އެންމެ ގިނައިން ދަތުރުކުރައްވާ ކަސްޓަމަރުންނަށް ސަޅި ރައިޑް ޓެކްސީ ހިތުމަތުން ހާއްސަ އޮފަރ އެއް ފަށައިފިއެވެ.

އެންމެ ގިނައިން ދަތުރު ކުރާ 4 ކަސްޓަމަރުންނަށް ހާއްސަކޮށް ކުރިއަށްދާ މި އޮފަރގެ ދަށުން އެކަސްޓަމަރުން ބޭނުންވާ ގަޑިތަކުގައި ޓެކްސީ ޚިދުމަތް ގެރެންޓީ ކަމާއިއެކު ލިބޭނެއެވެ.

މި އޮފަރ ގެ ދަށުން ވާރޭ ވެހުނަސް، ފެންބޮޑުވިޔަސް ގެރެންޓީ ކަމާއެކު ޚިދުމަތް ލިބޭނެއެވެ. އެގޮތުން ވަކި ހާއްސަ ޑްރައިވަރަކު ޚިދުމަތް ދިނުމަށް ކަނޑައަޅައި، ޑްރައިވަރަށް ގުޅުމަށް ހާއްސަ ނަމްބަރެއްވެސް ލިބޭނެއެވެ.

މި އޮފަރ ގެ ދަށުން އެންމެ ގިނައިން ދަތުރު ކުރާ ކަސްޓަމަރުން ހޮވަން ހަމަޖެހިފައިވަނީ 1 ޑިސެމްބަރުން 31 ޑިސެމްބަރުގެ ނިޔަލަށް ކުރާ ދަތުރުތަކަށް ބަލާފައެވެ. އެގޮތުން އެންމެ ގިނައިން ދަތުރު ކުރާ ކަސްޓަމަރުން ހޮވައި ސީދާ ކަސްޓަމަރަށް އެސްއެމްއެސް މެދުވެރިކޮށް އަންގާނެކަމަށް ސަޅި ރައިޑް އިން ހާމަކޮށްފައިވެއެވެ.

ސަޅި ރައިޑް އިން ދަތުރުގެ ޚިދުމަތްތައް ހޯދުމަށް ސަޅި ރައިޑް އެޕް މެދުވެރިކޮށް ފަސޭހަކަމާއެކު ބޭނުންވާ ގަޑިއެއްގައި ބޭނުންވާ ތަނަކަށް ދަތުރު ހަމަޖައްސާލެވޭނެއެވެ.