ސްރީ ލަންކާގައި ސިޔާސީ ބާރުވެރިކަން ބައްޕަގެ ކިބައިން ދަރިންނަށް ވާރުތަވަމުން އަންނަ އުސޫލު ނިމުމަކަށް ގެނެސް، ގައުމުގެ ސިޔާސީ ސަގާފަތަށް ބޮޑު ބަދަލެއް ގެންނަން ޖެހިފައިވާ ކަމަށް އެ ގައުމުގެ ރައީސް އަނޫރާ ކުމާރަ ޑިސަނަޔަކަ ވިދާޅުވެއްޖެ އެވެ.
އާންމު އެއްވުމެއްގައި ވާހަކަފުޅު ދައްކަވަމުން ރައީސް ވަނީ ކުރީގެ ރައީސް މަހިންދަ ރާޖަޕަކްސަގެ އާއިލާއަށް އިޝާރާތް ކުރައްވައި، ވެރިކަމުގެ ބާރުތަކަކީ އާއިލީ މިލްކިއްޔާތަކަށް ހެދުމުގެ ސަގާފަތް ބަދަލުކުރަންޖެހޭ ކަމަށް ވިދާޅުވެފައެވެ.
ރައީސް ޑިސަނަޔަކަ މިހެން ވިދާޅުވެފައިވަނީ މަހިންދަ ރާޖަޕަކްސަގެ ދަރިކަލުން ނަމާލް ރާޖަޕަކްސަ ކޮރަޕްޝަންގެ ތުހުމަތުގައި ހައްޔަރުކޮށް، ކުރީގެ ނުފޫޒުގަދަ ސަރުކާރުގެ އިސް ބޭފުޅުންގެ މައްޗަށް ތަހުގީގުތައް ހިންގަމުންދާ ދަނޑިވަޅެއްގައެވެ.
އިއްޔެ ބޭއްވި އެއްވުމުގައި އޭނާ ވިދާޅުވީ، ބައްޕަ ރައީސްކަން ކުރެއްވުމުން ދެން އެ މަގާމަށް ދަރިފުޅު އަންނަންޖެހޭނެ ކަމަށް ގަބޫލުކުރާ ސަގާފަތް ނައްތާލުމަކީ ގައުމުގެ އިގުތިސާދީ، އިޖުތިމާއީ އަދި ސިޔާސީ ނިޒާމު އަލުން ބިނާކުރުމަށްޓަކައި ގެންނަންޖެހޭ އެންމެ އަސާސީ އެއް ބަދަލު ކަމަށެވެ.
ގައުމު އަލުން އާރާސްތުކުރުމަށްޓަކައި ވަރުގަދަ އިސްލާހީ ހަރަކާތެއް ބޭނުންވާކަން ފާހަގަކުރައްވަމުން، ކުރީގެ ސިޔާސީ ވެރިން އާންމު ރައްޔިތުންނަށްވުރެ މަތީ ދަރަޖައެއްގައި ތިބި ތިބުމަށް ރައީސް ވަނީ ވަރަށް ބޮޑަށް ފާޑުވިދާޅުވެފައެވެ.
އަދި ސަރުކާރުން ބާއްވާ އެއްވުންތަކަކީ ބިރުގަންނާތީ ބާއްވާ އެއްވުންތަކެއް ކަމަށް ދެކެވޭ ވާހަކަތައް ދޮގުކުރައްވަމުން، ޑިސަނަޔަކަ ވިދާޅުވީ ސަރުކާރުގެ ހަމަޖެހުމަށް އެއްވެސް ނުރައްކަލެއް ނެތް ކަމަށާއި، ރައްޔިތުންނާ ބައްދަލުކުރަނީ ގައުމަށް ބޮޑެތި ބަދަލުތަކެއް ގެނައުމުގެ އަޒުމުގައި ކަމަށެވެ.
މީގެ އިތުރުން، 2024 ވަނަ އަހަރުގެ ސެޕްޓެމްބަރު މަހުން ފެށިގެން ސަރުކާރުން ވަނީ ކުރީގެ ސިޔާސީ ވެރިންނަށް ދެމުންދިޔަ ހާއްސަ އިނާޔަތްތަކާއި ބޮޑެތި ސެކިއުރިޓީ ކޮންވޯއީތައް އުވާލަން ފަށާފައެވެ.
ސިޔާސީ ވެރިންގެ ރައްކާތެރިކަމަށްވުރެ އާންމު ރައްޔިތުންގެ ސަލާމަތަށް އިސްކަންދޭނެކަން ހާމަކުރައްވަމުން ރައީސް ވިދާޅުވީ، މީގެފަހުން ފުލުހުން ތިބޭނީ ހަމައެކަނި ރައްޔިތުންގެ ހިމާޔަތުގައި ކަމަށާއި މިއީ ގައުމުގެ މިސްރާބު ބަދަލުކުރުމަށް ކުރެވޭ މުހިންމު މަސައްކަތެއް ކަމަށެވެ.
ރައީސް ޑިސަނަޔަކަ މިހެން ވިދާޅުވެފައިވަނީ މަހިންދަ ރާޖަޕަކްސަގެ ދަރިކަލުން ނަމާލް ރާޖަޕަކްސަ ކޮރަޕްޝަންގެ ތުހުމަތުގައި ހައްޔަރުކޮށް، ކުރީގެ ނުފޫޒުގަދަ ސަރުކާރުގެ އިސް ބޭފުޅުންގެ މައްޗަށް ތަހުގީގުތައް ހިންގަމުންދާ ދަނޑިވަޅެއްގައެވެ.
އިއްޔެ ބޭއްވި އެއްވުމުގައި އޭނާ ވިދާޅުވީ، ބައްޕަ ރައީސްކަން ކުރެއްވުމުން ދެން އެ މަގާމަށް ދަރިފުޅު އަންނަންޖެހޭނެ ކަމަށް ގަބޫލުކުރާ ސަގާފަތް ނައްތާލުމަކީ ގައުމުގެ އިގުތިސާދީ، އިޖުތިމާއީ އަދި ސިޔާސީ ނިޒާމު އަލުން ބިނާކުރުމަށްޓަކައި ގެންނަންޖެހޭ އެންމެ އަސާސީ އެއް ބަދަލު ކަމަށެވެ.
ގައުމު އަލުން އާރާސްތުކުރުމަށްޓަކައި ވަރުގަދަ އިސްލާހީ ހަރަކާތެއް ބޭނުންވާކަން ފާހަގަކުރައްވަމުން، ކުރީގެ ސިޔާސީ ވެރިން އާންމު ރައްޔިތުންނަށްވުރެ މަތީ ދަރަޖައެއްގައި ތިބި ތިބުމަށް ރައީސް ވަނީ ވަރަށް ބޮޑަށް ފާޑުވިދާޅުވެފައެވެ.
އަދި ސަރުކާރުން ބާއްވާ އެއްވުންތަކަކީ ބިރުގަންނާތީ ބާއްވާ އެއްވުންތަކެއް ކަމަށް ދެކެވޭ ވާހަކަތައް ދޮގުކުރައްވަމުން، ޑިސަނަޔަކަ ވިދާޅުވީ ސަރުކާރުގެ ހަމަޖެހުމަށް އެއްވެސް ނުރައްކަލެއް ނެތް ކަމަށާއި، ރައްޔިތުންނާ ބައްދަލުކުރަނީ ގައުމަށް ބޮޑެތި ބަދަލުތަކެއް ގެނައުމުގެ އަޒުމުގައި ކަމަށެވެ.
ސިޔާސީ ވެރިންގެ ރައްކާތެރިކަމަށްވުރެ އާންމު ރައްޔިތުންގެ ސަލާމަތަށް އިސްކަންދޭނެކަން ހާމަކުރައްވަމުން ރައީސް ވިދާޅުވީ، މީގެފަހުން ފުލުހުން ތިބޭނީ ހަމައެކަނި ރައްޔިތުންގެ ހިމާޔަތުގައި ކަމަށާއި މިއީ ގައުމުގެ މިސްރާބު ބަދަލުކުރުމަށް ކުރެވޭ މުހިންމު މަސައްކަތެއް ކަމަށެވެ.
ކިޔުންތެރިންގެ ހިޔާލު