އިޒްރޭލާއި އެމެރިކާ ގުޅިގެން އިރާނާ ދެކޮޅަށް ފަށާފައިވާ ހަނގުރާމައިގެ ސަބަބުން ރާއްޖޭގެ އިގްތިސާދު ނާޒުކު ހާލަތަކަށް ގޮސްފައިވާ ކަމަށާއި، މި ނުރައްކަލުން ސަލާމަތްވުމަށް ސަރުކާރުގެ އެއްވެސް ރޭވުންތެރިކަމެއް ނެތް ކަމަށް ރައްޔިތުންގެ މަޖިލީހުގެ ހުޅުމާލޭ ދެކުނު ދާއިރާގެ މެންބަރު ޑރ. އަހްމަދު ޝަމްހީދު ވިދާޅުވެއްޖެއެވެ.
ރާއްޖެގެ ޓީވީ ޗެނަލްއެއްގެ ޕްރޮގްރާމެއްގައި ވާހަކަދައްކަވަމުން ޑރ. ޝަމްހީދު ވިދާޅުވީ، މިހާރު ހިނގަމުންދާ ހަނގުރާމަ ކުރިއަށް އޮތް ދެ މަސްދުވަހަށް ދެމިގެން ހިނގައްޖެ ނަމަ، ރާއްޖޭގެ ފަތުރުވެރިކަން 70 އިންސައްތައަށް ދަށްވުމުގެ ބިރު އެބައޮތް ކަމަށެވެ. ނަމަވެސް، މިފަދަ ބޮޑު ނުރައްކަލެއް ކުރިމަތީގައި އޮތްއިރުވެސް ސަރުކާރުގެ ފަރާތުން އެކަމަށް އެކަށީގެންވާ ސީރިއަސް ކަމެއް ނުފެންނަ ކަމަށް އޭނާ ފާހަގަކުރެއްވިއެވެ.
އިގްތިސާދީ ދަތިތަކުން އަރައިގަތުމަށް ސަރުކާރުން ދައްކާ ވާހަކަތަކަށް ފާޑުވިދާޅުވަމުން ޝަމްހީދު ވިދާޅުވީ، ކައުންސިލް އިންތިޚާބު ކާމިޔާބުވުމުން އިގްތިސާދު ރަނގަޅުވާނެ ކަމަށް ބުނުމަކީ ރައްޔިތުންނަށް އޮޅުވާލުން ކަމަށެވެ. އަދި އިތުރު ފްލައިޓްތައް ރާއްޖެއަށް ގެނެސްގެން އިގްތިސާދު ހަމައަކަށް އަޅުވާލެވޭނެ ކަމަށް ބުނުމަކީ މިހާލަތުގައި ދެކޮޅުޖެހޭ ވާހަކައެއް ނޫން ކަމަށްވެސް އޭނާ ވިދާޅުވިއެވެ.
"ދުނިޔޭގައި ހަނގުރާމައެއް ހިނގަމުންދާއިރު އޭގެ ސީރިއަސް ކަމަށް އެޑްރެސް ނުކުރެވޭ. އާއްމުން މި ބައިތިއްބަނީ ހުވަފެނެއްގެ ތެރޭގައި. ކުންފުނިތަކަށް ދޭންޖެހޭ ފައިސާ މިއަދު ދެވޭނެ، މާދަމާ ދެވޭނެ އޭ ބުނެ ވަގުތު ދުއްވާލަނީ،" ޝަމްހީދު ވިދާޅުވިއެވެ.
މީގެ އިތުރުން، ދައުލަތުގެ ދަރަނި ދެއްކުމަށްޓަކައި ރައްޔިތުންގެ ކާބޯތަކެތި ގަންނަން ހުރި ފައިސާ ބޭނުންކުރުމަކީ ބަލައިގަނެވޭނެ ކަމެއް ނޫން ކަމަށް ޝަމްހީދު ވިދާޅުވިއެވެ. އޭނާ ފާހަގަކުރެއްވި ގޮތުގައި ނިމިދިޔަ އަހަރު ރާއްޖެއަށް 800 މިލިއަނަށްވުރެ ގިނަ ޑޮލަރު ވަދެފައިވީ ނަމަވެސް، އެ ފައިސާއަށް ވީގޮތެއް ސަރުކާރަށް ސާފުކޮށްދެވިފައެއް ނުވެއެވެ.
ރާއްޖޭގެ ޔޫޒަބަލް ރިޒާވް ދަށްވަމުންދާ މައްސަލައާއި، ސޮވަރިން ޑިވެލޮޕްމެންޓް ފަންޑަށް ވާނުވާ ސަރުކާރަށް ސާފުކޮށްދެވިފައި ނުވާކަން ފާހަގަކުރައްވައި ޝަމްހީދު ވިދާޅުވީ، ރައީސް ޑރ. މުހައްމަދު މުއިއްޒު ހާމަކުރައްވާ އަދަދުތަކާއި ދައުލަތުގެ ރަސްމީ ތަފާސްހިސާބުތަކާ ދިމާނުވާ ކަމަށެވެ. އެހެންކަމުން، ގައުމުގެ ދަރަނިތައް ދެއްކުމަށާއި އިގްތިސާދީ ހީނަރުކަމުން ސަލާމަތްވުމަށް ސަރުކާރުން އަވަސް އަދި ހަރުދަނާ ފިޔަވަޅުތަކެއް އަޅަންޖެހޭ ކަމަށް ޑރ. ޝަމްހީދު ވަނީ ވިދާޅުވެފައެވެ.
އިގްތިސާދީ ދަތިތަކުން އަރައިގަތުމަށް ސަރުކާރުން ދައްކާ ވާހަކަތަކަށް ފާޑުވިދާޅުވަމުން ޝަމްހީދު ވިދާޅުވީ، ކައުންސިލް އިންތިޚާބު ކާމިޔާބުވުމުން އިގްތިސާދު ރަނގަޅުވާނެ ކަމަށް ބުނުމަކީ ރައްޔިތުންނަށް އޮޅުވާލުން ކަމަށެވެ. އަދި އިތުރު ފްލައިޓްތައް ރާއްޖެއަށް ގެނެސްގެން އިގްތިސާދު ހަމައަކަށް އަޅުވާލެވޭނެ ކަމަށް ބުނުމަކީ މިހާލަތުގައި ދެކޮޅުޖެހޭ ވާހަކައެއް ނޫން ކަމަށްވެސް އޭނާ ވިދާޅުވިއެވެ.
"ދުނިޔޭގައި ހަނގުރާމައެއް ހިނގަމުންދާއިރު އޭގެ ސީރިއަސް ކަމަށް އެޑްރެސް ނުކުރެވޭ. އާއްމުން މި ބައިތިއްބަނީ ހުވަފެނެއްގެ ތެރޭގައި. ކުންފުނިތަކަށް ދޭންޖެހޭ ފައިސާ މިއަދު ދެވޭނެ، މާދަމާ ދެވޭނެ އޭ ބުނެ ވަގުތު ދުއްވާލަނީ،" ޝަމްހީދު ވިދާޅުވިއެވެ.
ރާއްޖޭގެ ޔޫޒަބަލް ރިޒާވް ދަށްވަމުންދާ މައްސަލައާއި، ސޮވަރިން ޑިވެލޮޕްމެންޓް ފަންޑަށް ވާނުވާ ސަރުކާރަށް ސާފުކޮށްދެވިފައި ނުވާކަން ފާހަގަކުރައްވައި ޝަމްހީދު ވިދާޅުވީ، ރައީސް ޑރ. މުހައްމަދު މުއިއްޒު ހާމަކުރައްވާ އަދަދުތަކާއި ދައުލަތުގެ ރަސްމީ ތަފާސްހިސާބުތަކާ ދިމާނުވާ ކަމަށެވެ. އެހެންކަމުން، ގައުމުގެ ދަރަނިތައް ދެއްކުމަށާއި އިގްތިސާދީ ހީނަރުކަމުން ސަލާމަތްވުމަށް ސަރުކާރުން އަވަސް އަދި ހަރުދަނާ ފިޔަވަޅުތަކެއް އަޅަންޖެހޭ ކަމަށް ޑރ. ޝަމްހީދު ވަނީ ވިދާޅުވެފައެވެ.
ކިޔުންތެރިންގެ ހިޔާލު