ވަރލްޑް ބޭންކުން ރާއްޖެއަށް ހާއްސަކޮށް ބޭނުންކުރަމުން އައި، ވަރލްޑް ބޭންކް މޯލްޑިވްސް އެކްސް އެކައުންޓް ބަންދުކުރުމަށް އެ ބޭންކުން ނިންމައިފިއެވެ.

ވަރލްޑް ބޭންކް މޯލްޑިވްސް އިން މިއަދު މީސްމީޑިއާގައި ބުނެފައިވަނީ، ރާއްޖެއަށް ހާއްސަކޮށްގެން މީސްމީޑިއާގައި މައުލޫމާތު ހިއްސާކުރަމުންދިޔަ އެކްސް އެކައުންޓް ބަންދުކުރުމަށް ނިންމާފައިވާ ކަމަށެވެ. ހަމައެއާއެކު ވަރލްޑް ބޭންކުން ވަނީ، އެ ބޭންކަށް ދިވެހިންގެ ފަރާތުން ލިބެމުންދިޔަ އެއްބާރުލުމަށް ޝުކުރު އަދާކޮށްފައެވެ.

ވަރލްޑް ބޭންކުން ބުނީ މީގެ ފަހުން ރާއްޖޭގެ އިގްތިސާދީ ކަންކަމާ ގުޅޭ ހުރިހާ މައުލޫމާތެއް ހިއްސާކުރަމުން ދާނީ ވަރލްޑް ބޭންކް ސައުތު އޭޝިއާގެ މީސްމީޑިއާ އެކައުންޓް މެދުވެރިކޮށް ކަމަށެވެ.

We’re closing this account. Thank you for your continued support & engagement. It was a pleasure to share our stories & insights with you.

You can continue to follow our work & stay connected:

➡️ @WorldBankSAsia
➡️ https://t.co/mJSdMzHBbQ

We look forward to seeing you there! pic.twitter.com/F0tFo8wDO6

— World Bank Maldives (@WBMaldives) May 10, 2026

ވަރލްޑް ބޭންކުން ރާއްޖެއަށް ހާއްސަކޮށް ބޭނުންކުރަމުން އައި އެކައުންޓް ބަންދުކުރަން ނިންމި ނަމަވެސް މިކަމާ ގުޅޭގޮތުން ރާއްޖޭގެ ކަމާބެހޭ އިދާރާއަކުން ވަކި އެއްޗެއް ހާމަކޮށްފައެއް ނުވެއެވެ.

ވާލްޑް ބޭންކުން އެންމެ ފަހުން ނެރެފައިވާ މޯލްޑިވްސް ޑިވެލޮޕްމެންޓް އަޕްޑޭޓުގައި އިޤްތިޞާދީ ގިނަ ގޮންޖެހުންތަކެއް ރާއްޖެއަށް ކުރިމަތިލާން ޖެހޭނެކަން ފާހަގަކޮށްފައިވެއެވެ. މީގެ ތެރޭގައި ބައިނަލްއަޤްވާމީ ބާޒާރުގައި ތަކެތީގެ އަގުތައް އުފުލުމާއި، ރާއްޖޭން އަނބުރާ ދައްކަން ޖެހޭ ބޮޑެތި ލޯނުތައް ހުރުން ހިމެނެއެވެ.