ފަލަސްތީނުގެ ހެބްރޯންގެ ތެލް ރުމައިދާ ސަރަޙައްދުގައި ހުކުރު ދުވަހުގެ ހަވީރު ހިނގި ހިތާމަވެރި ހާދިސާއެއްގައި، 7 މަހުގެ ފަލަސްޠީނުގެ ތުއްތު ކުއްޖެއް ކަމަށްވާ ސާމް ފަހުދު އަބޫ ހައިކަލް ޝަހީދުކޮށްލައިފިއެވެ.
މި ހާދިސާ ހިނގީ، އެ ކުއްޖާގެ އާއިލާ ދަތުރުކުރަމުން ދިޔަ ކާރަށް އިޒްރޭލުގެ ސިފައިން ބަޑިން ހަމަލާ ދިނުމުގެ ސަބަބުންނެވެ.
ލިބިފައިވާ މައުލޫމާތުތަކަށް ބަލާއިރު، މި އާއިލާ ދަތުރުކުރަމުން ދިޔައީ ބެތުލަހަމުން ހެބްރޯންގައި ތިބި އާއިލާގެ މީހުންނާ ބައްދަލުކުރުމަށެވެ. އެ ކުއްޖާގެ ބައްޕަ، ބެތުލަހަމް ޔުނިވަރސިޓީގެ ލެކްޗަރާ ފަހުދު އަބޫ ހައިކަލް މީޑިއާތަކަށް މައުލޫމާތު ދެމުން ބުނީ، ސިފައިންނާ ދިމާވުމުން އޭނާ ކާރު މަޑުކޮށް، ދެ އަތް މައްޗަށް ނަގައިގެން އިނީ ކަމަށެވެ. ނަމަވެސް، އެއްވެސް އިންޒާރަކާ ނުލައި ސިފައިން ކާރަށް ބަޑިޖެހީ ކަމަށް އޭނާ ބުންޏެވެ.
މި ހަމަލާގައި އެއް ވަޒަން ކާރުގެ ކުރީ ބިއްލޫރި ފަޅައިގެން ގޮސް، ބައްޕަގެ އަތުގައި ޖެހުމަށްފަހު، ފަހަތު ސީޓުގައި އިން ތުއްތު ސާމްގެ މޫނު ހުރަސްކޮށް އޭނާގެ މަންމަގެ ކޮލަށް ވަދެފައިވާ ކަމަށް އާއިލާއިން ބުނެއެވެ.
މި ހާދިސާގައި ކުއްޖާގެ މަންމަގެ ހާލު ވަރަށް ސީރިއަސް ކަމަށާއި، އޭނާގެ ހިތާ ކައިރީގައި ވަޒަންތަކުގެ ބައިތައް (ޝްރެޕްނަލް) ހަރުލާފައިވާ ކަމަށް ވެސް ރިޕޯޓުތައް ބުނެއެވެ.
އިޒްރޭލުގެ އަސްކަރިއްޔާއިން މިކަމާ ގުޅިގެން ބުނީ، އެ ސަރަޙައްދުގައި ހަރަކާތްތެރިވަމުން ދިޔަ ސިފައިންނަށް ކާރު އައިސްފައިވަނީ "ބާރު ސްޕީޑުގައި" ކަމަށް ހީވެގެން ފިޔަވަޅު އެޅީ ކަމަށެވެ. އަދި މި ހަމަލާގައި އަނިޔާވި ފަރާތްތަކަކީ އާންމުން ކަމަށާއި، މި ހާދިސާ މިހާރު ތަހުގީގު ކުރަމުންދާ ކަމަށް އެމީހުން ބުނެފައިވެއެވެ. ނަމަވެސް، ސާމްގެ އާއިލާއިން ވަނީ މި ވާހަކަތައް ދޮގުކޮށް، ސިފައިންނަށް އެއީ އާއިލާއެއްކަން ސާފުކޮށް އެނގޭނެ ކަމަށާއި މިއީ އެއްވެސް ޖަސްޓިފިކޭޝަނެއް އޮތް ކަމެއް ނޫން ކަމަށް ބުނެފައެވެ.
ހޮނިހިރު ދުވަހު ސާމްގެ ޖަނާޒާ ބާއްވާފައިވާއިރު، މި ހިތާމަވެރި ހާދިސާއާ ގުޅިގެން ބައިނަލްއަގުވާމީ ގޮތުންނާއި ފަލަސްޠީނުގެ ރައްޔިތުންގެ މެދުގައި ވަނީ ބޮޑު ނުރުހުމާއި ހިތާމަ ފާޅުކޮށްފައެވެ.
އިނގިރޭސިވިލާތުގެ ކޮންސިއުލޭޓުން ވެސް ވަނީ މި ހާދިސާއާ މެދު "ފުން ހިތާމަ" ފާޅުކޮށް، މިކަން މިނިވަންކަމާއެކު ތަހުގީގުކޮށް އިންސާފު ހޯދައިދިނުމަށް ގޮވާލާފައެވެ.
މިއީ ހިނގަމުންދާ ހަމަނުޖެހުންތަކުގެ ތެރޭގައި ހިނގި އެތައް ހާދިސާއެއްގެ ތެރެއިން އެންމެ ހިތްދަތި އެއް ހާދިސާއެވެ. މިއަހަރުގެ މިހާތަނަށް ވެސް ފަލަސްޠީނުގެ އެތައް ކުޑަކުދިންނެއް މިފަދަ ހަމަލާތަކުގައި ޝަހީދުވެފައިވެއެވެ.
ލިބިފައިވާ މައުލޫމާތުތަކަށް ބަލާއިރު، މި އާއިލާ ދަތުރުކުރަމުން ދިޔައީ ބެތުލަހަމުން ހެބްރޯންގައި ތިބި އާއިލާގެ މީހުންނާ ބައްދަލުކުރުމަށެވެ. އެ ކުއްޖާގެ ބައްޕަ، ބެތުލަހަމް ޔުނިވަރސިޓީގެ ލެކްޗަރާ ފަހުދު އަބޫ ހައިކަލް މީޑިއާތަކަށް މައުލޫމާތު ދެމުން ބުނީ، ސިފައިންނާ ދިމާވުމުން އޭނާ ކާރު މަޑުކޮށް، ދެ އަތް މައްޗަށް ނަގައިގެން އިނީ ކަމަށެވެ. ނަމަވެސް، އެއްވެސް އިންޒާރަކާ ނުލައި ސިފައިން ކާރަށް ބަޑިޖެހީ ކަމަށް އޭނާ ބުންޏެވެ.
މި ހަމަލާގައި އެއް ވަޒަން ކާރުގެ ކުރީ ބިއްލޫރި ފަޅައިގެން ގޮސް، ބައްޕަގެ އަތުގައި ޖެހުމަށްފަހު، ފަހަތު ސީޓުގައި އިން ތުއްތު ސާމްގެ މޫނު ހުރަސްކޮށް އޭނާގެ މަންމަގެ ކޮލަށް ވަދެފައިވާ ކަމަށް އާއިލާއިން ބުނެއެވެ.
މި ހާދިސާގައި ކުއްޖާގެ މަންމަގެ ހާލު ވަރަށް ސީރިއަސް ކަމަށާއި، އޭނާގެ ހިތާ ކައިރީގައި ވަޒަންތަކުގެ ބައިތައް (ޝްރެޕްނަލް) ހަރުލާފައިވާ ކަމަށް ވެސް ރިޕޯޓުތައް ބުނެއެވެ.
އިޒްރޭލުގެ އަސްކަރިއްޔާއިން މިކަމާ ގުޅިގެން ބުނީ، އެ ސަރަޙައްދުގައި ހަރަކާތްތެރިވަމުން ދިޔަ ސިފައިންނަށް ކާރު އައިސްފައިވަނީ "ބާރު ސްޕީޑުގައި" ކަމަށް ހީވެގެން ފިޔަވަޅު އެޅީ ކަމަށެވެ. އަދި މި ހަމަލާގައި އަނިޔާވި ފަރާތްތަކަކީ އާންމުން ކަމަށާއި، މި ހާދިސާ މިހާރު ތަހުގީގު ކުރަމުންދާ ކަމަށް އެމީހުން ބުނެފައިވެއެވެ. ނަމަވެސް، ސާމްގެ އާއިލާއިން ވަނީ މި ވާހަކަތައް ދޮގުކޮށް، ސިފައިންނަށް އެއީ އާއިލާއެއްކަން ސާފުކޮށް އެނގޭނެ ކަމަށާއި މިއީ އެއްވެސް ޖަސްޓިފިކޭޝަނެއް އޮތް ކަމެއް ނޫން ކަމަށް ބުނެފައެވެ.
ހޮނިހިރު ދުވަހު ސާމްގެ ޖަނާޒާ ބާއްވާފައިވާއިރު، މި ހިތާމަވެރި ހާދިސާއާ ގުޅިގެން ބައިނަލްއަގުވާމީ ގޮތުންނާއި ފަލަސްޠީނުގެ ރައްޔިތުންގެ މެދުގައި ވަނީ ބޮޑު ނުރުހުމާއި ހިތާމަ ފާޅުކޮށްފައެވެ.
މިއީ ހިނގަމުންދާ ހަމަނުޖެހުންތަކުގެ ތެރޭގައި ހިނގި އެތައް ހާދިސާއެއްގެ ތެރެއިން އެންމެ ހިތްދަތި އެއް ހާދިސާއެވެ. މިއަހަރުގެ މިހާތަނަށް ވެސް ފަލަސްޠީނުގެ އެތައް ކުޑަކުދިންނެއް މިފަދަ ހަމަލާތަކުގައި ޝަހީދުވެފައިވެއެވެ.
ކިޔުންތެރިންގެ ހިޔާލު