މާލޭގައި ހުންނަ ބަންޑާރަ މިސްކިތް ތަޅާލުމަށް އިސްލާމިކް މިނިސްޓަރ އުޅުއްވުމަކީ ދިވެހި ތާރީޚާއި ތަރިކަ ނައްތާލުން ކަމަށް ވިދާޅުވެ، މޯލްޑިވްސް ނެޝަނަލް ޔުނިވާސިޓީ (އެމްއެންޔޫ)ގެ ކުރީގެ ޗާންސެލަރު ޑރ. ޙަސަން ޙަމީދު ސަރުކާރަށް ވަރަށް ބޮޑަށް ފާޑު ވިދާޅުވެއްޖެއެވެ.
ޑރ. ޙަސަން ޙަމީދު މިއަދު ވިދާޅުވީ، ބަންޑާރަ މިސްކިތަކީ ދިވެހިރާއްޖޭގެ ތާރީޚާ ވަރަށް ބޮޑަށް ގުޅިފައިވާ ބިނާއެއް ކަމަށެވެ. އަދި އެ މިސްކިތުގެ މުހިންމުކަން އެނގޭނީ ދިވެހި ތާރީޚާ ބެހޭ ފޮތްތަކަށް ދަރިވަރުވެފައިވާ ބަޔަކަށް ކަމަށް އޭނާ ވިދާޅުވިއެވެ. މިސްކިތުގެ ތާރީޚީ މުހިންމުކަން ބަޔާންކޮށްދެއްވަމުން ޑރ. ޙަސަން ވަނީ މުޙައްމަދު އަމީންގެ ދައުރުގައި ހިނގި ހާދިސާއެއް މިސާލެއްގެ ގޮތުން ދައްކަވާފައެވެ.
"އެއް ފަހަރު ދިމާވި މައްސަލައެއްގައި، މާލޭގައި ތިބި ހުރިހާ ވޯރާއިން އެ މިސްކިތަށް ވަދެ ތަޅުލައި، ނުނިކުމެ ބަންދު ވިއެވެ. މިކަމާ ގުޅިގެން މުދާ ގަންނާނޭ ގޮތެއް ރައްޔިތުންނަށް ނެތިގެން، މުޙައްމަދު އަމީން އެމީހުންގެ ގާތަށް ވަޑައިގެން ވާހަކަ ދައްކަވައި، އެމީހުން ފިހާރަތަކަށް އަލުން ދާގޮތަށް ހަމަޖެހުނެވެ،" ޑރ. ޙަސަން ލިޔުއްވާފައިވެއެވެ. ހަމައެއާއެކު ޑރ. ޙަސަން ވިދާޅުވީ، މިހާރުގެ އެމްއެމްއޭ އަދި އެސްޓީއޯގެ ފެށުން ކަމުގައިވާ ސަރުކާރުގެ ބޮޑު އިސްޓޯރާއި ކުޑަ އިސްޓޯރުގެ ފެށުން ވެސް ގުޅިފައިވަނީ މި ހާދިސާއާ ކަމަށެވެ.
ޑރ. ޙަސަން ވިދާޅުވީ ތާރީޚީ ބިނާތަކަކީ އިންތިހާއަށް މުހިންމު ތަންތަން ކަމުގައި ވީނަމަވެސް، "ބޭރުގެ ގޮތްތަކަށް ހިތާވެފައިވާ ބައެއް ދިވެހީންގެ" ކިބައިން ދިވެހި ތާރީޚާއި ގައުމަށް އޮންނަންޖެހޭ ލޯބި ނުފެންނަ ކަމަށެވެ. މީގެ ކުރިން ބިހުރޯޒު ކަމަނާ މިސްކިތް ތަޅާލަން އުޅުނު ހާދިސާއަށް އިޝާރާތް ކުރައްވައި އޭނާ ވިދާޅުވީ، ސަރުކާރުތަކުން ކުރާ މިފަދަ ކަންކަމަށް ރައްޔިތުން ފާރަވެރިވާން ޖެހޭ ކަމަށެވެ.
މީގެ އިތުރުން، އިސްލާމިކް މިނިސްޓްރީން މި ފަހަކަށް އައިސް އަމަލުކުރަމުންދާ ގޮތްތަކަށް ވެސް ޑރ. ޙަސަން ވަނީ ފާޑުވިދާޅުވެފައެވެ. އެގޮތުން، ރައީސް ޑރ. މުޙައްމަދު މުއިއްޒު ގައުމިއްޔަތަށް އިސްކަންދެއްވާނެ ކަމަށް ވިދާޅުވެ ވެރިކަމަށް ވަޑައިގެންނެވިއިރު، ޒަކާތާ ބެހޭ އޮފީހަށް "ޒަކާތު ހައުސް" ފަދަ އިނގިރޭސި ނަމެއް ދިނުމާއި، މަދަރުސާތަކުގައި އިސްލާމް މާއްދާ އިނގިރޭސި ބަހުން ކިޔަވައިދޭން މިނިސްޓަރު ޑރ. މުޙައްމަދު ޝަހީމް އަލީ ސައީދު ތާއީދުކުރެއްވުމަކީ ގައުމިއްޔަތާ ބީރައްޓެހި ކަންކަން ކަމަށް އޭނާ ފާހަގަކުރެއްވިއެވެ.
"ސިޔާސަތުތަކާއި ގަވާއިދުތައް ވަނީ ވީ ތަނެއްގައެވެ. މި ހާލަތުން އަރައިގަނެ، އެންމެން އެއް ދިމާއަކަށް ދަތުރުކުރުމަށް އައު ޖޯޝަކާއި ފޯރިއެއްލާން ވެއްޖެއެވެ." ޑރ. ޙަސަން ވިދާޅުވިއެވެ.
ބަންޑާރަ މިސްކިތް ތަޅާލައި އެތަނުގައި ޒަމާނީ މިސްކިތެއް ބިނާކުރަން ނިންމިކަން މިނިސްޓަރު ޝަހީމް އިއުލާން ކުރެއްވުމާ ގުޅިގެން އާންމުންގެ ފާޑުކިޔުންތައް އަމާޒުވެފައިވާއިރު، ޝަހީމް ވިދާޅުވެފައިވަނީ އެ މިސްކިތަކީ އާސާރީ ތަރިކައެއް ނޫން ކަމަށެވެ. ނަމަވެސް އެކަމުގައި އިތުރަށް މަޝްވަރާކުރަން ބޭނުންވާ ކަމަށް މިނިސްޓަރު ވަނީ ވިދާޅުވެފައެވެ.
"އެއް ފަހަރު ދިމާވި މައްސަލައެއްގައި، މާލޭގައި ތިބި ހުރިހާ ވޯރާއިން އެ މިސްކިތަށް ވަދެ ތަޅުލައި، ނުނިކުމެ ބަންދު ވިއެވެ. މިކަމާ ގުޅިގެން މުދާ ގަންނާނޭ ގޮތެއް ރައްޔިތުންނަށް ނެތިގެން، މުޙައްމަދު އަމީން އެމީހުންގެ ގާތަށް ވަޑައިގެން ވާހަކަ ދައްކަވައި، އެމީހުން ފިހާރަތަކަށް އަލުން ދާގޮތަށް ހަމަޖެހުނެވެ،" ޑރ. ޙަސަން ލިޔުއްވާފައިވެއެވެ. ހަމައެއާއެކު ޑރ. ޙަސަން ވިދާޅުވީ، މިހާރުގެ އެމްއެމްއޭ އަދި އެސްޓީއޯގެ ފެށުން ކަމުގައިވާ ސަރުކާރުގެ ބޮޑު އިސްޓޯރާއި ކުޑަ އިސްޓޯރުގެ ފެށުން ވެސް ގުޅިފައިވަނީ މި ހާދިސާއާ ކަމަށެވެ.
ޑރ. ޙަސަން ވިދާޅުވީ ތާރީޚީ ބިނާތަކަކީ އިންތިހާއަށް މުހިންމު ތަންތަން ކަމުގައި ވީނަމަވެސް، "ބޭރުގެ ގޮތްތަކަށް ހިތާވެފައިވާ ބައެއް ދިވެހީންގެ" ކިބައިން ދިވެހި ތާރީޚާއި ގައުމަށް އޮންނަންޖެހޭ ލޯބި ނުފެންނަ ކަމަށެވެ. މީގެ ކުރިން ބިހުރޯޒު ކަމަނާ މިސްކިތް ތަޅާލަން އުޅުނު ހާދިސާއަށް އިޝާރާތް ކުރައްވައި އޭނާ ވިދާޅުވީ، ސަރުކާރުތަކުން ކުރާ މިފަދަ ކަންކަމަށް ރައްޔިތުން ފާރަވެރިވާން ޖެހޭ ކަމަށެވެ.
މީގެ އިތުރުން، އިސްލާމިކް މިނިސްޓްރީން މި ފަހަކަށް އައިސް އަމަލުކުރަމުންދާ ގޮތްތަކަށް ވެސް ޑރ. ޙަސަން ވަނީ ފާޑުވިދާޅުވެފައެވެ. އެގޮތުން، ރައީސް ޑރ. މުޙައްމަދު މުއިއްޒު ގައުމިއްޔަތަށް އިސްކަންދެއްވާނެ ކަމަށް ވިދާޅުވެ ވެރިކަމަށް ވަޑައިގެންނެވިއިރު، ޒަކާތާ ބެހޭ އޮފީހަށް "ޒަކާތު ހައުސް" ފަދަ އިނގިރޭސި ނަމެއް ދިނުމާއި، މަދަރުސާތަކުގައި އިސްލާމް މާއްދާ އިނގިރޭސި ބަހުން ކިޔަވައިދޭން މިނިސްޓަރު ޑރ. މުޙައްމަދު ޝަހީމް އަލީ ސައީދު ތާއީދުކުރެއްވުމަކީ ގައުމިއްޔަތާ ބީރައްޓެހި ކަންކަން ކަމަށް އޭނާ ފާހަގަކުރެއްވިއެވެ.
ބަންޑާރަ މިސްކިތް ތަޅާލައި އެތަނުގައި ޒަމާނީ މިސްކިތެއް ބިނާކުރަން ނިންމިކަން މިނިސްޓަރު ޝަހީމް އިއުލާން ކުރެއްވުމާ ގުޅިގެން އާންމުންގެ ފާޑުކިޔުންތައް އަމާޒުވެފައިވާއިރު، ޝަހީމް ވިދާޅުވެފައިވަނީ އެ މިސްކިތަކީ އާސާރީ ތަރިކައެއް ނޫން ކަމަށެވެ. ނަމަވެސް އެކަމުގައި އިތުރަށް މަޝްވަރާކުރަން ބޭނުންވާ ކަމަށް މިނިސްޓަރު ވަނީ ވިދާޅުވެފައެވެ.
ކިޔުންތެރިންގެ ހިޔާލު