ރާއްޖޭން ބޭރުގައި މަތީ ތަޢުލީމު ހާސިލުކުރަމުންދާ ދިވެހި ދަރިވަރުންނަށް ފައިސާ ދޫކުރުމުގައި ލަސްތަކެއް ކުރިމަތިވަނީ ޔުނިވަރސިޓީތަކުން ފަހު ވަގުތު އިންވޮއިސް ފޮނުވާތީ ކަމަށް ހަޔަރ އެޑިއުކޭޝަން މިނިސްޓަރ ޑރ. އަލީ ހައިދަރު އަޙުމަދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ، ދަރިވަރުންނަށް ފައިސާ ނުލިބުމުގެ ސަބަބުން ދިރިއުޅުމުގެ ކަންކަމުގައި ބޮޑެތި ދަތިތަކާ ކުރިމަތިލާންޖެހިފައިވާ ކަމުގެ ޝަކުވާތަކާއި، މިނިސްޓްރީއާ މުއާސަލާތު ކުރުމުގައިވެސް ދަރިވަރުންނަށް ހުރަސްތަކެއް ހުރިކަމުގެ ޝަކުވާ އިތުރުވެފައިވާ ދަނޑިވަޅެއްގައެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަމުން މިނިސްޓަރ ވިދާޅުވީ، ދަރިވަރުންނާ ފަސޭހައިން މުއާސަލާތު ކުރެވޭނެ އިންތިޒާމެއް ހަމަޖެއްސުމުގެ ގޮތުން 50 އަށް ވުރެ ގިނަ ދަރިވަރުން ކިޔަވަމުންދާ ޤައުމުތަކަށް ޚާއްސަކޮށްގެން އެންމެ ފުރަތަމަ ވަޓްސްއަޕް ގްރޫޕުތަކެއް ތައާރަފް ކޮށްފައި ވާކަމަށެވެ. އަދި ރައީސް ޑރ. މުޙައްމަދު މުޢިއްޒުގެ ލަފާފުޅުގެ މަތިން، މިހާރު 25 އަށް ވުރެ ގިނަ ދަރިވަރުން ކިޔަވާ ޤައުމުތަކަށް ޚާއްސަކޮށްގެންވެސް މި ގްރޫޕުތައް ހެދުމުގެ މަސައްކަތް ކުރަމުންދާ ކަމަށް މިނިސްޓަރ ވިދާޅުވިއެވެ. މިހާތަނަށް 3 ޤައުމެއް ފިޔަވައި އެހެން ހުރިހާ ޤައުމުތަކެއްގައި މި ނިޒާމު ޤާއިމުކުރެވިފައިވާ ކަމަށްވެސް މިނިސްޓަރ ފާހަގަކުރެއްވިއެވެ.
ފައިސާ ދޫކުރުން ލަސްވާ މައްސަލައަށް އަލިއަޅުއްވާލައްވަމުން މިނިސްޓަރ ވިދާޅުވީ، ފައިސާ ދޫކުރުމުގެ މަރުހަލާގައި ތިން އިދާރާއަކުން ކަންކަން ބަލަންޖެހޭ ކަމަށެވެ.
"ޕޭމަންޓު ޑިލޭތަކެއް އުޅޭ، އެހެން ވަނީ 3 އިދާރާއަކުން ބަލާފައި ފައިސާ ދޫކުރުމުގެ ކަންކަން އަންނަނީ. ބައެއް ފަހަރަށް ޔުނިވަރސިޓީތަކުން އަޅުގަނޑުމެންނަށް އިންވޮއިސް އަންނައިރު އޮންނަނީ ހަފްތާއަކަށްވެފައި ޑެޑްލައިނަށް. އެހެންވީމާ ވާ ގޮތަކީ އެ ޑެޑްލައިން މީޓް ކުރުމުގައި އަޅުގަނޑުމެންނަށް ކޮންމެވެސް ވަރެއްގެ ދަތިތަކެއް ދިމާވޭ، އެއީކަންނޭނގެ އެންމެ ބޮޑަށް ދިމާވާ މައްސަލައަކީ،" މިނިސްޓަރ ވިދާޅުވިއެވެ.
މީގެ އިތުރުން، ދުނިޔޭގެ ބާޒާރުގައި ތަކެތީގެ އަގު އުފުލި ދިރިއުޅުމުގެ ޚަރަދުތައް އިތުރުވަމުންދާތީ، ދަރިވަރުންނަށް ދޭ ސްޓައިޕެންޑް (އިނާޔަތް) ރިވިއު ކުރުމުގެ މަސައްކަތް މިނިސްޓްރީން ކުރަމުންދާނެ ކަމުގެ ޔަގީންކަން މިނިސްޓަރ ވަނީ ދީފައެވެ. ވަކިން ޚާއްސަކޮށް ގިނަ އަދަދެއްގެ ދިވެހި ދަރިވަރުން ކިޔަވަމުންދާ ޤައުމުތަކަށް ބަލައި، އެ މަސައްކަތް ވީހާވެސް އަވަހަށް ނިންމުމަށް އިސްކަންދޭނެ ކަމަށްވެސް މިނިސްޓަރ ޑރ. އަލީ ހައިދަރު ވިދާޅުވިއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަމުން މިނިސްޓަރ ވިދާޅުވީ، ދަރިވަރުންނާ ފަސޭހައިން މުއާސަލާތު ކުރެވޭނެ އިންތިޒާމެއް ހަމަޖެއްސުމުގެ ގޮތުން 50 އަށް ވުރެ ގިނަ ދަރިވަރުން ކިޔަވަމުންދާ ޤައުމުތަކަށް ޚާއްސަކޮށްގެން އެންމެ ފުރަތަމަ ވަޓްސްއަޕް ގްރޫޕުތަކެއް ތައާރަފް ކޮށްފައި ވާކަމަށެވެ. އަދި ރައީސް ޑރ. މުޙައްމަދު މުޢިއްޒުގެ ލަފާފުޅުގެ މަތިން، މިހާރު 25 އަށް ވުރެ ގިނަ ދަރިވަރުން ކިޔަވާ ޤައުމުތަކަށް ޚާއްސަކޮށްގެންވެސް މި ގްރޫޕުތައް ހެދުމުގެ މަސައްކަތް ކުރަމުންދާ ކަމަށް މިނިސްޓަރ ވިދާޅުވިއެވެ. މިހާތަނަށް 3 ޤައުމެއް ފިޔަވައި އެހެން ހުރިހާ ޤައުމުތަކެއްގައި މި ނިޒާމު ޤާއިމުކުރެވިފައިވާ ކަމަށްވެސް މިނިސްޓަރ ފާހަގަކުރެއްވިއެވެ.
ފައިސާ ދޫކުރުން ލަސްވާ މައްސަލައަށް އަލިއަޅުއްވާލައްވަމުން މިނިސްޓަރ ވިދާޅުވީ، ފައިސާ ދޫކުރުމުގެ މަރުހަލާގައި ތިން އިދާރާއަކުން ކަންކަން ބަލަންޖެހޭ ކަމަށެވެ.
މީގެ އިތުރުން، ދުނިޔޭގެ ބާޒާރުގައި ތަކެތީގެ އަގު އުފުލި ދިރިއުޅުމުގެ ޚަރަދުތައް އިތުރުވަމުންދާތީ، ދަރިވަރުންނަށް ދޭ ސްޓައިޕެންޑް (އިނާޔަތް) ރިވިއު ކުރުމުގެ މަސައްކަތް މިނިސްޓްރީން ކުރަމުންދާނެ ކަމުގެ ޔަގީންކަން މިނިސްޓަރ ވަނީ ދީފައެވެ. ވަކިން ޚާއްސަކޮށް ގިނަ އަދަދެއްގެ ދިވެހި ދަރިވަރުން ކިޔަވަމުންދާ ޤައުމުތަކަށް ބަލައި، އެ މަސައްކަތް ވީހާވެސް އަވަހަށް ނިންމުމަށް އިސްކަންދޭނެ ކަމަށްވެސް މިނިސްޓަރ ޑރ. އަލީ ހައިދަރު ވިދާޅުވިއެވެ.
ކިޔުންތެރިންގެ ހިޔާލު