ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އެމަނިކުފާނުގެ އަމިއްލަ އިޚުތިޔާރާއި ޝަޚްޞީ މަޞްލަޙަތަށް އިސްކަންދީގެން ކުރައްވާ ކަންކަމަކީ ރައްޔިތުންގެ ފަރާތުން ކުރާ ކަންކަމުގެ ގޮތުގައި ސިފަނުކުރެވޭނެ ކަމަށް ވިދާޅުވެ، ކުރީގެ އިސްލާމިކް މިނިސްޓަރު ޑރ. އަޙްމަދު ޢަބްދުﷲ ދީދީ ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.
މީސްމީޑިއާ މެދުވެރިކޮށް ޑރ. އަޙްމަދު މިއަދު ކުރެއްވި ޕޯސްޓެއްގައި ވިދާޅުވީ، ރައްޔިތުން ރައީސުލްޖުމްހޫރިއްޔާ އިންތިޚާބުކުރީ އިސްލާމްދީނާއި، ޤާނޫނުއަސާސީއާއި، ޤާނޫނާއި ޤަވާޢިދުތަކުގައި ކަނޑައެޅިފައިވާ ޙުކުމްތަކާއި އުޞޫލުތަކުގެ ޙުދޫދުގެ ތެރޭގައި ވެރިކަންކުރުމަށް ކަމަށެވެ. އަދި އަމިއްލަ އިޚުތިޔާރާއި ޝަޚްޞީ މަޞްލަޙަތަށް އިސްކަންދީގެން ކުރާ ކަންކަމަކީ ރައްޔިތުންގެ ފަރާތުން ކުރާ ކަންކަން ކަމުގައި ސިފަކުރެވޭނެ އެއްވެސް އަސާސެއް ނޯންނާނެ ކަމަށްވެސް އޭނާ ވިދާޅުވިއެވެ.
ބައިނަލްއަޤުވާމީ އަދި ޑިޕްލޮމެޓިކް ގުޅުންތަކާ ގުޅޭގޮތުން ވާހަކަދައްކަވަމުން ޑރ. އަޙްމަދު ވިދާޅުވީ، ދުސްތޫރީ ހަމަތަކުގެ މަތިން މިފަދަ ގުޅުންތައް ހިންގުމުގައި ރައީސް ފެއިލްވެފައި އޮތުމަކީ ދިވެހި ރައްޔިތުންގެ ކުށެއް ނޫން ކަމަށެވެ. އަދި އެކަމަށް ޒިންމާވާންޖެހޭނީ ޚުދު ރައީސުލްޖުމްހޫރިއްޔާއާއި، ބައިނަލްއަޤުވާމީ މައްސަލަތަކުގައި އެމަނިކުފާނަށް މަޝްވަރާ އަރުވަން ތިއްބަވާ ނާޤާބިލު އަދި މުނާފިޤު މަސްއޫލުވެރިން ކަމަށް ޑރ. އަޙްމަދު ތުހުމަތު ކުރެއްވިއެވެ.
"ބައިނަލް އަޤުވާމީ ގުޅުންތަކުގައި އަމިއްލަ ބަސްބުނުމުގެ އިޚުތިޔާރަކީ ފުރިހަމަ މިނިވަންކަމާއި ސިޔާދަތުގެ ވެރި ދައުލަތްތަކަށް ލިބިގެންވާ އެއްޗެއް؛ ސަރަޙައްދީ ބޮޑެތި ބާރުތަކުން ކޮންޓްރޯލްކުރާ ގޮނޑިކޮއްކޮ ތަކަށް ލިބިގެންވާ އިޚުތިޔާރެއް ނޫނެވެ!" ޑރ. އަޙްމަދު ވިދާޅުވެފައިވެއެވެ.
ޑރ. އަޙްމަދު މިހެން ވިދާޅުވެފައިވާއިރު މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ޑރ. މުޢިއްޒު ވިދާޅުވީ، އަރަބި ގައުމުތަކުގައި ހުރި އެމެރިކާގެ އަސްކަރީ މަރުކަޒުތަކަށް އަމާޒުކޮށް އިރާނުން ދެމުން އަންނަ ރައްދު ހަމަލާތަކާ ގުޅިގެން އެ ގައުމުތަކަށް ގުޅައި އެ ގައުމުތަކާއެކު ރާއްޖޭން އޮތްކަން ހާމާކުރަނީ ދިވެހި ރައްޔިތުންގެ ފަރާތުން ކަމަށެވެ.
ނަމަވެސް އެމެރިކާއާއި އިޒްރޭލުން އިސްވެ އީރާނަށް ޙަމަލާ ދެމުން ދާއިރު އެކަން ރައީސް މިއަދުވެސް ކުށްވެރި ކުރަށްވާފައެއް ނުވެއެވެ. ރައްދުގައި އީރާނުން ގެންދަނީ މެދުއިރުމަތީގެ ޤައުމުތަކުގައި ހުރި އިޒްރާއީލާއި، އެމެރިކާގެ އަސްކަރީ މަރުކަޒުތަކަށް ޙަމަލާ ދެމުންނެވެ.
ޑރ. އަޙްމަދު މިފަދަ ބަހުގެ ހަމަލާއެއް ސަރުކާރަށް އަމާޒުކުރައްވާފައި މިވަނީ، ރާއްޖޭގެ ޚާރިޖީ ސިޔާސަތާއި ބައެއް ޤައުމުތަކާ އޮންނަ ގުޅުމާ މެދު ސިޔާސީ މައިދާނުގައި ބަހުސްތަކެއް ކުރެވެމުންދާ ދަނޑިވަޅެއްގައެވެ. މީގެ އިތުރުން، ސަރުކާރުގެ ނިންމުންތަކަކީ ރައްޔިތުންގެ ނިންމުންތަކެއްގެ ގޮތުގައި ދެއްކުމަށް ކުރާ މަސައްކަތްތަކަށްވެސް ޑރ. އަޙްމަދު ވަނީ ފާޑުވިދާޅުވެފައެވެ.
ބައިނަލްއަޤުވާމީ އަދި ޑިޕްލޮމެޓިކް ގުޅުންތަކާ ގުޅޭގޮތުން ވާހަކަދައްކަވަމުން ޑރ. އަޙްމަދު ވިދާޅުވީ، ދުސްތޫރީ ހަމަތަކުގެ މަތިން މިފަދަ ގުޅުންތައް ހިންގުމުގައި ރައީސް ފެއިލްވެފައި އޮތުމަކީ ދިވެހި ރައްޔިތުންގެ ކުށެއް ނޫން ކަމަށެވެ. އަދި އެކަމަށް ޒިންމާވާންޖެހޭނީ ޚުދު ރައީސުލްޖުމްހޫރިއްޔާއާއި، ބައިނަލްއަޤުވާމީ މައްސަލަތަކުގައި އެމަނިކުފާނަށް މަޝްވަރާ އަރުވަން ތިއްބަވާ ނާޤާބިލު އަދި މުނާފިޤު މަސްއޫލުވެރިން ކަމަށް ޑރ. އަޙްމަދު ތުހުމަތު ކުރެއްވިއެވެ.
"ބައިނަލް އަޤުވާމީ ގުޅުންތަކުގައި އަމިއްލަ ބަސްބުނުމުގެ އިޚުތިޔާރަކީ ފުރިހަމަ މިނިވަންކަމާއި ސިޔާދަތުގެ ވެރި ދައުލަތްތަކަށް ލިބިގެންވާ އެއްޗެއް؛ ސަރަޙައްދީ ބޮޑެތި ބާރުތަކުން ކޮންޓްރޯލްކުރާ ގޮނޑިކޮއްކޮ ތަކަށް ލިބިގެންވާ އިޚުތިޔާރެއް ނޫނެވެ!" ޑރ. އަޙްމަދު ވިދާޅުވެފައިވެއެވެ.
ތިއީ ހަމަޖެހޭ ވާހަކައެއް ނޫން؛ ރައްޔިތުން މަނިކުފާނު އިންތިޚާބުކުރީ އިސްލާމްދީނާއި ޤާނޫނުއަސާސީއާއި ޤާނޫނާއި ޤަވާޢިދުތަކުގައި ކަނޑައެޅިފައިވާ ޙުކުމްތަކާއި އުޞޫލުތަކުގެ ޙުދޫދުގެ ތެރޭގއި ވެރިކަންކުރުމަށް؛ އަމިއްލަ އިޚުތިޔާއި ޝަޚްޞީ މަޞްލަޙަތަށް އިސްކަންދީގެން ކުރާ ކަންކަމަކީ… https://t.co/0qrZGorbM9
— Dr. Ahmed Abdulla Didi (@AABDULLADIDI) March 2, 2026
ޑރ. އަޙްމަދު މިހެން ވިދާޅުވެފައިވާއިރު މިއަދު ބޭއްވި ނޫސްވެރިންގެ ބައްދަލުވުމުގައި ރައީސް ޑރ. މުޢިއްޒު ވިދާޅުވީ، އަރަބި ގައުމުތަކުގައި ހުރި އެމެރިކާގެ އަސްކަރީ މަރުކަޒުތަކަށް އަމާޒުކޮށް އިރާނުން ދެމުން އަންނަ ރައްދު ހަމަލާތަކާ ގުޅިގެން އެ ގައުމުތަކަށް ގުޅައި އެ ގައުމުތަކާއެކު ރާއްޖޭން އޮތްކަން ހާމާކުރަނީ ދިވެހި ރައްޔިތުންގެ ފަރާތުން ކަމަށެވެ.
ޑރ. އަޙްމަދު މިފަދަ ބަހުގެ ހަމަލާއެއް ސަރުކާރަށް އަމާޒުކުރައްވާފައި މިވަނީ، ރާއްޖޭގެ ޚާރިޖީ ސިޔާސަތާއި ބައެއް ޤައުމުތަކާ އޮންނަ ގުޅުމާ މެދު ސިޔާސީ މައިދާނުގައި ބަހުސްތަކެއް ކުރެވެމުންދާ ދަނޑިވަޅެއްގައެވެ. މީގެ އިތުރުން، ސަރުކާރުގެ ނިންމުންތަކަކީ ރައްޔިތުންގެ ނިންމުންތަކެއްގެ ގޮތުގައި ދެއްކުމަށް ކުރާ މަސައްކަތްތަކަށްވެސް ޑރ. އަޙްމަދު ވަނީ ފާޑުވިދާޅުވެފައެވެ.
ކިޔުންތެރިންގެ ހިޔާލު