މޫސުން ގޯސްވެ އުތުރުގެ ސަރަހައްދުތަކަށް މިރޭ ބޯކޮށް ވާރޭ ވެހޭނެކަމަށް ލަފާކޮށް މެޓް އޮފީހުން ރީނދޫ ސަމާލު ނެރެފިއެވެ.

މޫސުމާއި ބެހޭ ގައުމީ އިދާރާއިން ވަނީ ހއ. އަތޮޅުން ފެށިގެން ފ. އަތޮޅާ ހަމައަށް ރީނދޫ ސަމާލު ނެރެފައެވެ. އެގޮތުން މިރޭ 22:30 އިން ފެށިގެން މެންދަމު 02:30 ގެ ނިޔަލަށް ބޯކޮށް ވާރޭ ވެހި ގުގުރާނެ ކަމަށް މެޓުން ވަނީ ލަފާކޮށްފައެވެ.

އަދި ގަޑިއަކު 25 މޭލާއި 30 މޭލާއި ދެމެދުގެ ބާރުމިނުގައި ވައިޖެހި، ވިލާގަނޑުގައި ގަޑިއަކު 55 މޭލަށް ވައި ގަދަވެ، ކަނޑުތައް ވަރަށް ގަދަވާނެ ކަމަށް ވެސް މެޓުން ވަނީ ލަފާކޮށްފައެވެ.

Yellow alert issued for strong winds and very rough seas pic.twitter.com/0cRxBjyWGv

— Maldives Meteorology (@MetMaldives) May 22, 2024

މޫސުން ގޯސްވާނެކަމަށް ލަފާކޮށް ރާއްޖޭގެ އެކި ސަރަހައްދުތަކަށް މިއަދު ހެނދުނާއި މެންދުރުފަހު އަދި މިރޭވެސް ވަނީ ރީނދޫ ސަމާލާއި އޮރެންޖު ސަމާލު ނެރެފައެވެ.