އެމެރިކާގެ މިނިވަންކަމަށް 250 އަހަރު ފުރުމުގެ މުނާސަބަތުގައި، ރައީސް ޑޮނަލްޑް ޓްރަމްޕްގެ ސޫރަ ހިމެނޭ 250 ޑޮލަރުގެ ހަނދާނީ ނޫޓެއް އަންނަ ޖުލައި މަހުގެ 4 ވަނަ ދުވަހު ނެރުމަށް އެމެރިކާގެ ޓްރެޜަރީ ވުޒާރާއިން ތައްޔާރުވާން ފަށައިފިއެވެ.
އެމެރިކާގެ ޓްރެޜަރީ ސެކްރެޓަރީ ސްކޮޓް ބެސެންޓް ވަނީ މި ނޫޓުގެ ފަރުމާ މިދިޔަ ބުރާސްފަތި ދުވަހު އާންމުކޮށް ދައްކާލައްވާފައެވެ. މިއީ ވޭތުވެދިޔަ 160 އަހަރުގެ ތެރޭގައި، ދުނިޔޭގައި ދިރިހުރި މީހެއްގެ ފޮޓޯ އެމެރިކާގެ ފައިސާ ނޫޓެއްގައި ހިމެނުމަށް ހުށަހެޅުނު ފުރަތަމަ ފަހަރެވެ. ރައީސް ޓްރަމްޕަކީ އަބަދުވެސް އާދަޔާ ހިލާފު އަދި ކުރިން ފެނިފައި ނުވާފަދަ ކަންކަން ކުރެއްވުމަށް މަޝްހޫރު ބޭފުޅަކަށްވާއިރު، މިއީ އޭގެ އިތުރު މިސާލެއްގެ ގޮތުގައި ގިނަ ބަޔަކު ސިފަކުރެއެވެ.
ނަމަވެސް، މި ހުށަހެޅުމަށް ބޮޑެތި ޤާނޫނީ ހުރަސްތަކެއް އެބަހުއްޓެވެ. 1866 ވަނަ އަހަރު ކޮންގްރެސްއިން ކަނޑައަޅާފައިވާ އުސޫލުގެ ދަށުން، ދުނިޔޭގައި ހުރި އެއްވެސް މީހެއްގެ ފޮޓޯ ނޫޓެއްގައި ނުވަތަ ބޮންޑެއްގައި ޖެހުމަކީ މަނާކަމެކެވެ. މި އުސޫލު ފެށުނީ 1864 ވަނަ އަހަރު ޓްރެޜަރީ އޮފިޝަލެއް ކަމަށްވާ ސްޕެންސަރ ކްލާކްގެ ފޮޓޯ 5 ސެންޓުގެ ނޫޓެއްގައި ޖެހުމުން އުފެދުނު ހިތްހަމަނުޖެހުންތަކާ ގުޅިގެންނެވެ.
ޓްރެޜަރީ ސެކްރެޓަރީ ބެސެންޓް ވިދާޅުވީ، ޓްރަމްޕްގެ ފޮޓޯ ނޫޓުގައި ހިމެނުމަކީ މައްސަލައެއް ކަމަށް ދެކިވަޑައިނުގަންނަވާ ކަމަށާއި، ނަމަވެސް މިކަން ކުރެވޭނީ "ތޭޔާ އެމެންޑްމަންޓް" ގެ ނަމުން ނަންދެވިފައިވާ ޤާނޫނީ ހުރަސް ކޮންގްރެސްއިން އުވާލުމުން ކަމަށެވެ. ކޮންގްރެސްގެ ރުހުމާ ނުލައި މިކަމުގައި ކުރިއަށް ނުދާނެ ކަމަށްވެސް އޭނާ ވިދާޅުވިއެވެ.
މިކަމާ ގުޅިގެން ސިޔާސީ މަސްރަޙު ވަނީ ހޫނުވެފައެވެ. މައިނޯރިޓީ ލީޑަރު ހަކީމް ޖެފްރީސް ވަނީ މިކަމާ ދެކޮޅުކަން ހާމަކުރައްވައި، ޖުލައި 4 އަކީ ރަސްކަލަކަށް ވާން އުޅޭ މީހަކު ފާހަގަކުރާ ދުވަހެއް ނޫން ކަމަށް ވިދާޅުވެފައެވެ. ނޯތުއީސްޓަން ޔުނިވަރސިޓީގެ މާހިރުންވެސް އަންނަނީ މި ހުށަހެޅުމަށް ކޮންގްރެސްގެ ހުއްދަ ލިބިދާނެތޯ ސުވާލު އުފައްދަމުންނެވެ.
ތާރީޚީ ގޮތުން ބަލާއިރު، އެމެރިކާގައި ފައިސާގައި މީހުންގެ ފޮޓޯ ޖަހަނީ އެ މީހަކު އަވަހާރަވުމުންނެވެ. އެހެންނަމަވެސް، ދުނިޔޭގެ ބައެއް އެހެން ޤައުމުތަކުގައި، ޚާއްޞަކޮށް ރަސްކަން އޮންނަ ނުވަތަ ޑިމޮކްރެޓިކް ނޫން ގޮތްގޮތަށް ވެރިކަން ކުރާ ޤައުމުތަކުގައި ދިރިތިބޭ ވެރިންގެ ފޮޓޯ ފައިސާގައި ބޭނުންކުރެއެވެ.
ޤާނޫނީ މާހިރުން ވިދާޅުވާ ގޮތުގައި، ފައިސާގައި ފޮޓޯ ޖަހަންވާނީ މާޒީގައި ޤައުމަށް އަގުނުކުރެވޭފަދަ ޚިދުމަތްތަކެއް ކޮށްދީފައިވާ، އަދި ހުރިހާ ސިޔާސީ ފިކުރެއްގެ މީހުންވެސް އެއްބަސްވާފަދަ ޝަޚުޞިއްޔަތުންގެއެވެ. އެހެންކަމުން، މި ހުށަހެޅުމަކީ އެމެރިކާގެ މުސްތަޤުބަލުގެ ފައިސާގެ އުސޫލުތަކަށް ބޮޑު ބަދަލެއް އަތުވެދާނެ ކަމެއްގެ ގޮތުގައި ވަނީ ބެލެވިފައެވެ.
ނަމަވެސް، މި ހުށަހެޅުމަށް ބޮޑެތި ޤާނޫނީ ހުރަސްތަކެއް އެބަހުއްޓެވެ. 1866 ވަނަ އަހަރު ކޮންގްރެސްއިން ކަނޑައަޅާފައިވާ އުސޫލުގެ ދަށުން، ދުނިޔޭގައި ހުރި އެއްވެސް މީހެއްގެ ފޮޓޯ ނޫޓެއްގައި ނުވަތަ ބޮންޑެއްގައި ޖެހުމަކީ މަނާކަމެކެވެ. މި އުސޫލު ފެށުނީ 1864 ވަނަ އަހަރު ޓްރެޜަރީ އޮފިޝަލެއް ކަމަށްވާ ސްޕެންސަރ ކްލާކްގެ ފޮޓޯ 5 ސެންޓުގެ ނޫޓެއްގައި ޖެހުމުން އުފެދުނު ހިތްހަމަނުޖެހުންތަކާ ގުޅިގެންނެވެ.
ޓްރެޜަރީ ސެކްރެޓަރީ ބެސެންޓް ވިދާޅުވީ، ޓްރަމްޕްގެ ފޮޓޯ ނޫޓުގައި ހިމެނުމަކީ މައްސަލައެއް ކަމަށް ދެކިވަޑައިނުގަންނަވާ ކަމަށާއި، ނަމަވެސް މިކަން ކުރެވޭނީ "ތޭޔާ އެމެންޑްމަންޓް" ގެ ނަމުން ނަންދެވިފައިވާ ޤާނޫނީ ހުރަސް ކޮންގްރެސްއިން އުވާލުމުން ކަމަށެވެ. ކޮންގްރެސްގެ ރުހުމާ ނުލައި މިކަމުގައި ކުރިއަށް ނުދާނެ ކަމަށްވެސް އޭނާ ވިދާޅުވިއެވެ.
މިކަމާ ގުޅިގެން ސިޔާސީ މަސްރަޙު ވަނީ ހޫނުވެފައެވެ. މައިނޯރިޓީ ލީޑަރު ހަކީމް ޖެފްރީސް ވަނީ މިކަމާ ދެކޮޅުކަން ހާމަކުރައްވައި، ޖުލައި 4 އަކީ ރަސްކަލަކަށް ވާން އުޅޭ މީހަކު ފާހަގަކުރާ ދުވަހެއް ނޫން ކަމަށް ވިދާޅުވެފައެވެ. ނޯތުއީސްޓަން ޔުނިވަރސިޓީގެ މާހިރުންވެސް އަންނަނީ މި ހުށަހެޅުމަށް ކޮންގްރެސްގެ ހުއްދަ ލިބިދާނެތޯ ސުވާލު އުފައްދަމުންނެވެ.
ޤާނޫނީ މާހިރުން ވިދާޅުވާ ގޮތުގައި، ފައިސާގައި ފޮޓޯ ޖަހަންވާނީ މާޒީގައި ޤައުމަށް އަގުނުކުރެވޭފަދަ ޚިދުމަތްތަކެއް ކޮށްދީފައިވާ، އަދި ހުރިހާ ސިޔާސީ ފިކުރެއްގެ މީހުންވެސް އެއްބަސްވާފަދަ ޝަޚުޞިއްޔަތުންގެއެވެ. އެހެންކަމުން، މި ހުށަހެޅުމަކީ އެމެރިކާގެ މުސްތަޤުބަލުގެ ފައިސާގެ އުސޫލުތަކަށް ބޮޑު ބަދަލެއް އަތުވެދާނެ ކަމެއްގެ ގޮތުގައި ވަނީ ބެލެވިފައެވެ.
ކިޔުންތެރިންގެ ހިޔާލު