މިއަހަރަކީ ރާއްޖޭގެ ތާރީޚުގައިވެސް އެންމެ ގިނަ އަދަދަކަށް ޙާފިޡުން ދަސްވެނިވާނެ އަހަރު ކަމަށް ރޭ ޙާފިޡުންގެ ދަސްވެނިވުމުގެ ރަސްމިއްޔާތުގައި ވާހަކަފުޅު ދައްކަވަމުން އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ. އެގޮތުން ރޭ ޖުމްލަ 31 ޙާފިޡުން ދަސްވެނިވި ކަމަށް ވަޒީރު ފާހަގަކުރެއްވިއެވެ.
މިއީ ރާއްޖޭގައި ބޭއްވޭ އެންމެ އުފާވެރި އަދި ޝަރަފްވެރި އެއް ޙަފްލާކަން ފާހަގަކުރައްވައި، ވަޒީރު ވަނީ ކީރިތި ޤުރުއާނުގެ ޢިލްމު ފެތުރުއްވުމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވާ އިސްކަމަށް ޝުކުރު އަދާކުރައްވާފައެވެ.
ވަޒީރުގެ ވާހަކަފުޅުގައި ފާހަގަކުރެއްވި ގޮތުގައި، ފާއިތުވި ދެ އަހަރުގެ ތެރޭގައި ސަރުކާރުން ވަނީ ޤުރުއާނުގެ ދާއިރާއިން ބޮޑެތި ކުރިއެރުންތަކެއް ހޯދާފައެވެ.
އެގޮތުން ކީރިތި ޤުރުއާން ކިޔެވުމުގެ ޤައުމީ މުބާރާތުގެ އިނާމުތައް މަތިކުރެއްވުމާއި، ޙާފިޡުންނަށް ދެވޭ އެލަވަންސް ދެގުނައަށް ބޮޑުކުރެއްވުން ހިމެނެއެވެ. މީގެ އިތުރުން، 2025 ވަނަ އަހަރުގެ ތެރޭގައި އެކަނިވެސް ޤުރުއާނުގެ ޢިލްމު ފެތުރުއްވުމަށްޓަކައި 19 މިލިއަނަށްވުރެ ގިނަ ރުފިޔާ ޚަރަދުކޮށްފައިވާކަން ވަޒީރު ހާމަކުރެއްވިއެވެ.
ރާއްޖޭގައި މިހާރު ތިބި ޙާފިޡުންގެ ޖުމްލަ އަދަދު 301 އަށް އަރާފައިވާއިރު، ސަރުކާރުގެ އަމާޒަކީ ކުރިއަށް އޮތް 5 އަހަރުގެ ތެރޭގައި މި އަދަދު 500 އަށް އިތުރުކުރުމެވެ.
އަދި މިނިސްޓްރީގެ ދުރު ރާސްތާ އަމާޒަކީ އާބާދީގެ ނިސްބަތުން ދުނިޔޭގެ އެންމެ ގިނަ ޙާފިޡުން ތިބި ޤައުމަކަށް ދިވެހިރާއްޖެ ހެދުން ކަމަށްވެސް ވަޒީރު ވިދާޅުވިއެވެ. މި މަޤްޞަދު ޙާޞިލްކުރުމަށްޓަކައި ރާއްޖޭގެ މީހުން ދިރިއުޅޭ ކޮންމެ ރަށެއްގައި ޤުރުއާނާ ބެހޭ މަރުކަޒުގެ ގޮފިތައް އުފެއްދުމުގެ މަސައްކަތް ބާރުމިނުގައި ކުރިއަށްދާކަން އެމަނިކުފާނު ފާހަގަކުރެއްވިއެވެ.
މުސްތަޤްބަލުގެ ޖީލުތަކަށް އިސްލާމީ ރިސާލަތު ފޯރުކޮށްދިނުމަށްޓަކައި ޒުވާން ޙާފިޡުންނާއި އިމާމުން ބިނާކުރުމުގެ މުހިއްމުކަމުގެ މައްޗަށް އަލިއަޅުއްވާލައްވަމުން ވަޒީރު ވިދާޅުވީ، މިހާރުވެސް ރާއްޖޭގައި 1873 ދަރިވަރުން ޤުރުއާން ހިތުދަސްކުރަމުންދާ ކަމަށެވެ.
މީގެ ތެރެއިން އެންމެ ގިނަ ދަރިވަރުން ޙިފްޡު ކުރަމުންދަނީ ކީރިތި ޤުރުއާނާ ބެހޭ ޤައުމީ މަރުކަޒުގައެވެ. ވަޒީރު ވިދާޅުވީ 2026 ވަނަ އަހަރުގެ ނިޔަލަށް އިތުރު 50 ގޮފި އުފެއްދުމަށް މަސައްކަތް ކުރަމުންދާ ކަމަށާއި، އޭގެ ތެރެއިން ގިނަ ގޮފިތަކެއް ރަޖިސްޓްރީ ކުރުމުގެ މަރުޙަލާގައިވާ ކަމަށެވެ.
ވަޒީރުގެ ވާހަކަފުޅުގައި ފާހަގަކުރެއްވި ގޮތުގައި، ފާއިތުވި ދެ އަހަރުގެ ތެރޭގައި ސަރުކާރުން ވަނީ ޤުރުއާނުގެ ދާއިރާއިން ބޮޑެތި ކުރިއެރުންތަކެއް ހޯދާފައެވެ.
އެގޮތުން ކީރިތި ޤުރުއާން ކިޔެވުމުގެ ޤައުމީ މުބާރާތުގެ އިނާމުތައް މަތިކުރެއްވުމާއި، ޙާފިޡުންނަށް ދެވޭ އެލަވަންސް ދެގުނައަށް ބޮޑުކުރެއްވުން ހިމެނެއެވެ. މީގެ އިތުރުން، 2025 ވަނަ އަހަރުގެ ތެރޭގައި އެކަނިވެސް ޤުރުއާނުގެ ޢިލްމު ފެތުރުއްވުމަށްޓަކައި 19 މިލިއަނަށްވުރެ ގިނަ ރުފިޔާ ޚަރަދުކޮށްފައިވާކަން ވަޒީރު ހާމަކުރެއްވިއެވެ.
ރާއްޖޭގައި މިހާރު ތިބި ޙާފިޡުންގެ ޖުމްލަ އަދަދު 301 އަށް އަރާފައިވާއިރު، ސަރުކާރުގެ އަމާޒަކީ ކުރިއަށް އޮތް 5 އަހަރުގެ ތެރޭގައި މި އަދަދު 500 އަށް އިތުރުކުރުމެވެ.
އަދި މިނިސްޓްރީގެ ދުރު ރާސްތާ އަމާޒަކީ އާބާދީގެ ނިސްބަތުން ދުނިޔޭގެ އެންމެ ގިނަ ޙާފިޡުން ތިބި ޤައުމަކަށް ދިވެހިރާއްޖެ ހެދުން ކަމަށްވެސް ވަޒީރު ވިދާޅުވިއެވެ. މި މަޤްޞަދު ޙާޞިލްކުރުމަށްޓަކައި ރާއްޖޭގެ މީހުން ދިރިއުޅޭ ކޮންމެ ރަށެއްގައި ޤުރުއާނާ ބެހޭ މަރުކަޒުގެ ގޮފިތައް އުފެއްދުމުގެ މަސައްކަތް ބާރުމިނުގައި ކުރިއަށްދާކަން އެމަނިކުފާނު ފާހަގަކުރެއްވިއެވެ.
މީގެ ތެރެއިން އެންމެ ގިނަ ދަރިވަރުން ޙިފްޡު ކުރަމުންދަނީ ކީރިތި ޤުރުއާނާ ބެހޭ ޤައުމީ މަރުކަޒުގައެވެ. ވަޒީރު ވިދާޅުވީ 2026 ވަނަ އަހަރުގެ ނިޔަލަށް އިތުރު 50 ގޮފި އުފެއްދުމަށް މަސައްކަތް ކުރަމުންދާ ކަމަށާއި، އޭގެ ތެރެއިން ގިނަ ގޮފިތަކެއް ރަޖިސްޓްރީ ކުރުމުގެ މަރުޙަލާގައިވާ ކަމަށެވެ.
ކިޔުންތެރިންގެ ހިޔާލު