ޤަޠަރުގެ މުހިންމު އެލް.އެން.ޖީ (ލިކިއުފައިޑް ނެޗުރަލް ގޭސް) މަރުކަޒެއް ކަމަށްވާ ރަސް ލައްފާނަށް ދިން ހަމަލާއާ ގުޅިގެން، ބައިނަލްއަޤުވާމީ ބާޒާރުގައި ތަކެތީގެ އަގު ބޮޑުވެ، މުދާ ލިބުމުގައި ދަތިތަކާއި ލަސްތަކެއް ކުރިމަތިވާނެ ކަމަށް މާހިރުން ލަފާކުރައްވައިފިއެވެ.
އެމެރިކަން ޔުނިވަރސިޓީގެ އިންޓަރނޭޝަނަލް ބިޒްނަސް ޕްރޮފެސަރެއް ކަމަށްވާ ބާބަކް ޙާފިޒީ ވިދާޅުވި ގޮތުގައި، އީރާނުން މިއަދު ހަމަލާދިން ރަސް ލައްފާން މަރުކަޒަކީ އަހަރަކު 77 މިލިއަން ޓަނުގެ ގޭސް އުފައްދާ، ދުނިޔޭގެ އެލް.އެން.ޖީ މާކެޓުގެ 25 އިންސައްތަ ހިއްސާކުރާ މުހިންމު ތަނެކެވެ.
"މި ހާދިސާގެ ސަބަބުން މުޅި ދުނިޔޭގައި އެލް.އެން.ޖީގެ އަގުތައް ވަރަށް ބޮޑަށް އުފުލިގެންދާނެ. ވަކިން ހާއްސަކޮށް ވިލާތުގެ ޤައުމުތަކަށް މީގެ ނޭދެވޭ އަސަރު އެންމެ ބޮޑަށް ކުރާނެ،" ޙާފިޒީ ފާހަގަކުރެއްވިއެވެ. އޭނާ އިތުރަށް ތަފްސީލުކޮށްދެއްވި ގޮތުގައި، ރަޝިޔާ-ޔޫކްރެއިން ހަނގުރާމައާއި ނޯޑް ސްޓްރީމް ހޮޅިލައިންތައް ހަލާކުވުމާ ގުޅިގެން، ޖަރުމަނު ހިމެނޭހެން ވިލާތުގެ އިއްތިހާދުގެ ޤައުމުތަކަކީ މިހާރު އެލް.އެން.ޖީއަށް ބަރޯސާވާ ޤައުމުތަކެކެވެ.
ޖަޕާން، ތުރުކީ އަދި އިންޑިއާ ފަދަ ޤައުމުތަކަކީވެސް އެލް.އެން.ޖީއަށް ބަރޯސާވާ ޤައުމުތަކެއްކަން ފާހަގަކުރައްވަމުން ޙާފިޒީ ވިދާޅުވީ، އިޤްތިޞާދީ ގޮތުން ބަލިކަށި ކުދި ޤައުމުތަކަށް މީގެ ސަބަބުން އެންމެ ބޮޑު ގެއްލުމެއް ލިބޭނެ ކަމަށެވެ. ސަބަބަކީ އަގުތައް އުފުލުމުން އެ ޤައުމުތަކަށް ބޭނުންވާ މިންވަރަށް ގޭސް ގަތުމުގެ ޤާބިލުކަން ގެއްލިގެންދާނެތީއެވެ.
މީގެ އިތުރުން، ދުނިޔޭގެ ބާޒާރުގައި ހަކަތައަށް އޮތް ޑިމާންޑަށް ބޮޑެތި ބަދަލުތަކެއް އަންނާނެ ކަމަށް އޭނާ ލަފާކުރެއްވިއެވެ. އަގުތައް އުފުލުމުގެ ސަބަބުން ބައެއް ވިޔަފާރިތައް ހިންގުމަކީ ދެކޮޅުޖެހޭ ކަމަކަށް ނުވެދާނެއެވެ. އަދި ބައެއް ސިނާޢަތްތަކުން ތިމާވެއްޓާ ރައްޓެހި ނުވަތަ ތިމާވެއްޓަށް ގެއްލުންހުރި އެހެން ހަކަތައިގެ ވަސީލަތްތަކަށް ބަދަލުވާން މަޖުބޫރުވެދާނެއެވެ.
"ތެލުގެ އަގަށް އަންނަ ބަދަލަކީ އިޤްތިޞާދުގެ ހުރިހާ ދާއިރާއަކަށް އޭގެ އަސަރު ފޯރާ ކަމެއް. އެހެންކަމުން ހުރިހާ މަރުހަލާއެއްގައިވެސް ތަކެތީގެ އަގު އުފުލިގެންދާނެ،" ޙާފިޒީ ވިދާޅުވިއެވެ. މީގެ ނަތީޖާއެއްގެ ގޮތުން ދުނިޔޭގެ އިންފްލޭޝަން ނުވަތަ ތަކެތީގެ އަގު އުފުލޭ މިންވަރު މަތިވެ، ގިނަ ޤައުމުތަކެއްގެ އިޤްތިޞާދު "ސްޓެގްފްލޭޝަން" (އިޤްތިޞާދީ ކުރިއެރުން މަޑުޖެހިފައި އޮވެ އަގުތައް އުފުލުން) އަކަށް ދިއުމުގެ ފުރުޞަތު އެބައޮތެވެ.
ޙާފިޒީ އިތުރަށް ވިދާޅުވީ، ކާދު (ފާޓިލައިޒާ)، ޖަނަވާރުގެ ކާނާ އަދި ޕެޓްރޯކެމިކަލް އުފެއްދުންތަކުގެ އަގުތަކަށް ބޮޑެތި ބަދަލުތަކެއް އަންނާނެ ކަމަށް ބެލެވޭ ކަމަށެވެ. އަދި މުދާ ލިބުމުގައި ދަތިތަކާއި، ލަސްވުންތަކުގެ އިތުރުން ހުރިހާ ދާއިރާއަކުންވެސް ޚަރަދުތައް ބޮޑުވެގެންދާނެ ކަމަށް އޭނާ އިންޒާރު ދެއްވިއެވެ.
"މި ހާދިސާގެ ސަބަބުން މުޅި ދުނިޔޭގައި އެލް.އެން.ޖީގެ އަގުތައް ވަރަށް ބޮޑަށް އުފުލިގެންދާނެ. ވަކިން ހާއްސަކޮށް ވިލާތުގެ ޤައުމުތަކަށް މީގެ ނޭދެވޭ އަސަރު އެންމެ ބޮޑަށް ކުރާނެ،" ޙާފިޒީ ފާހަގަކުރެއްވިއެވެ. އޭނާ އިތުރަށް ތަފްސީލުކޮށްދެއްވި ގޮތުގައި، ރަޝިޔާ-ޔޫކްރެއިން ހަނގުރާމައާއި ނޯޑް ސްޓްރީމް ހޮޅިލައިންތައް ހަލާކުވުމާ ގުޅިގެން، ޖަރުމަނު ހިމެނޭހެން ވިލާތުގެ އިއްތިހާދުގެ ޤައުމުތަކަކީ މިހާރު އެލް.އެން.ޖީއަށް ބަރޯސާވާ ޤައުމުތަކެކެވެ.
ޖަޕާން، ތުރުކީ އަދި އިންޑިއާ ފަދަ ޤައުމުތަކަކީވެސް އެލް.އެން.ޖީއަށް ބަރޯސާވާ ޤައުމުތަކެއްކަން ފާހަގަކުރައްވަމުން ޙާފިޒީ ވިދާޅުވީ، އިޤްތިޞާދީ ގޮތުން ބަލިކަށި ކުދި ޤައުމުތަކަށް މީގެ ސަބަބުން އެންމެ ބޮޑު ގެއްލުމެއް ލިބޭނެ ކަމަށެވެ. ސަބަބަކީ އަގުތައް އުފުލުމުން އެ ޤައުމުތަކަށް ބޭނުންވާ މިންވަރަށް ގޭސް ގަތުމުގެ ޤާބިލުކަން ގެއްލިގެންދާނެތީއެވެ.
މީގެ އިތުރުން، ދުނިޔޭގެ ބާޒާރުގައި ހަކަތައަށް އޮތް ޑިމާންޑަށް ބޮޑެތި ބަދަލުތަކެއް އަންނާނެ ކަމަށް އޭނާ ލަފާކުރެއްވިއެވެ. އަގުތައް އުފުލުމުގެ ސަބަބުން ބައެއް ވިޔަފާރިތައް ހިންގުމަކީ ދެކޮޅުޖެހޭ ކަމަކަށް ނުވެދާނެއެވެ. އަދި ބައެއް ސިނާޢަތްތަކުން ތިމާވެއްޓާ ރައްޓެހި ނުވަތަ ތިމާވެއްޓަށް ގެއްލުންހުރި އެހެން ހަކަތައިގެ ވަސީލަތްތަކަށް ބަދަލުވާން މަޖުބޫރުވެދާނެއެވެ.
ޙާފިޒީ އިތުރަށް ވިދާޅުވީ، ކާދު (ފާޓިލައިޒާ)، ޖަނަވާރުގެ ކާނާ އަދި ޕެޓްރޯކެމިކަލް އުފެއްދުންތަކުގެ އަގުތަކަށް ބޮޑެތި ބަދަލުތަކެއް އަންނާނެ ކަމަށް ބެލެވޭ ކަމަށެވެ. އަދި މުދާ ލިބުމުގައި ދަތިތަކާއި، ލަސްވުންތަކުގެ އިތުރުން ހުރިހާ ދާއިރާއަކުންވެސް ޚަރަދުތައް ބޮޑުވެގެންދާނެ ކަމަށް އޭނާ އިންޒާރު ދެއްވިއެވެ.
ކިޔުންތެރިންގެ ހިޔާލު