ރާއްޖޭގައި ރެސިޑެންސީ ޕްރޮގްރާމެއް ހިންގުމަށް ޔޫއޭއީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުން، ވީ އެންމެ އަވަހަކަށް ރައްޔިތުންގެ މަޖިލީހަށް ފޮނުވުމަކީ ސަރުކާރަށް އެންމެ ރަނގަޅު ގޮތް ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.
ރައީސް ނަޝީދު މިއަދު ވިދާޅުވީ، އުސޫލީ ގޮތުން ބަލާއިރު ރެސިޑެންސީ ޕްރޮގްރާމަކަށް ރާއްޖެ ހުޅުވާލުމަކީ ރަނގަޅު ކަމެއް ކަމަށެވެ. ނަމަވެސް، އީގަލް ހިލްސްގެ ކޮންޓްރެކްޓް އަދިވެސް ފެންނަން ނެތް ކަމަށާއި އެ އެއްބަސްވުން ހާމަކޮށްފައި ނުވާކަން އެމަނިކުފާނު ފާހަގަކުރެއްވިއެވެ.
މި މަޝްރޫޢާ ގުޅޭގޮތުން މިހާތަނަށް އިވުނު ވާހަކަތަކުން އެމަނިކުފާނަށް ފާހަގަކުރެވޭ ދެ މައްސަލައެއް އޮތް ކަމަށް ރައީސް ނަޝީދު ވިދާޅުވިއެވެ. އެއީ އެއްބަސްވުމުގެ ދަށުން އެޑްވާންސް ފައިސާ ނުލިބުމާއި، މާލޭ ސަރަޙައްދުގައި އެ މަޝްރޫޢު ކުރިއަށްގެންދިއުމަށް ނިންމާފައިވާ ކަމަށް ދެކެވޭ ވާހަކައެވެ.
އެހެންކަމުން، ސަރުކާރަށް އެންމެ ރަނގަޅު ގޮތަކަށް ވާނީ މި އެއްބަސްވުން ވީހާވެސް އަވަހަކަށް ރައްޔިތުންގެ މަޖިލީހަށް ފޮނުވުން ކަމަށް ރައީސް ނަޝީދު ވިދާޅުވިއެވެ. އަދި މިހާރުގެ ސަރުކާރުގެ އަޣުލަބިއްޔަތު އޮތް މަޖިލީހުގެ ތެރެއިން، މި މަޝްރޫޢަށް ބޭނުންވާ ޤާނޫނީ އޮނިގަނޑު ފާސްކުރުމަކީ އެންމެ އެދެވިގެންވާ ގޮތް ކަމުގައިވެސް އެމަނިކުފާނު ވަނީ ވިދާޅުވެފައެވެ.
ރައީސް ނަޝީދު މިހެން ވިދާޅުވެފައިވާއިރު، ރަސްމާލެ މަޝްރޫއު ކުރިއަށް ގެންދިއުމުގެ ކުރިން އެ މަޝްރޫއާ ގުޅުންހުރި ބައެއް ގާނޫނުތައް ރައްޔިތުންގެ މަޖިލީހުން ފާސްކުރަންޖެހޭ ކަމަށާއި، މި މަޝްރޫއު ކުރިއަށްދާނީ ގާނޫނުއަސާސީއާއި ގާނޫނުތަކާ އެއްގޮތްވާ ގޮތުގެ މަތިން ކަމަށް ބަންޑާރަނައިބު އަހުމަދު އުޝާމް މިއަދު ވަނީ ވިދާޅުވެފައެވެ.
ރަސްމާލެ މަޝްރޫއުގެ ދަށުން ހިއްކުމަށް ހަމަޖެހިފައިވާ 1،010 ހެކްޓަރުގެ ބިމުގެ ތެރެއިން 500 ހެކްޓަރުގެ ބިން، ދުނިޔޭގެ މުއްސަނދިންނަށް އަމާޒުކޮށްގެން އެޕާޓްމަންޓްތައް ތަރައްގީކޮށް ވިއްކުމަށް ޔޫއޭއީގެ އީގަލް ހިލްސް ކުންފުންޏަށް މިސަރުކާރުން ހަވާލުކުރީ މިދިޔަ ހޯމަ ދުވަހުއެވެ. ރަސްމާލެއިން ޔޫއޭއީ ކުންފުންޏަށް ބިން ދިން މައްސަލަ ބާތިލުކުރަން މިހާރުވަނީ ސުޕްރީމް ކޯޓަށްވެސް ހުށައަޅާފައެވެ.
ޤާނޫނު އަސާސީގައިވާ ގޮތުން ރާއްޖޭގެ ބައެއް ބޭރު މީހުންނަށް 99 އަހަރަށް ވުރެ ދިގު ނޫން މުއްދަތަކަށް ކުއްޔަށް ދިނުމަކީ ހުއްދަ ކަމެކެވެ. ނަމަވެސް އެކަމާ ގުޅޭ ގާނޫނެއް މިހާތަނަކަށް ނެތެވެ. ޓޫރިޒަމާ ބެހޭ ގާނޫނުން އެހުއްދަ ލިބެނީ 50 އަހަރަށެވެ. އަދި ލީސް މުއްދަތު އިތުރު ކުރެވެނީ 49 އަހަރަށެވެ. ސްޕެޝަން އިކޮނޮމިކް ގާނޫނުގެ ދަށުން ބިދޭސީންނަށް އެންމެ ގިނަވެގެން ބިމެއް ދޫކުރެވެނީ 66 އަހަރަށެވެ. އަދި އެ މުއްދަތު އިތުރުކުރެވެނީ 33 އަހަރަށެވެ.
މި މަޝްރޫޢާ ގުޅޭގޮތުން މިހާތަނަށް އިވުނު ވާހަކަތަކުން އެމަނިކުފާނަށް ފާހަގަކުރެވޭ ދެ މައްސަލައެއް އޮތް ކަމަށް ރައީސް ނަޝީދު ވިދާޅުވިއެވެ. އެއީ އެއްބަސްވުމުގެ ދަށުން އެޑްވާންސް ފައިސާ ނުލިބުމާއި، މާލޭ ސަރަޙައްދުގައި އެ މަޝްރޫޢު ކުރިއަށްގެންދިއުމަށް ނިންމާފައިވާ ކަމަށް ދެކެވޭ ވާހަކައެވެ.
އެހެންކަމުން، ސަރުކާރަށް އެންމެ ރަނގަޅު ގޮތަކަށް ވާނީ މި އެއްބަސްވުން ވީހާވެސް އަވަހަކަށް ރައްޔިތުންގެ މަޖިލީހަށް ފޮނުވުން ކަމަށް ރައީސް ނަޝީދު ވިދާޅުވިއެވެ. އަދި މިހާރުގެ ސަރުކާރުގެ އަޣުލަބިއްޔަތު އޮތް މަޖިލީހުގެ ތެރެއިން، މި މަޝްރޫޢަށް ބޭނުންވާ ޤާނޫނީ އޮނިގަނޑު ފާސްކުރުމަކީ އެންމެ އެދެވިގެންވާ ގޮތް ކަމުގައިވެސް އެމަނިކުފާނު ވަނީ ވިދާޅުވެފައެވެ.
ރައީސް ނަޝީދު މިހެން ވިދާޅުވެފައިވާއިރު، ރަސްމާލެ މަޝްރޫއު ކުރިއަށް ގެންދިއުމުގެ ކުރިން އެ މަޝްރޫއާ ގުޅުންހުރި ބައެއް ގާނޫނުތައް ރައްޔިތުންގެ މަޖިލީހުން ފާސްކުރަންޖެހޭ ކަމަށާއި، މި މަޝްރޫއު ކުރިއަށްދާނީ ގާނޫނުއަސާސީއާއި ގާނޫނުތަކާ އެއްގޮތްވާ ގޮތުގެ މަތިން ކަމަށް ބަންޑާރަނައިބު އަހުމަދު އުޝާމް މިއަދު ވަނީ ވިދާޅުވެފައެވެ.
ޤާނޫނު އަސާސީގައިވާ ގޮތުން ރާއްޖޭގެ ބައެއް ބޭރު މީހުންނަށް 99 އަހަރަށް ވުރެ ދިގު ނޫން މުއްދަތަކަށް ކުއްޔަށް ދިނުމަކީ ހުއްދަ ކަމެކެވެ. ނަމަވެސް އެކަމާ ގުޅޭ ގާނޫނެއް މިހާތަނަކަށް ނެތެވެ. ޓޫރިޒަމާ ބެހޭ ގާނޫނުން އެހުއްދަ ލިބެނީ 50 އަހަރަށެވެ. އަދި ލީސް މުއްދަތު އިތުރު ކުރެވެނީ 49 އަހަރަށެވެ. ސްޕެޝަން އިކޮނޮމިކް ގާނޫނުގެ ދަށުން ބިދޭސީންނަށް އެންމެ ގިނަވެގެން ބިމެއް ދޫކުރެވެނީ 66 އަހަރަށެވެ. އަދި އެ މުއްދަތު އިތުރުކުރެވެނީ 33 އަހަރަށެވެ.
ކިޔުންތެރިންގެ ހިޔާލު