްވާފައެވެ.
ރާޖަޕަކްސާ އާއިލާއިން އަބަދުވެސް ބުނަމުންދަނީ މިއީ ސިޔާސީ ބޭނުމެއްގައި ކުރާ ތުހުމަތުތަކެއް ކަމަށެވެ. 2022 ވަނަ އަހަރު އާންމުންގެ ބޮޑެތި މުޒާހަރާތަކަކާ ގުޅިގެން ކުރީގެ ރައީސް ގޮތަބަޔާ ރާޖަޕަކްސާ ވެރިކަމުން ދުރުވި ނަމަވެސް، މަހިންދަ ރާޖަޕަކްސާއަކީ އަދިވެސް ސްރީލަންކާގެ ސިޔާސީ މަޝްރަހުގައި ނުފޫޒުގަދަ ބޭފުޅެކެވެ.
ކިޔުންތެރިންގެ ހިޔާލު