އަރާމު ނިންޖަކީ އިންސާނާގެ ދުޅަހެޔޮކަމަށް ކޮންމެހެން ބޭނުންތެރި ކަމެކެވެ. ނަމަވެސް، ގިނަ މީހުންނަކީ ބިރުގަންނާތީ ނުވަތަ އާދަވެގެން ކޮޓަރީގެ ބޮކި ދިއްލައިގެން ނިދާ މީހުންނެވެ. އަލިގަދަ ތަނެއްގައި ނިދުމަކީ ހަށިގަނޑުގެ ގުދުރަތީ ނިޒާމަށް ބޮޑެތި ގެއްލުންތަކެއް ލިބިދާނެ ކަމެކެވެ.
ލައިޓު ޖައްސައިގެން ނިދުމުން އެންމެ ބޮޑު އަސަރެއް ކުރަނީ ހަށިގަނޑުން އުފައްދާ 'މެލަޓޮނިން' ހޯރމޯނަށެވެ. މިއީ އަނދިރިވުމުން ހަށިގަނޑުން އުފައްދާ، ނިދި އައުމަށް އެހީތެރިވެދޭ ހޯރމޯންއެކެވެ. ކޮޓަރީގައި އަލި ހުރުމުގެ ސަބަބުން ސިކުނޑިއަށް ރޭގަނޑުވިކަން އިހުސާސް ނުކުރެވި، މެލަޓޮނިން އުފެއްދުން މަދުވެގެންދެއެވެ. މީގެ ސަބަބުން ހަށިގަނޑުގެ ގުދުރަތީ ގަޑި ނުވަތަ 'ސާކޭޑިއަން ރިދަމް' އަށް ބުރޫއަރައި، ނިދީގެ ފެންވަރު ދަށްވެއެވެ.
ސިއްހީ ގޮތުން ބަލާއިރު، އަލީގައި ނިދުމަކީ ސީރިއަސް ބަލިތަކަށް މަގުފަހިވާ ކަމެކެވެ. އޭގެ ތެރޭގައި ހަށިގަނޑު މާބޮޑަށް ފަލަވުމާއި ލޭގެ ޕްރެޝަރު މަތިވުން ހިމެނެއެވެ. ހަމައެހެންމެ، ހަށިގަނޑުގެ އިންސިއުލިން ރެސިސްޓެންސްއަށް ބަދަލު އައުމުގެ ސަބަބުން ޓައިޕް-2 ހަކުރު ބަލީގެ ނުރައްކާ އިތުރުވެއެވެ. މީގެ އިތުރުން، ހިތުގެ ބަލިތަކަށް ހުށަހެޅުމުގެ ފުރުސަތު ބޮޑުވާކަންވެސް ދިރާސާތަކުން ވަނީ ސާބިތުވެފައެވެ.
ނަފްސާނީ ދުޅަހެޔޮކަމަށް ބަލާއިރު، ނިދި ފުރިހަމަ ނުވުމުގެ ސަބަބުން މީހާގެ މޫޑަށް ބަދަލު އާދެއެވެ. ފަސޭހައިން ރުޅިއައުމާއި، ކަންކަމަށް ސަމާލުކަން ދިނުން ކުޑަވުމާއި، އަދި ދާއިމީކޮށް މިގޮތަށް ނިދާނަމަ ޑިޕްރެޝަން ފަދަ ނަފްސާނީ ބަލިތަކުގެ ނުރައްކާ ބޮޑުވެއެވެ. އަލި ހުރުމުގެ ސަބަބުން ނިދީގެ އެންމެ ފުން މަރުހަލާ ނުވަތަ 'އާރު.އީ.އެމް' ސްލީޕަށް ދިއުމަށް ހުރަސްއެޅި، ހެނދުނު ހޭލާއިރު ވަރުބަލިކަން އިހުސާސް ކުރެވެއެވެ.
ކުޑަކުދިންނަށް ބަލާއިރު، ލައިޓު ޖައްސައިގެން ނިދުމަކީ އެކުދިންގެ ލޮލުގެ ފެނުމަށް ނޭދެވޭ އަސަރުކޮށް، ކައިރިން ނުފެންނަ ބަލި ނުވަތަ 'މައިއޯޕިއާ' މެދުވެރިވެދާނެ ކަމެކެވެ. އަދި އެކުދިންގެ ހަށިގަނޑު ހެދިބޮޑުވުމަށް ބޭނުންވާ މުހިންމު ހޯރމޯންތައް އުފެއްދުމަށްވެސް މީގެ ސަބަބުން ހުރަސްއެޅެއެވެ.
މިކަންކަމުން ސަލާމަތްވުމަށްޓަކައި، މާހިރުން ލަފާދެނީ މުޅިން އަނދިރި ކޮޓަރިއެއްގައި ނިދުމަށެވެ. ކޮންމެހެން އަލި ބޭނުންވާނަމަ، ވަރަށް ފަނޑު ރަތްކުލައެއްގެ ނައިޓް ލައިޓެއް ބޭނުންކުރެވިދާނެއެވެ. ސަބަބަކީ ރަތްކުލައިގެ އަލީގެ ސަބަބުން މެލަޓޮނިންއަށް ކުރާ އަސަރު ކުޑަވުމެވެ. އަދި ނިދުމުގެ އެއް ގަޑިއިރު ކުރިން ފޯނާއި، ޓީވީ އަދި ލެޕްޓޮޕް ފަދަ 'ބްލޫ ލައިޓް' ނުވަތަ ނޫއަލި ނިކުންނަ ތަކެއްޗާ ދުރުހެލިވުމަކީ ދުޅަހެޔޮ ނިންޖަކަށް ނުހަނު ބޭނުންތެރި ކަމެކެވެ.
ސިއްހީ ގޮތުން ބަލާއިރު، އަލީގައި ނިދުމަކީ ސީރިއަސް ބަލިތަކަށް މަގުފަހިވާ ކަމެކެވެ. އޭގެ ތެރޭގައި ހަށިގަނޑު މާބޮޑަށް ފަލަވުމާއި ލޭގެ ޕްރެޝަރު މަތިވުން ހިމެނެއެވެ. ހަމައެހެންމެ، ހަށިގަނޑުގެ އިންސިއުލިން ރެސިސްޓެންސްއަށް ބަދަލު އައުމުގެ ސަބަބުން ޓައިޕް-2 ހަކުރު ބަލީގެ ނުރައްކާ އިތުރުވެއެވެ. މީގެ އިތުރުން، ހިތުގެ ބަލިތަކަށް ހުށަހެޅުމުގެ ފުރުސަތު ބޮޑުވާކަންވެސް ދިރާސާތަކުން ވަނީ ސާބިތުވެފައެވެ.
ނަފްސާނީ ދުޅަހެޔޮކަމަށް ބަލާއިރު، ނިދި ފުރިހަމަ ނުވުމުގެ ސަބަބުން މީހާގެ މޫޑަށް ބަދަލު އާދެއެވެ. ފަސޭހައިން ރުޅިއައުމާއި، ކަންކަމަށް ސަމާލުކަން ދިނުން ކުޑަވުމާއި، އަދި ދާއިމީކޮށް މިގޮތަށް ނިދާނަމަ ޑިޕްރެޝަން ފަދަ ނަފްސާނީ ބަލިތަކުގެ ނުރައްކާ ބޮޑުވެއެވެ. އަލި ހުރުމުގެ ސަބަބުން ނިދީގެ އެންމެ ފުން މަރުހަލާ ނުވަތަ 'އާރު.އީ.އެމް' ސްލީޕަށް ދިއުމަށް ހުރަސްއެޅި، ހެނދުނު ހޭލާއިރު ވަރުބަލިކަން އިހުސާސް ކުރެވެއެވެ.
މިކަންކަމުން ސަލާމަތްވުމަށްޓަކައި، މާހިރުން ލަފާދެނީ މުޅިން އަނދިރި ކޮޓަރިއެއްގައި ނިދުމަށެވެ. ކޮންމެހެން އަލި ބޭނުންވާނަމަ، ވަރަށް ފަނޑު ރަތްކުލައެއްގެ ނައިޓް ލައިޓެއް ބޭނުންކުރެވިދާނެއެވެ. ސަބަބަކީ ރަތްކުލައިގެ އަލީގެ ސަބަބުން މެލަޓޮނިންއަށް ކުރާ އަސަރު ކުޑަވުމެވެ. އަދި ނިދުމުގެ އެއް ގަޑިއިރު ކުރިން ފޯނާއި، ޓީވީ އަދި ލެޕްޓޮޕް ފަދަ 'ބްލޫ ލައިޓް' ނުވަތަ ނޫއަލި ނިކުންނަ ތަކެއްޗާ ދުރުހެލިވުމަކީ ދުޅަހެޔޮ ނިންޖަކަށް ނުހަނު ބޭނުންތެރި ކަމެކެވެ.
ކިޔުންތެރިންގެ ހިޔާލު