މިއަހަރު އޮންނަ ރިޔާސީ އިންތިޚާބުގެ މައި މަރުކަޒުގެ ގޮތުގައި ދަރުބާރުގެ ހަމަޖައްސައިފިއެވެ.

އިލެކްޝަންސް ކޮމިޝަނުގެ ނާއިބު ރައީސް އިސްމާއިލް ހަބީބު ވިދާޅުވީ ރިޔާސީ އިންތިޚާބުގެ ކަންކަން ހަމަޖެއްސުމަށް މައިމަރުކަޒުގެ ގޮތުގައި ދަރުބާރުގެ ހަމަޖައްސަވައިދެއްވީ މިނިސްޓްރީ އޮފް ނޭޝަނަލް ޕްލޭނިންގ ހައުސިންގ އެންޑް އިންފްރާސްޓްރަކްޗަރއިންކަމަށެވެ.

ރިޔާސީ އިންތިޚާބު 2023 ގެ "އިންތިޚާބީ މައިމަރުކަޒު"ގެ ގޮތުގައި ބޭނުންކުރުމަށް، ދަރުބާރުގެ އީސީ އަށް ދޫކޮށް ދެއްވާގޮތަށް، ޕްލޭނިންގ މިނިސްޓްރީ އިން ހަމަޖައްސަވައި ދެއްވައިފި. @ElectionsMv @mvpeoplesmajlis @presidencymv @MoNPImv @FuwadThowfeek

— Ismail Habeeb (@IsmailHabeeb) March 1, 2023

މީޑިއާއަށް މައުލޫމާތު ދެއްވަމުން ހަބީބު ވިދާޅުވީ އަންނަ އޭޕްރީލް މަހުގެ 25 ވަނަ ދުވަހު ދަރުބާރުގެ ބޭނުންކުރަން ފެށުމަށް ނިންމާފައިވާކަމަށެވެ.

އިލެކްޝަންސް ކޮމިޝަނުން އިންތިޚާބުގެ މައިމަރުކަޒުގެ ގޮތުގައި އެންމެފަހުން ބޭނުންކޮށްފައިވަނީ ބާޖަމާލުއްދީން ސްކޫލް ޢިމާރާތެވެ. ނަމަވެސް އެތަނުގައި ޢަރަބިއްޔާގެ އައު ސްކޫލް ޢިމާރާތްކުރުމުގެ މަސައްކަތް ދަނީ ކުރަމުންނެވެ.