އަޅުގަނޑުމެންގެ އެންމެ ބޮޑު ބާރަކީ އަޅުގަނޑުމެންގެ މެދުގައި އޮތް ބަދަހި ގުޅުންކަން މުޅި ދުނިޔެއަށް ސާބިތުކޮށްދިނުން ކަމަށް އިދިކޮޅު އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.

ޝާހިދު މިހެން ވިދާޅުވީ މިއަދު ފާހަގަ ކުރާ ގައުމީ އެއްބައިވަންތަކަމުގެ ދުވަހުގެ މުނާސަބަތުގައި މީސް މީޑިއާގެ "އެކްސް"ގައި ކުރެއްވި ޕޯސްޓެއްގައެވެ.

ޝާހިދު ވިދާޅުވީ 2004 ވަނަ އަހަރު ކުރިމަތިވި ސުނާމީ ކާރިސާގައި އަޅުގަނޑުމެންނާ ވަކިވެދިޔަ ލޮބުވެތި އަޚުންނާއި އުޚުތުންގެ ހަނދާންތައް އައުކޮށް، އެ ޢާއިލާތަކަށް ކުރިމަތިވެފައިވާ ހިތާމައިގައި އަޅުގަނޑުމެން އެންމެން ބައިވެރިވާކަމަށެވެ. ހަމައެއާއެކު، ދިވެހި ރައްޔިތުންގެ ނުގުޑާފަދަ ހިތްވަރާއި ސާބިތުކަންވެސް މިއަދު އަޅުގަނޑުމެން ހަނދާންކުރާކަމަށް ޝާހިދު ވިދާޅުވެފައި ވެމެވެ.

On this day of unity, we honour the lives we lost in the 2004 tsunami and hold close the families who still carry that grief. We also remember the unbreakable spirit of the Maldivian people.

When disaster struck, Maldivians did what we have always done. We stood together. We…

— Abdulla Shahid (@abdulla_shahid) December 26, 2025

"އެ ބިރުވެރި ކާރިސާ ކުރިމަތިވި ވަގުތު، ދިވެހިން ދެއްކީ އަބަދުވެސް ދިވެހިންގެ ކިބައިން ފެންނަ ނަމޫނާ. އަޅުގަނޑުމެން އެކަކު އަނެކަކަށް އެހީތެރިވެ، އަވަށްޓެރިންނަށް އަތްގާތްކޮށްދީ، ގޭގެއިން ފުރުޞަތު ދީ، ރަށްތައް އަލުން އާރބާދުކުރީ. އަދި އަޅުގަނޑުމެންގެ އެންމެ ބޮޑު ބާރަކީ އަޅުގަނޑުމެންގެ މެދުގައި އޮތް ބަދަހި ގުޅުންކަން މުޅި ދުނިޔެއަށް ސާބިތުކޮށްދިނުން." ޝާހިދު ވިދާޅުވިއެވެ.

ޝާހިދު އިތުރަށް ވިދާޅުވީ އަޅުގަނޑުމެންގެ ވެރިކަން ހިންގުމުގައްޔާއި، ޚިދުމަތްކުރުމުގައްޔާއި، އަދި އެކަކު އަނެކަކަށް އަޅާލުމުގައި، މި ދެންނެވި އެއްބައިވަންތަކަން އިސްކުރުމަށް މިއަދު އަޒުމް ކަޑައަޅަން ޖެހޭނެ ކަމަށެވެ.