އދ. ކުނބުރުދޫގައި ގާއިމްކުރި ފުލުހުންގެ އައު މަރުކަޒާއެކު ރައްޔިތުންނާ ގާތުން، ރައްޔިތުންގެ އިތުބާރު ލިބޭ ފަދަ ފުރިހަމަ ޚިދުމަތެއް ފުލުހުންގެ ފަރާތުން ފެނިގެންދާނެ ކަމަށް އުންމީދުކުރައްވާ ކަމަށް ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާން ވިދާޅުވެއްޖެއެވެ. ވަޒީރު މިހެން ވިދާޅުވީ ކުނބުރުދޫގައި އަލަށް އިމާރާތްކުރި ފުލުހުންގެ މަރުކަޒު ރަސްމީކޮށް ހުޅުވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
މި ރަސްމިއްޔާތުގައި ވާހަކަދައްކަވަމުން ވަޒީރު ވަނީ ގައުމީ ފެންވަރުގައި ފުލުހުންގެ ޚިދުމަތުން ޚާއްސަ އިސްކަމެއް ދީގެން ހައްލުކުރަންޖެހޭ މައިގަނޑު ހަތަރު ދާއިރާއެއް ފާހަގަކުރައްވާފައެވެ. އެއީ މަސްތުވާތަކެތީގެ މާހައުލު ނައްތާލުމާއި، ގޭންގު ކުށްތައް ހުއްޓުވުމާއި، ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމުގެ އިތުރުން ކުޑަކުދިން ކުށުގެ ވެށިން ރައްކާތެރިކުރުމެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގެންނެވިއިރު ރާއްޖޭގެ 63 ރަށެއްގައި ފުލުހުން ފިޒިކަލީ ގާއިމުވެ ތިބެގެން ޚިދުމަތް ދެމުން ނުދާކަން ފާހަގަކުރައްވަމުން ވަޒީރު ވިދާޅުވީ، ފުލުހުން ކުރެއްވި ބުރަ މަސައްކަތުން މިހާރު އެ ހުރިހާ ރަށެއްގައި ވެސް ފުލުހުން ގާއިމުވެ ތިބެ ޚިދުމަތް ދެމުންދާ ކަމަށެވެ. އަދި އޭރު އަމިއްލަ މަރުކަޒުތައް ހުރީ އެންމެ 17 ރަށުގައި ކަމަށާއި، ގާތްގަނޑަކަށް 170 އެއްހައި ރަށުގައި ފުލުހުން ޚިދުމަތް ދެމުންދިޔައީ ކައުންސިލު އިދާރާތަކާއި އަމިއްލަ ތަންތަން ކުއްޔަށް ހިފައިގެން ވަރަށް ދަތި ހާލުގައި ކަމަށްވެސް ވިދާޅުވިއެވެ.
ރަށްރަށުގައި ފުލުހުންގެ ޚިދުމަތް ދިނުމަށް ޚާއްސަކޮށް ޑިޒައިންކުރެވިފައިވާ 154 މަރުކަޒު އެޅުމަށް ސަރުކާރުން ފަށާފައިވާ ބޮޑު މަޝްރޫއުގެ މައްޗަށް އަލިއަޅުއްވާލައްވަމުން ވަޒީރު ވިދާޅުވީ، ކުނބުރުދޫ ފަދަ އާބާދީ ކުދި އަދި ކުށް މަދު ރަށްރަށުގައި ވެސް މަރުކަޒުތައް ގާއިމުކުރުމުގެ މައިގަނޑު މަގުސަދަކީ ކުށުގެ ވެށި އުފެދުމުގެ ކުރިން މުޖުތަމައާ ގުޅިގެން އަމާން ވެއްޓެއް ދެމެހެއްޓުން ކަމަށެވެ.
"ރަށުގައި މާ ބައިވަރު އަދި ކުށްތަކެއް ނުހިނގި ކަމުގައިވިޔަސް، މިފަދަ މަރުކަޒެއް ހުރެގެން ރަށުގެ ރައްޔިތުންނާއި ރަށުގެ އެކިއެކި މުއައްސަސާތަކާ ގުޅިގެން ފުލުހުން ކުރަމުންދާ ކޮމިއުނިޓީ ބޭސްޑް މަސައްކަތްތަކަކީ ރަށުގެ ކުށުގެ މާހައުލު ނެތި މި އޮންނަ އަމާން ވެށި ދެމެހެއްޓުމަށްޓަކައި ކޮންމެހެން ކުރަންޖެހޭ ކަމެއް،" ވަޒީރު ވިދާޅުވިއެވެ.
ކުނބުރުދޫ ޕޮލިސް ޕޯސްޓުގެ މަސައްކަތް ކުރު މުއްދަތެއްގެ ތެރޭގައި ފުރިހަމަކޮށް ނިންމުމުގައި ކޮންޓްރެކްޓަރ، ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ދެއްވި އަހައްމިއްޔަތުކަމަށާއި، ދާއިރާގެ މަޖިލިސް މެންބަރާއި، ކައުންސިލާއި ރައްޔިތުންގެ ފަރާތުން ލިބުނު އެއްބާރުލުމަށް ވަޒީރު ވަނީ ޝުކުރު އަދާކުރައްވާފައެވެ.
އާރްޑީސީއާ ހަވާލުކޮށްގެން ބިނާކުރި މި މަރުކަޒު ރަސްމީކޮށް ހުޅުވައިދެއްވީ ދާޚިލީ ސަލާމަތާއި ފަންނިއްޔާތާ ބެހޭ ވަޒީރު ޢަލީ އިޙްސާނާއި ކޮމިޝަނަރ އޮފް ޕޮލިސް އަޙްމަދު މުޙައްމަދެވެ.
މި ރަސްމިއްޔާތުގައި ޑެޕިއުޓީ ކޮމިޝަނަރ ފަރުހާދު ފިކުރީއާއި، ދާއިރާގެ މަޖިލިސް މެންބަރާއި، ކުނބުރުދޫ ކައުންސިލު ރައީސާއި، އާރްޑީސީގެ މެނޭޖިންގ ޑިރެކްޓަރުގެ އިތުރުން ފުލުހުންގެ ޚިދުމަތުން ރިޓަޔަރ ކުރައްވާފައިވާ އިސް އޮފިސަރުން ކަމަށްވާ ޑެޕިއުޓީ ކޮމިޝަނަރ (ރިޓަޔަރޑް) އަޙްމަދު ޞާދިޤާއި، ޗީފް ސުޕްރިންޓެންޑެންޓް (ރިޓަޔަރޑް) އިބްރާހީމް މަނިކާއި ފުލުހުންގެ އެގްޒެކެޓިވް އޮފިސަރުންނާއި ރަށުގެ ގިނަ އަދަދެއްގެ ރައްޔިތުން ބައިވެރިވިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވެރިކަމާ ހަވާލުވެވަޑައިގެންނެވިއިރު ރާއްޖޭގެ 63 ރަށެއްގައި ފުލުހުން ފިޒިކަލީ ގާއިމުވެ ތިބެގެން ޚިދުމަތް ދެމުން ނުދާކަން ފާހަގަކުރައްވަމުން ވަޒީރު ވިދާޅުވީ، ފުލުހުން ކުރެއްވި ބުރަ މަސައްކަތުން މިހާރު އެ ހުރިހާ ރަށެއްގައި ވެސް ފުލުހުން ގާއިމުވެ ތިބެ ޚިދުމަތް ދެމުންދާ ކަމަށެވެ. އަދި އޭރު އަމިއްލަ މަރުކަޒުތައް ހުރީ އެންމެ 17 ރަށުގައި ކަމަށާއި، ގާތްގަނޑަކަށް 170 އެއްހައި ރަށުގައި ފުލުހުން ޚިދުމަތް ދެމުންދިޔައީ ކައުންސިލު އިދާރާތަކާއި އަމިއްލަ ތަންތަން ކުއްޔަށް ހިފައިގެން ވަރަށް ދަތި ހާލުގައި ކަމަށްވެސް ވިދާޅުވިއެވެ.
ރަށްރަށުގައި ފުލުހުންގެ ޚިދުމަތް ދިނުމަށް ޚާއްސަކޮށް ޑިޒައިންކުރެވިފައިވާ 154 މަރުކަޒު އެޅުމަށް ސަރުކާރުން ފަށާފައިވާ ބޮޑު މަޝްރޫއުގެ މައްޗަށް އަލިއަޅުއްވާލައްވަމުން ވަޒީރު ވިދާޅުވީ، ކުނބުރުދޫ ފަދަ އާބާދީ ކުދި އަދި ކުށް މަދު ރަށްރަށުގައި ވެސް މަރުކަޒުތައް ގާއިމުކުރުމުގެ މައިގަނޑު މަގުސަދަކީ ކުށުގެ ވެށި އުފެދުމުގެ ކުރިން މުޖުތަމައާ ގުޅިގެން އަމާން ވެއްޓެއް ދެމެހެއްޓުން ކަމަށެވެ.
"ރަށުގައި މާ ބައިވަރު އަދި ކުށްތަކެއް ނުހިނގި ކަމުގައިވިޔަސް، މިފަދަ މަރުކަޒެއް ހުރެގެން ރަށުގެ ރައްޔިތުންނާއި ރަށުގެ އެކިއެކި މުއައްސަސާތަކާ ގުޅިގެން ފުލުހުން ކުރަމުންދާ ކޮމިއުނިޓީ ބޭސްޑް މަސައްކަތްތަކަކީ ރަށުގެ ކުށުގެ މާހައުލު ނެތި މި އޮންނަ އަމާން ވެށި ދެމެހެއްޓުމަށްޓަކައި ކޮންމެހެން ކުރަންޖެހޭ ކަމެއް،" ވަޒީރު ވިދާޅުވިއެވެ.
ކުނބުރުދޫ ޕޮލިސް ޕޯސްޓުގެ މަސައްކަތް ކުރު މުއްދަތެއްގެ ތެރޭގައި ފުރިހަމަކޮށް ނިންމުމުގައި ކޮންޓްރެކްޓަރ، ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) އިން ދެއްވި އަހައްމިއްޔަތުކަމަށާއި، ދާއިރާގެ މަޖިލިސް މެންބަރާއި، ކައުންސިލާއި ރައްޔިތުންގެ ފަރާތުން ލިބުނު އެއްބާރުލުމަށް ވަޒީރު ވަނީ ޝުކުރު އަދާކުރައްވާފައެވެ.
މި ރަސްމިއްޔާތުގައި ޑެޕިއުޓީ ކޮމިޝަނަރ ފަރުހާދު ފިކުރީއާއި، ދާއިރާގެ މަޖިލިސް މެންބަރާއި، ކުނބުރުދޫ ކައުންސިލު ރައީސާއި، އާރްޑީސީގެ މެނޭޖިންގ ޑިރެކްޓަރުގެ އިތުރުން ފުލުހުންގެ ޚިދުމަތުން ރިޓަޔަރ ކުރައްވާފައިވާ އިސް އޮފިސަރުން ކަމަށްވާ ޑެޕިއުޓީ ކޮމިޝަނަރ (ރިޓަޔަރޑް) އަޙްމަދު ޞާދިޤާއި، ޗީފް ސުޕްރިންޓެންޑެންޓް (ރިޓަޔަރޑް) އިބްރާހީމް މަނިކާއި ފުލުހުންގެ އެގްޒެކެޓިވް އޮފިސަރުންނާއި ރަށުގެ ގިނަ އަދަދެއްގެ ރައްޔިތުން ބައިވެރިވިއެވެ.
ކިޔުންތެރިންގެ ހިޔާލު