ކަރަންޓު ކެނޑިފައިވާ ހިޔާ ފްލެޓްގެ ބައެއް ޓަވަރުތަކަށް ކަރަންޓު ދީފައިވާ ކަމަށް ސްޓެލްކޯއިން ބުނެފިއެެވެ.

ހިޔާގެ އެޗް އެކަކުން އެޗް އަށަކާއި ދެމެދުގެ ޓަވަރުތަކުން މިއަދު ހަވީރު 05:30 އެހާކަންހާއިރު ކަރަންޓު ވަނީ ކެނޑިފައެވެ. އެ ޓަވަރުތަކަށް ކަރަންޓް ދެވިފައިވަނީ މިރޭ 09:30 އެހާކަންހާއިރުއެެވެ. ސްޓެލްކޯއިން ބުނީ ކަރަންޓު ދެވުނީ ވަގުތީ އާރުއެމް ޔުނިޓެއް ބަހައްޓައި ސްޓެލްކޯގެ މުވައްޒަފުން ކެނޑިނޭޅި ކުރި ބުރަ މަސައްކަތުން ކަމަށެވެ.

"ހިޔާގެ ކަރަންޓުގެ ހިދުމަތް މެދުކެނޑުނު ހުރިހާ ޓަވަރަކަށް މިހާރު ވަނީ އަލުން ކަރަންޓު ދެވިފައި. ދިމާވި ދަތިތަކަށް މާފަށް އެދެން." ސްޓެލްކޯއިން ބުންޏެވެެ.

ސްޓެލްކޯއިންއިން ބުނީ ހިޔާގެ ބައެއް ޓަވަރުތަކުން ކަރަންޓުގެ ހިދުމަތް މެދުކެނޑުނީ ހިޔާގެ ފުރަތަމަ ޓަވަރުގެ ސަބްސްޓޭޝަންގެ ސްވިޗްގިއަރގެ ބަސްބާ ޝޯޓުވުމާއި ގުޅިގެން ކަމަށެވެ.