ކުރީގެ އިމިގްރޭޝަން ކޮންޓްރޯލަރ މުޙައްމަދު ޝަމްއާންގެ މައްޗަށް ކްރިމިނަލް ކޯޓުން އިއްވާފައިވާ 25 އަހަރު ދުވަހުގެ ޖަލު ހުކުމް، އޭނާގެ ފަރާތުން ހައިކޯޓްގައި އިސްތިއުނާފުކޮށްފިއެވެ.
މިދިޔަ ޖޫން މަހުގެ 9 ވަނަ ދުވަހު ކްރިމިނަލް ކޯޓުން މި ހުކުމް އިއްވާފައިވަނީ، މަނީ ލޯންޑްރިންގ އާއި ފޭރުމުގައި ބައިވެރިވުން އަދި ރަސްމީ ހައިސިއްޔަތު ނަހަމަ ގޮތުގައި ބޭނުންކުރުން ހިމެނޭ ތިން ދައުވާއެއް އޭނާގެ މައްޗަށް ސާބިތުވުމާ ގުޅިގެންނެވެ.
ޝަމްއާންގެ މައްޗަށް ކްރިމިނަލް ކޯޓުން މިހުކުމް އިއްވުމާ ގުޅިގެން އޭނާގެ ފަރާތުން ވަނީ ހައިކޯޓްގައި އިސްތިއުނާފު ކުރުމަށް ހުށަހަޅާފައެވެ. ނަމަވެސް، މި މައްސަލަ ހައިކޯޓުން ބަލައިގަނެފައިވާ ކަމެއް އަދި މިހާތަނަށް ސާފެއް ނުވެއެވެ.
ކްރިމިނަލް ކޯޓުން ޝަމްއާންގެ މައްޗަށް އިއްވި ޖުމްލަ 25 އަހަރުގެ ޖަލު ހުކުމުގެ ތަފްސީލަށް ބަލާއިރު، މަނީ ލޯންޑްރިންގެ ދައުވާ ސާބިތުވުމާ ގުޅިގެން 15 އަހަރުގެ ޖަލު ހުކުމެއް ވަނީ އިއްވާފައެވެ.
މި ދައުވާއަށް ގާނޫނުގައި އޮންނަނީ 100,000 ރުފިޔާއާއި 1,000,000 ރުފިޔާއާ ދެމެދުގެ އަދަދަކުން ޖޫރިމަނާކުރުމާއެކު 5 އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުމެވެ. ނުވަތަ ލޯންޑަރކުރި ފައިސާގެ 5 ގުނައަށްވުރެ އިތުރުނުވާ އަދަދަކުން ޖޫރިމަނާކުރުމާއެކު 5 އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުމެވެ. މި މައްސަލައިގައި ދައުލަތުން އެދިފައިވަނީ ޝަމްއާން 15 އަހަރަށް ޖަލަށްލުމާއެކު، 2 މިލިއަން ރުފިޔާއިން ޖޫރިމަނާކުރުމަށެވެ. ކޯޓުން ވަނީ އެ ދައުވާއާ ގުޅިގެން 15 އަހަރުގެ ޖަލު ހުކުމެއް އޭނާގެ މައްޗަށް ކަނޑައަޅާފައެވެ.
މީގެ އިތުރުން، ފޭރުމުގައި ބައިވެރިވުމުގެ ދައުވާ ސާބިތުވެގެން އޭނާގެ މައްޗަށް 8 އަހަރުގެ ޖަލު ހުކުމެއް ވަނީ އިއްވާފައެވެ. ޝަމްއާންގެ މައްޗަށް ފޭރުމުގެ ދައުވާ އުފުލާފައިވަނީ، އިމިގްރޭޝަންގެ ބެލުމުގެ ދަށަށް ގެންދިޔަ ބިދޭސީއަކު ދޫކޮށްލުމަށް ފަހު، އެ އިދާރާގެ މުވައްޒަފުންތަކަކާ ގުޅިގެން އެ މީހާގެ އަތުން 500,000 (ފަސްލައްކަ) އަށް ވުރެ ގިނަ ރުފިޔާ ހޯދައި، އެ ފައިސާ ޝަމްއާންގެ ގެއަށް ގެންދިޔަ ކަމަށް ތުހުމަތުކުރެވުނު މައްސަލައިގައެވެ. މި ކުށުގެ އަސާސީ އަދަބަކީ 3 އަހަރާއި 2 މަހާއި 12 ދުވަހުގެ ޖަލު ހުކުމެއް ކަމުގައި ވިޔަސް، ދައުލަތުން އެދިފައިވަނީ އަދަބު 8 އަހަރަށް ބޮޑުކުރުމަށެވެ.
ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާ ސާބިތުވުމުން 2 އަހަރުގެ ޖަލު ހުކުމެއް އޭނާގެ މައްޗަށް ކްރިމިނަލް ކޯޓުން ވަނީ އިއްވާފައެވެ. މި ކުށުގެ އަސާސީ އަދަބަކީ 1 އަހަރާއި 7 މަހާއި 6 ދުވަހުގެ ޖަލު ހުކުމެއް ނަމަވެސް، ދައުލަތުން ވަނީ އެ ދައުވާއަށް 2 އަހަރުގެ ޖަލު ހުކުމެއް ކަނޑައަޅައިދިނުމަށް އެދިފައެވެ.
ޝަމްއާންގެ މައްޗަށް ކްރިމިނަލް ކޯޓުން މިހުކުމް އިއްވުމާ ގުޅިގެން އޭނާގެ ފަރާތުން ވަނީ ހައިކޯޓްގައި އިސްތިއުނާފު ކުރުމަށް ހުށަހަޅާފައެވެ. ނަމަވެސް، މި މައްސަލަ ހައިކޯޓުން ބަލައިގަނެފައިވާ ކަމެއް އަދި މިހާތަނަށް ސާފެއް ނުވެއެވެ.
ކްރިމިނަލް ކޯޓުން ޝަމްއާންގެ މައްޗަށް އިއްވި ޖުމްލަ 25 އަހަރުގެ ޖަލު ހުކުމުގެ ތަފްސީލަށް ބަލާއިރު، މަނީ ލޯންޑްރިންގެ ދައުވާ ސާބިތުވުމާ ގުޅިގެން 15 އަހަރުގެ ޖަލު ހުކުމެއް ވަނީ އިއްވާފައެވެ.
މި ދައުވާއަށް ގާނޫނުގައި އޮންނަނީ 100,000 ރުފިޔާއާއި 1,000,000 ރުފިޔާއާ ދެމެދުގެ އަދަދަކުން ޖޫރިމަނާކުރުމާއެކު 5 އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުމެވެ. ނުވަތަ ލޯންޑަރކުރި ފައިސާގެ 5 ގުނައަށްވުރެ އިތުރުނުވާ އަދަދަކުން ޖޫރިމަނާކުރުމާއެކު 5 އަހަރާއި 15 އަހަރާ ދެމެދުގެ މުއްދަތަކަށް ޖަލަށްލުމެވެ. މި މައްސަލައިގައި ދައުލަތުން އެދިފައިވަނީ ޝަމްއާން 15 އަހަރަށް ޖަލަށްލުމާއެކު، 2 މިލިއަން ރުފިޔާއިން ޖޫރިމަނާކުރުމަށެވެ. ކޯޓުން ވަނީ އެ ދައުވާއާ ގުޅިގެން 15 އަހަރުގެ ޖަލު ހުކުމެއް އޭނާގެ މައްޗަށް ކަނޑައަޅާފައެވެ.
ރަސްމީ ހައިސިއްޔަތު ނަހަމަ ގޮތުގައި ބޭނުންކުރުމުގެ ދައުވާ ސާބިތުވުމުން 2 އަހަރުގެ ޖަލު ހުކުމެއް އޭނާގެ މައްޗަށް ކްރިމިނަލް ކޯޓުން ވަނީ އިއްވާފައެވެ. މި ކުށުގެ އަސާސީ އަދަބަކީ 1 އަހަރާއި 7 މަހާއި 6 ދުވަހުގެ ޖަލު ހުކުމެއް ނަމަވެސް، ދައުލަތުން ވަނީ އެ ދައުވާއަށް 2 އަހަރުގެ ޖަލު ހުކުމެއް ކަނޑައަޅައިދިނުމަށް އެދިފައެވެ.
ކިޔުންތެރިންގެ ހިޔާލު