ރާއްޖޭގައި ބޭއްވޭ އެންމެ ބޮޑު ދެ އިންތިހާބު ކަމަށްވާ މަޖިލިސް އިންތިހާބާއި ރިޔާސީ އިންތިހާބު އެއްކޮށްލުމަކީ ބޮޑު ގޯހެއް ކަމަށާއި، ކޮންމެ ގޮތެއް ހަދައިގެން ވެރިކަމުގައި އިތުރަށް ހުރެވޭތޯ ބެލުމަކީ ހުދުމުހުތާރުކަން ކަމަށް ކުރީގެ ނައިބު ރައީސް މުހައްމަދު ޖަމީލް އަހްމަދު ވިދާޅުވެއްޖެއެވެ.
މިއަދު އެކްސްގައި ކުރެއްވި ޕޯސްޓެއްގައި ޑރ. ޖަމީލް ވިދާޅުވީ، ވެރިއެއްގެ އެންމެ މަތިވެރި ސިފަޔަކަށް ވާންވާނީ ގައުމަށް އިޚްލާސްތެރިވުން ކަމަށެވެ. އަދި އެއް ޖީލަށްފަހު އަނެއް ޖީލަށް، ތިމާއަށް ލިބުނު ރާއްޖެއަށް ވުރެ ރަނގަޅު ރާއްޖެއެއް ފޯރުކޮށްދިނުމަކީ ވެރިއެއްގެ ޒިންމާއެއް ކަމަށާއި، ރަނގަޅު އިގްތިސާދީ އަދި އިޖްތިމާއީ ރައްކާތެރިކަމެއް ގައުމުގައި ގާއިމްކުރަން ޖެހޭނެ ކަމަށްވެސް އޭނާ ފާހަގަކުރެއްވިއެވެ.
ރައީސް ޑރ. މުޙައްމަދު މުޢިއްޒުގެ ސަރުކާރުގެ ސިޔާސަތުތަކަށް ފާޑުވިދާޅުވަމުން ޖަމީލް ވިދާޅުވީ، މި ސަރުކާރަކީ ބިޔަ ބޮޑު ނަތީޖާއެއް ނެރެނުދެވޭ، ނުއުފުލޭވަރުގެ ބޮޑެތި ޚަރަދުތަކާއި ތަކްލީފުތައް ރައްޔިތުންނަށް ޖައްސާފައިވާ ސަރުކާރެއް ކަމަށެވެ. އަދި ދުނިޔެ މިހާރު ދެކެމުންދާ އިގްތިސާދީ ދަތި ހާލަތުގައި، ސަރުކާރުން އިސްކަންދޭންވީ އެކަންކަން ރަނގަޅު ކުރުމަށް ކަމަށްވެސް އޭނާ ވިދާޅުވިއެވެ.
"ދެ އިންތިޚާބު އެއްކޮށްލުމަކީ ބޮޑު ގޯހެއް. ދުސްތޫރީ ފާރަވެރި ނިޒާމު ގަނޑުބަޑުވާނެ. ރައްޔިތުންނަށް ސީދާ ގޮތް ނިންމަން ލިބޭ ފުރުސަތުތައް މަދުވީ" ޖަމީލް ވިދާޅުވިއެވެ.
މީގެ އިތުރަށް އޭނާ ވިދާޅުވީ ވެރިކަމުގައި ހޭދަކުރާ ކޮންމެ އަހަރަކު ރައީސް މުޢިއްޒުގެ އަމިއްލަ މަސްލަޙަތަށްޓަކައި ދުސްތޫރުގައި އިރުއިރުކޮޅާ ފައިންތަޅާ ރައްޔިތުން ނޭވާ ހާސްކުރަން އުޅުމަކީ އިޚްލާސްތެރިކަމެއް ނޫން ކަމަށެވެ.
ޖަމީލު ވިދާޅުވި ގޮތުގައި ކޮންމެ ގޮތެއް ހަދައިގެންވެސް ވެރިކަމުގައި އިތުރަށް ހުރެވޭތޯ ބެލުމަކީ ޚުދުމުޚުތާރުވުމުގެ ސިފައެކެވެ.
މިމޭރުމުން ޖަމީލް ފާޑު ވިދާޅުވެފައިވާއިރު، ސަރުކާރުން މިހާރު ތައްޔާރުވަމުން ދަނީ ކުރިއަށް އޮތް ލޯކަލް ކައުންސިލް އިންތިހާބާއެކު، ދެ އިންތިހާބު އެއްކުރުމާ ގުޅޭ ގޮތުން ރިފަރަންޑަމް ވޯޓެއް ނެގުމަށެވެ. މިކަމަށް އިދިކޮޅު ފަރާތްތަކުން ދަނީ ވަރަށް ބޮޑަށް ފާޑުވިދާޅުވަމުންނެވެ.
ރައީސް ޑރ. މުޙައްމަދު މުޢިއްޒުގެ ސަރުކާރުގެ ސިޔާސަތުތަކަށް ފާޑުވިދާޅުވަމުން ޖަމީލް ވިދާޅުވީ، މި ސަރުކާރަކީ ބިޔަ ބޮޑު ނަތީޖާއެއް ނެރެނުދެވޭ، ނުއުފުލޭވަރުގެ ބޮޑެތި ޚަރަދުތަކާއި ތަކްލީފުތައް ރައްޔިތުންނަށް ޖައްސާފައިވާ ސަރުކާރެއް ކަމަށެވެ. އަދި ދުނިޔެ މިހާރު ދެކެމުންދާ އިގްތިސާދީ ދަތި ހާލަތުގައި، ސަރުކާރުން އިސްކަންދޭންވީ އެކަންކަން ރަނގަޅު ކުރުމަށް ކަމަށްވެސް އޭނާ ވިދާޅުވިއެވެ.
"ދެ އިންތިޚާބު އެއްކޮށްލުމަކީ ބޮޑު ގޯހެއް. ދުސްތޫރީ ފާރަވެރި ނިޒާމު ގަނޑުބަޑުވާނެ. ރައްޔިތުންނަށް ސީދާ ގޮތް ނިންމަން ލިބޭ ފުރުސަތުތައް މަދުވީ" ޖަމީލް ވިދާޅުވިއެވެ.
މީގެ އިތުރަށް އޭނާ ވިދާޅުވީ ވެރިކަމުގައި ހޭދަކުރާ ކޮންމެ އަހަރަކު ރައީސް މުޢިއްޒުގެ އަމިއްލަ މަސްލަޙަތަށްޓަކައި ދުސްތޫރުގައި އިރުއިރުކޮޅާ ފައިންތަޅާ ރައްޔިތުން ނޭވާ ހާސްކުރަން އުޅުމަކީ އިޚްލާސްތެރިކަމެއް ނޫން ކަމަށެވެ.
މިމޭރުމުން ޖަމީލް ފާޑު ވިދާޅުވެފައިވާއިރު، ސަރުކާރުން މިހާރު ތައްޔާރުވަމުން ދަނީ ކުރިއަށް އޮތް ލޯކަލް ކައުންސިލް އިންތިހާބާއެކު، ދެ އިންތިހާބު އެއްކުރުމާ ގުޅޭ ގޮތުން ރިފަރަންޑަމް ވޯޓެއް ނެގުމަށެވެ. މިކަމަށް އިދިކޮޅު ފަރާތްތަކުން ދަނީ ވަރަށް ބޮޑަށް ފާޑުވިދާޅުވަމުންނެވެ.
ކިޔުންތެރިންގެ ހިޔާލު