އަންނަ އޭޕްރީލް މަހުގެ 4 ވަނަ ދުވަހު ބޭއްވުމަށް ހަމަޖެހިފައިވާ އިންތިޚާބާ ދިމާކޮށް، ސަރުކާރުން ވަޒީފާ ދިނުމާއި މަޝްރޫޢުތައް އިޢުލާން ކުރުން ފަދަ ކަންކަން ކުރަމުންދަނީ އިންތިޚާބަށް ނުފޫޒު ފޯރުވުމަށް ކަމަށް ހުޅުމާލެ ދެކުނު ދާއިރާގެ ކުރީގެ މެންބަރު އަލީ ނިޔާޒު ވިދާޅުވެއްޖެއެވެ.
އެމްޑީޕީގެ ބޭއްވި ޕިކަޕް ޖަލްސާއެއްގައި ވާހަކަދައްކަވަމުން ނިޔާޒު ވިދާޅުވީ، އިންތިޚާބު ކާމިޔާބު ކުރުމަށްޓަކައި ފައިސާ ބެހުމާއި، ޖަލުގައި ތިބި މީހުން ދޫކުރުމުގެ އިތުރުން އެތައް ސަތޭކަ ވަޒީފާއެއް ސަރުކާރުގެ ކުންފުނިތަކުންނާއި މުއައްސަސާތަކުން ދެމުންދާ ކަމަށެވެ.
ވަކިން ޚާއްޞަކޮށް، މި މަސްތެރޭގައި އެމް.ޓީ.ސީ.ސީ އިން 800 ވަޒީފާ އަދި ކަސްޓަމްސް އިން ވެސް ގިނަ ވަޒީފާތަކެއް އިޢުލާން ކޮށްފައިވާކަން އޭނާ ފާހަގަކުރެއްވިއެވެ.
މީގެ އިތުރުން، ދައުލަތުގެ މިނިވަން މުއައްސަސާތަކުން މިފަދަ ކަންކަން ހުއްޓުވުމަށް އެކަށީގެންވާ މަސައްކަތެއް ނުކުރާ ކަމަށް ނިޔާޒު ތުހުމަތު ކުރެއްވިއެވެ.
އޭނާ ވިދާޅުވި ގޮތުގައި، އިލެކްޝަންސް ކޮމިޝަނާއި، އެންޓި-ކޮރަޕްޝަން ކޮމިޝަން އަދި ހިއުމަން ރައިޓްސް ކޮމިޝަނާ ބައްދަލުކުރުމުން ވެސް، އެ މުއައްސަސާތަކުން އެދެވޭ ޖަވާބެއް ލިބިފައި ނުވާ ކަމަށެވެ. އަދި ކައުންސިލްތަކުން އިންތިޚާބު އޮންނަ އަހަރު ވަޒީފާ ނުދެވޭ ގޮތަށް ޤާނޫނަށް ގެނައި އިޞްލާޙަކީ ވެސް ސަރުކާރުން އިންތިޚާބު ކާމިޔާބު ކުރުމަށް ޖެހި މަކަރެއް ކަމަށް އޭނާ ސިފަކުރެއްވިއެވެ.
ނިޔާޒުގެ ވާހަކައިގައި، އޭޕްރީލް 4 ގައި ނަގާ "ފެންނަ ނުފެންނަ ވޯޓު" ނުވަތަ ރިފަރެންޑަމް އާ މެދު ވެސް ބޮޑެތި ކަންބޮޑުވުންތަކެއް ފާޅުކުރެއްވިއެވެ.
އޭނާ ވިދާޅުވީ އެ ވޯޓަކީ ރައްޔިތުންނަށް އޭގެ ޙަޤީޤަތް އޮޅުވާލައިގެން ކުރިއަށްގެންދާ ކަމެއް ކަމަށާއި، ވޯޓު ގުނުމުގެ ކަންކަން ވެސް ރާވާފައިވަނީ އޮޅުވާލުމަށް މަގުފަހިވާ ގޮތަށް ކަމަށެވެ. އެހެންކަމުން، ވޯޓުލާ ނިމިގެން ރިފަރެންޑަމް ވޯޓުގެ ނަތީޖާ ލިބެންދެން އެއްވެސް މީހަކު ވޯޓުލާ މަރުކަޒުން ނުނިކުތުމަށް އޭނާ ރައްޔިތުންނަށް އިލްތިމާސް ކުރެއްވިއެވެ.
ވަކިން ޚާއްޞަކޮށް، މި މަސްތެރޭގައި އެމް.ޓީ.ސީ.ސީ އިން 800 ވަޒީފާ އަދި ކަސްޓަމްސް އިން ވެސް ގިނަ ވަޒީފާތަކެއް އިޢުލާން ކޮށްފައިވާކަން އޭނާ ފާހަގަކުރެއްވިއެވެ.
މީގެ އިތުރުން، ދައުލަތުގެ މިނިވަން މުއައްސަސާތަކުން މިފަދަ ކަންކަން ހުއްޓުވުމަށް އެކަށީގެންވާ މަސައްކަތެއް ނުކުރާ ކަމަށް ނިޔާޒު ތުހުމަތު ކުރެއްވިއެވެ.
އޭނާ ވިދާޅުވި ގޮތުގައި، އިލެކްޝަންސް ކޮމިޝަނާއި، އެންޓި-ކޮރަޕްޝަން ކޮމިޝަން އަދި ހިއުމަން ރައިޓްސް ކޮމިޝަނާ ބައްދަލުކުރުމުން ވެސް، އެ މުއައްސަސާތަކުން އެދެވޭ ޖަވާބެއް ލިބިފައި ނުވާ ކަމަށެވެ. އަދި ކައުންސިލްތަކުން އިންތިޚާބު އޮންނަ އަހަރު ވަޒީފާ ނުދެވޭ ގޮތަށް ޤާނޫނަށް ގެނައި އިޞްލާޙަކީ ވެސް ސަރުކާރުން އިންތިޚާބު ކާމިޔާބު ކުރުމަށް ޖެހި މަކަރެއް ކަމަށް އޭނާ ސިފަކުރެއްވިއެވެ.
އޭނާ ވިދާޅުވީ އެ ވޯޓަކީ ރައްޔިތުންނަށް އޭގެ ޙަޤީޤަތް އޮޅުވާލައިގެން ކުރިއަށްގެންދާ ކަމެއް ކަމަށާއި، ވޯޓު ގުނުމުގެ ކަންކަން ވެސް ރާވާފައިވަނީ އޮޅުވާލުމަށް މަގުފަހިވާ ގޮތަށް ކަމަށެވެ. އެހެންކަމުން، ވޯޓުލާ ނިމިގެން ރިފަރެންޑަމް ވޯޓުގެ ނަތީޖާ ލިބެންދެން އެއްވެސް މީހަކު ވޯޓުލާ މަރުކަޒުން ނުނިކުތުމަށް އޭނާ ރައްޔިތުންނަށް އިލްތިމާސް ކުރެއްވިއެވެ.
ކިޔުންތެރިންގެ ހިޔާލު