ބައިނަލްއަގްވާމީގޮތުން ފާހަގަކުރާ ކޮމަންވެލްތު ދުވަހުގެ ތަހުނިޔާ ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ފޮނުއްވައިފިއެވެ.

ކޮމަންވެލްތުގެ ދުވަހަކީ ކޮންމެ އަހަރެއްގެވެސް މާޗުމަހުގެ 13 ވަނަ ދުވަހެވެ.

ކޮމަންވެލްތު ދުވަހުގެ މުނާސަބާތުގައި ރައީސުލްޖުމްހުރިއްޔާ އިބްރާހީމް މުހައްމަދު ޞާލިހު ކުރެއްވި ޓްވީޓެއްގައި ވަނީ ކޮމަންވެލްތުގެ އިސް ލީޑަރު އިނގިރޭސި ރަސްގެފާނު ކިންގ ޗާލްސް އާއި ކޮމަންވެލްތުގެ ގައުމުތަކުގެ ސަރުކާރުތަކަށާއި ރައްޔިތުންނަށް ދުވަހުގެ ތަހުނިޔާ ފޮނުއްވާފައެވެ.

ރައީސް ވިދާޅުވީ ކޮމަންވެލްތުގެ އުސޫލުތައް ހިފެހެއްޓުމާއެކު، އަމާން މުސްތަގުބަލަކަށް މަސައްކަތްކުރުމުގައި ދިވެހިރާއްޖެ ދެމިއޮންނާނެކަމަށެވެ.

On #CommonwealthDay, I convey best wishes from the Maldivian people to HM King Charles III, @commonwealthsec, governments and people of the Commonwealth. Maldives remains committed to upholding our shared values and contribute towards a sustainable and peaceful common future.

— Ibrahim Mohamed Solih (@ibusolih) March 13, 2023

ރައީސް ޔާމީންގެ ވެރިކަމުގައި 2016 ވަނަ އަހަރުގެ އޮކްޓޯބަރުމަހުގެ 13 ވަނަ ދުވަހު ރާއްޖެއިން ވަނީ ކޮމަންވެލްތުން ވަކިވެފައެވެ. ނަމަވެސް ރައީސް ސާލިހުގެ ވެރިކަމުގައި އަލުން ކޮމަންވެލްތާއި ގުޅެން ނިންމިއެވެ. ކޮމަންވެލްތުގެ މެމްބަރަކަށް ރާއްޖެ އަލުން ހަމަޖެހިގެން ދިޔައީ 2020 ވަނަ އަހަރުގެ ފެބްރުއަރީމަހުއެވެ.