މީހުންގެ ހައްގުތައް ހޯދައިދިނުމަށް ވަކާލާތުކުރާ ޓިކްޓޮކް ތަރި ޝެހެނާޒް މޫސާ (ޝެހޭ)، ފަހިދިރުއުޅުން ކޯޕަރޭޝަން (އެފްޑީސީ) އިން ދޫކޮށްފައިވާ ސޯޝަލް ހައުސިންގ ޔުނިޓެއް އުސޫލާ ހިލާފަށް ބޮޑު އަގުގައި ކުއްޔަށް ދޭން އުޅުނު މައްސަލައެއް އެ ކުންފުނިން ބަލަން ފަށައިފިއެވެ.
މިކަމާ ގުޅޭގޮތުން އެފްޑީސީގެ މެނޭޖިންގ ޑިރެކްޓަރު ހަމްދާން ޝަކީލް އެކްސްގައި ކުރެއްވި ޕޯސްޓެއްގައި ވިދާޅުވީ، އެފްޑީސީގެ ފްލެޓެއް އުސޫލާ ހިލާފަށް ކުއްޔަށް ދޭން އުޅޭކަމުގެ މައުލޫމާތު އެ ކުންފުނީގެ ސަމާލުކަމަށް އައިސްފައިވާ ކަމަށެވެ. އަދި އެ މައްސަލަ އެފްޑީސީގެ ހާއްސަ ޓީމަކުން މިހާރު ތަހުގީގު ކުރަމުންދާ ކަމަށްވެސް އޭނާ ވިދާޅުވިއެވެ.
ޝެހެނާޒް ސޯޝަލް މީޑިއާގައި އިސްތިހާރުކޮށްފައިވަނީ ހުޅުމާލޭ ފޭސް 2 ގައި ތަރައްގީކޮށްފައިވާ "އަމާން ދޯދީ" ޓަވަރުގެ އެޕާޓްމަންޓެކެވެ. ތިން ކޮޓަރީގެ މި އެޕާޓްމަންޓް ކުއްޔަށް ދޭން އޭނާ ހުށަހަޅާފައިވަނީ މަހަކު 23,000 ރުފިޔާއަށެވެ. އަދި އެޑްވާންސްގެ ގޮތުގައިވެސް 23,000 ރުފިޔާ ދައްކަން ޖެހޭނެ ކަމަށް އިސްތިހާރުގައިވެއެވެ. މައުލޫމާތު ލިބޭ ގޮތުގައި ގޮތުގައި، އެފްޑީސީން އެ އެޕާޓްމަންޓްތަކުގެ ވެރިފަރާތްތަކަށް ކުއްޔަށް ދޫކޮށްފައިވަނީ މަހަކު 10,500 ރުފިޔާއަށެވެ.
ހަމްދާން ވިދާޅުވި ގޮތުގައި، ސޯޝަލް ހައުސިންގ ޔުނިޓްތަކުގެ އެގްރީމެންޓްގައިވާ ގޮތުން، އެ ތަންތަން އެހެން ފަރާތްތަކަށް ކުއްޔަށް ދިނުމަކީ މަނާކަމެކެވެ. މިފަދަ އަމަލެއް ހިންގައިފިނަމަ، ކަނޑައެޅިފައިވާ އުސޫލުގެ ދަށުން 50,000 ރުފިޔާއަށްވުރެ ބޮޑު ނޫން އަދަދަކުން ޖޫރިމަނާކުރުމުގެ އިތުރުން، ފްލެޓްގެ އެގްރީމެންޓް ބާތިލްކުރުމުގެ ބާރުވެސް އެ ކުންފުންޏަށް ލިބިގެންވެއެވެ.
ސަރުކާރާއި އެފްޑީސީން މީގެ ކުރިންވެސް ވަނީ ސޯޝަލް ހައުސިންގ ފްލެޓްތައް ބޮޑު އަގުގައި ކުއްޔަށް ދިނުމަކީ މަނާކަމެއް ކަމަށް ބުނެ އެކަމަށް އިންޒާރު ދީފައެވެ. މިއީ
މިފަދަ މައްސަލައެއްގައި އެފްޑީސީން ފިޔަވަޅު އަޅަން ފެށި ފުރަތަމަ ފަހަރެއް ނޫނެވެ. މީގެ ކުރިންވެސް 4,000 ހައުސިންގ ޔުނިޓްގެ ތެރޭގައި ހިމެނޭ އެޕާޓްމަންޓެއް ބޮޑު އަގުގައި ކުއްޔަށް ދޭން އުޅުނު މައްސަލައެއް އެ ކުންފުނިން ވަނީ ބަލަން ފަށާފައެވެ.
I was notified of this earlier today and I have already informed my team to look into this. FDC flats are NOT for sub leasing - violates lease agreement with tenant. @Fdc_mv will actively pursue those who are leasing and will fine up to MVR 50,000 and terminate the agreement with… https://t.co/5GdFYJjEGy
— Hamdhan Shakeel (@HamdhanShakeel) March 6, 2026
ޝެހެނާޒް ސޯޝަލް މީޑިއާގައި އިސްތިހާރުކޮށްފައިވަނީ ހުޅުމާލޭ ފޭސް 2 ގައި ތަރައްގީކޮށްފައިވާ "އަމާން ދޯދީ" ޓަވަރުގެ އެޕާޓްމަންޓެކެވެ. ތިން ކޮޓަރީގެ މި އެޕާޓްމަންޓް ކުއްޔަށް ދޭން އޭނާ ހުށަހަޅާފައިވަނީ މަހަކު 23,000 ރުފިޔާއަށެވެ. އަދި އެޑްވާންސްގެ ގޮތުގައިވެސް 23,000 ރުފިޔާ ދައްކަން ޖެހޭނެ ކަމަށް އިސްތިހާރުގައިވެއެވެ. މައުލޫމާތު ލިބޭ ގޮތުގައި ގޮތުގައި، އެފްޑީސީން އެ އެޕާޓްމަންޓްތަކުގެ ވެރިފަރާތްތަކަށް ކުއްޔަށް ދޫކޮށްފައިވަނީ މަހަކު 10,500 ރުފިޔާއަށެވެ.
ހަމްދާން ވިދާޅުވި ގޮތުގައި، ސޯޝަލް ހައުސިންގ ޔުނިޓްތަކުގެ އެގްރީމެންޓްގައިވާ ގޮތުން، އެ ތަންތަން އެހެން ފަރާތްތަކަށް ކުއްޔަށް ދިނުމަކީ މަނާކަމެކެވެ. މިފަދަ އަމަލެއް ހިންގައިފިނަމަ، ކަނޑައެޅިފައިވާ އުސޫލުގެ ދަށުން 50,000 ރުފިޔާއަށްވުރެ ބޮޑު ނޫން އަދަދަކުން ޖޫރިމަނާކުރުމުގެ އިތުރުން، ފްލެޓްގެ އެގްރީމެންޓް ބާތިލްކުރުމުގެ ބާރުވެސް އެ ކުންފުންޏަށް ލިބިގެންވެއެވެ.
މިފަދަ މައްސަލައެއްގައި އެފްޑީސީން ފިޔަވަޅު އަޅަން ފެށި ފުރަތަމަ ފަހަރެއް ނޫނެވެ. މީގެ ކުރިންވެސް 4,000 ހައުސިންގ ޔުނިޓްގެ ތެރޭގައި ހިމެނޭ އެޕާޓްމަންޓެއް ބޮޑު އަގުގައި ކުއްޔަށް ދޭން އުޅުނު މައްސަލައެއް އެ ކުންފުނިން ވަނީ ބަލަން ފަށާފައެވެ.
ކިޔުންތެރިންގެ ހިޔާލު