ޙައްޖަށް ދިއުމަށް އޮތް ކިއޫ ދިގުވުމުގެ މައްސަލައަކީ ހަމައެކަނި ދިވެހިރާއްޖެއަށް ކުރިމަތިވެފައިވާ ކަމެއް ނޫން ކަމަށާއި، މިއީ މުޅި އިސްލާމީ ދުނިޔެއަށްވެސް އޮތް ބޮޑު ގޮންޖެހުމެއް ކަމަށް އިސްލާމީކަންތައްތަކާއި އައުޤާފާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
ވަޒީރު މިހެން ވިދާޅުވީ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެމްބަރު އަބްދުއްރަހްމާން، ޙައްޖު ކަންކަމާ ގުޅޭގޮތުން ކުރެއްވި ސުވާލުތަކަށް ޖަވާބުދެއްވަމުންނެވެ.
މިނިސްޓަރ ޝަހީމް ފާހަގަކުރެއްވި ގޮތުގައި ކޮވިޑް-19 ގެ ބަލިމަޑުކަމުގެ ތެރޭގައި ޙައްޖަށް ނުދެވި ތިބި މީހުންގެ ބެކްލޮގް ބޮޑުވުމަކީ ކިއޫ ދިގުވުމަށް މެދުވެރިވި މައިގަނޑު އެއް ސަބަބެވެ.
އެގޮތުން ކޮވިޑުގެ ތިން އަހަރެއްހާ ދުވަހުގެ ތެރޭގައި ގާތްގަނޑަކަށް ތިންހާހެއްހާ މީހުންނަށް ޙައްޖަށް ނުދެވި މަޑުކުރަން ޖެހުނު ކަމަށާއި، އެ މީހުން އަދިވެސް ތިބީ ކިއޫގައި ކަމަށް ވަޒީރު ވިދާޅުވިއެވެ.
މީގެ އިތުރުން ވަރަށް ގިނަ ބެލެނިވެރިންނާއި އޮފީސްތަކުން ވަކި މިންވަރެއް ދައްކައިގެން މީހުން ކިއޫގައި ޖައްސަމުންދާ ދިއުމަކީވެސް ލިސްޓު އިތުރަށް ދިގުވާން މެދުވެރިވާ ސަބަބެއްކަން އޭނާ ފާހަގަކުރެއްވިއެވެ.
މި މައްސަލައަށް އޮތް ހައްލަކީ ސައުދީ ސަރުކާރުން ރާއްޖެއަށް ދޭ ކޯޓާ އިތުރުކުރުން ކަމަށްވާއިރު، އެކަމަށްޓަކައި ސަރުކާރުން އެންމެ މަތީ ފެންވަރުގައި މަޝްވަރާތައް ކުރަމުންދާ ކަމަށް މިނިސްޓަރ ވިދާޅުވިއެވެ. ވަކި މިންވަރެއް ދެއްކުމަށްފަހު ކިއޫގައި މަޑުކުރުމަކީ ބުއްދިވެރި ގޮތެއް ކަމަށް ލަފާދެއްވަމުން، އުމުރުން ދުވަސްވީ މީހުންނަށް އިސްކަންދީގެން ޙައްޖަށް ފޮނުވުމަށް ސަރުކާރުން ޚާއްސަ އިންތިޒާމުތަކެއް ހަމަޖައްސަމުންދާކަމުގެ ޔަގީންކަންވެސް ވަޒީރު ދެއްވިއެވެ.
ކިއޫގައި ތިބި މީހުންގެ ތެރެއިން ވަކި ބަޔަކު އިސްތިސްނާކޮށް ޙައްޖަށް ފޮނުވުމުގެ ސިޔާސަތެއް ސަރުކާރުން ނުގެންގުޅޭކަން ހާމަކުރައްވަމުން، މިނިސްޓަރ ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ޚާއްސަ ސިޔާސަތުގެ ދަށުން ފަޤީރުންނަށް ޙައްޖަށް ދެވޭނެ ފަސޭހަ މަގުތަކެއް ފަހިކޮށްދެއްވާފައިވާ ކަމަށެވެ.
އަދި ސައުދީ ސަރުކާރާއެކު ކުރެވެމުންދާ މަޝްވަރާތަކުން ރާއްޖެއަށް އިތުރު ފުރުސަތުތައް ލިބޭނެ ކަމުގެ އުންމީދު ބޮޑުކަމަށް ވިދާޅުވެ ވަޒީރުގެ ވާހަކަފުޅު ނިންމަވާލެއްވިއެވެ.
މިނިސްޓަރ ޝަހީމް ފާހަގަކުރެއްވި ގޮތުގައި ކޮވިޑް-19 ގެ ބަލިމަޑުކަމުގެ ތެރޭގައި ޙައްޖަށް ނުދެވި ތިބި މީހުންގެ ބެކްލޮގް ބޮޑުވުމަކީ ކިއޫ ދިގުވުމަށް މެދުވެރިވި މައިގަނޑު އެއް ސަބަބެވެ.
އެގޮތުން ކޮވިޑުގެ ތިން އަހަރެއްހާ ދުވަހުގެ ތެރޭގައި ގާތްގަނޑަކަށް ތިންހާހެއްހާ މީހުންނަށް ޙައްޖަށް ނުދެވި މަޑުކުރަން ޖެހުނު ކަމަށާއި، އެ މީހުން އަދިވެސް ތިބީ ކިއޫގައި ކަމަށް ވަޒީރު ވިދާޅުވިއެވެ.
މީގެ އިތުރުން ވަރަށް ގިނަ ބެލެނިވެރިންނާއި އޮފީސްތަކުން ވަކި މިންވަރެއް ދައްކައިގެން މީހުން ކިއޫގައި ޖައްސަމުންދާ ދިއުމަކީވެސް ލިސްޓު އިތުރަށް ދިގުވާން މެދުވެރިވާ ސަބަބެއްކަން އޭނާ ފާހަގަކުރެއްވިއެވެ.
މި މައްސަލައަށް އޮތް ހައްލަކީ ސައުދީ ސަރުކާރުން ރާއްޖެއަށް ދޭ ކޯޓާ އިތުރުކުރުން ކަމަށްވާއިރު، އެކަމަށްޓަކައި ސަރުކާރުން އެންމެ މަތީ ފެންވަރުގައި މަޝްވަރާތައް ކުރަމުންދާ ކަމަށް މިނިސްޓަރ ވިދާޅުވިއެވެ. ވަކި މިންވަރެއް ދެއްކުމަށްފަހު ކިއޫގައި މަޑުކުރުމަކީ ބުއްދިވެރި ގޮތެއް ކަމަށް ލަފާދެއްވަމުން، އުމުރުން ދުވަސްވީ މީހުންނަށް އިސްކަންދީގެން ޙައްޖަށް ފޮނުވުމަށް ސަރުކާރުން ޚާއްސަ އިންތިޒާމުތަކެއް ހަމަޖައްސަމުންދާކަމުގެ ޔަގީންކަންވެސް ވަޒީރު ދެއްވިއެވެ.
އަދި ސައުދީ ސަރުކާރާއެކު ކުރެވެމުންދާ މަޝްވަރާތަކުން ރާއްޖެއަށް އިތުރު ފުރުސަތުތައް ލިބޭނެ ކަމުގެ އުންމީދު ބޮޑުކަމަށް ވިދާޅުވެ ވަޒީރުގެ ވާހަކަފުޅު ނިންމަވާލެއްވިއެވެ.
ކިޔުންތެރިންގެ ހިޔާލު