ކުރީގެ ސަރުކާރުންވެސް ފަހުވަގުތު ފްލެޓްތައް ދޫކުރުމުން، ޢާންމުން ޝަކުވާކޮށް މުޒާހަރާ ކުރި ކަމަށް އެމްޑީޕީގެ އިސް ސަފުގައި ކުރިން ހަރާކަތްތެރިވެވަޑައިގެންނެވި އިޤްތިޞާދީ މާހިރެއް ކަމުގައިވާ މުޙައްމަދު ނަސީމް (ނަފާ ނަސީމް) ވިދާޅުވެއްޖެއެވެ.

ނަސީމް މިފަދައިން ވިދާޅުވެފައިވަނީ މި ސަރުކާރުގެ ގެދޮރުވެރިޔާ ސްކީމްގެ ދަށުން ދޫކުރާ ފްލެޓްތަކުގެ ތެރެއިން ފުރަތަމަ 4000 ފްލެޓް ދޫކުރާ ގޮތާއި މެދު ޢާންމުން ޝަކުވާ ކުރަމުންދާ ދިއުމަށް އިޝާރަތް ކުރައްވައެވެ. އޭނާ ވިދާޅުވީ ކުރީ ސަރުކާރުން އިމާރާތްކުރުވި ހިޔާ ފްލެޓްތައް ދޫކުރިގޮތާއި ދޭތެރޭގައިވެސް އާންމުންގެ ގިނަ ބަޔަކު ޝަކުވާކޮށްފައިވާ ކަމަށެވެ. އަދި މިހާރުގެ ސަރުކާރުން އެ ފްލެޓްތަކަށް އެދި ހުށަހަޅާފައިވާ ފޯމްތައް އަލުން އިވޭލުއޭޓްކުރި ކަންވެސް ނަސީމް ހަނދާން ކޮށްދެއްވާފައި ވެއެވެ.

މިދިޔަ ސަރުކާރުން ވެސް ލާސްޓް މިނިޓް ފުލެޓުތަކެއް ބެހި. ކަންތައްވީ ހަމަމިއަދު މިވާހެން. ޝަކުވާ ކޮށް މުޒާހުރާކުރީ. އައު ސަރުކާރުން ފޯމުތައް އަލުން އިވަލުއޭޓްކުރީ. ހިތާމަޔަކީ ކުރިއެރުމެއް ނެތި ކަންކަން ފަހަތަށް ދާތީ. މީ ވަކިސަރުކާރެއްގެ މައްސަލައެއް ނޫން. މީހުންގެ ނުބައިކަން! ދީ?

— NafaNaseem (@monasibnaseem) November 8, 2023

މިސަރުކާރުން ހިންގާ ބޯހިޔާވަހިކަމުގެ މަޝްރޫއުގެ ދަށުން ފުރަތަމަ ނިމޭ 4000 ފްލެޓް ލިބޭ މީހުން އިޢުލާން ކުރުމުން އެލިސްޓާއިމެދު ހިތްހަމަ ނުޖެހިގެން ބައެއް ފަރާތްތަކުން ވަނީ ޝަކުވާކޮށްފައެވެ. އެހެންކަމުން، އޭސީސީން ވެސް ވަނީ އެމައްސަލަ ބަލަން ފަށާފައެވެ.