ދިރިއުޅުމުގެ ދަތިތަކާއި، ހާސްކަމާއި، ނަފުސާނީ އެކި ގޮންޖެހުންތަކުން ސަލާމަތްވެ ހިތްހަމަޖެހުން ހޯދުމަށް އޮތް އެންމެ މަތިވެރި އަދި އެންމެ ފުރިހަމަ ފަރުވާއަކީ ގިނަގިނައިން މާތް ﷲ ހަނދުމަކުރުން ކަމުގައި މިއަދުގެ ހުކުރު ޚުޠުބާގައި ބުނެފިއެވެ.
ރާއްޖޭގެ މީހުން ދިރިއުޅޭ އެކި ރަށްރަށުގެ މިސްކިތްތަކުގައި މިއަދު އިއްވި ހުކުރު ޚުޠުބާ ޚާއްޞަކޮށްފައިވަނީ "ގިނަގިނައިން ﷲ ހަނދުމަކުރުން" މި މައުޟޫޢަށެވެ.
ޚުޠުބާގައި ބުނެފައިވަނީ، މިއަދު އަޅުގަނޑުމެން ވޭތިކުރަމުން މިދަނީ އެކި ކަހަލަ ފިކުރުތަކާއި ނަފުސާނީ ގޮންޖެހުންތަކުން ފުރިފައިވާ ދުވަސްތަކެއް ކަމަށެވެ. އަދި މި ހުރިހާ ތަކުލީފުތަކުން މިންޖުވެ، ނަފުސަށް އުފާވެރިކަމާއި ހަމަޖެހުން ލިބެން އޮތީ މާތް ﷲ ހަނދުމަކުރުން ގިނަކޮށްގެން ކަމަށް ޚުތުބާގައި ބުނެފައިވެއެވެ. އެކަލާނގެ ހަނދުމަކުރުމަކީ ހިތްތަކުގެ ދިރުން ކަމަށާއި، އެއީ ﷲގެ ޙަޟްރަތާ ކުއްތަންވުމަށް އޮތް އެންމެ ފަސޭހަ އަދި އެންމެ ކުރު މަގު ކަމުގައިވެސް ޚުޠުބާގައި ބަޔާންކުރިއެވެ.
މާތް ﷲ ހަނދުމަކުރުން މައިގަނޑު ތިން ބަޔަކަށް ބެހިގެންވާކަން ފާހަގަކުރަމުން ޚުޠުބާގައި ބުނީ، ފުރަތަމަ ބަޔަކީ ހިތުގެ އިޚްލާޞްތެރިކަމާއެކު އެކަލާނގެ ކުޅަދުންވަންތަކަމާ މެދު ފިކުރުހިންގައި، ﷲއަށް ބިރުވެތިވެ ވަކީލު ކުރުން ކަމަށެވެ. ދެވަނަ ބަޔަކީ ދުލުން ޛިކުރުކުރުމާއި، ޤުރްއާން ކިޔެވުމާއި، ދުޢާކުރުމާއި ކީރިތި ރަސޫލާގެ މައްޗަށް ޞަލަވާތް ކިޔެވުމެވެ. އަދި ތިންވަނަ ބަޔަކީ ގުނަވަންތަކުން ޢަމަލީ ގޮތުން ﷲ ހަނދުމަކުރުން ކަމަށާއި، އޭގެ ތެރޭގައި ފަރުޟު ފަސް ނަމާދު އަދާކުރުމާއި، އެހެނިހެން އަޅުކަންތައް ފުރިހަމަކުރުމުގެ އިތުރުން މައިންބަފައިންނަށް އޯގާތެރިވުމާއި މީސްތަކުންނަށް އެހީތެރިވުން ހިމެނޭ ކަމަށް ބުނެފައިވެއެވެ.
މީގެއިތުރުން، ޛިކުރުކުރާ މީހާއާއި ޛިކުރުނުކުރާ މީހާގެ މިސާލަކީ ދިރިހުރި މީހަކާއި މަރުވެފައިވާ މީހެއްގެ މިސާލުކަން ކީރިތި ރަސޫލާގެ ޙަދީޘްފުޅުން ދަލީލުދައްކަވައި ޚުޠުބާގައި ހަނދާންކޮށްދިނެވެ. އަދި ޛިކުރުކުރުމަކީ ހަމައެކަނި މިސްކިތުގައި އިނދެގެން ކުރަންޖެހޭ ކަމެއް ނޫން ކަމަށާއި، މަސައްކަތުގެ މައިދާނުގައާއި، ދަތުރުފަތުރުމަތީގައާއި، ހިނގާބިނގާވެ އުޅޭ ކޮންމެ ވަގުތެއްގައިވެސް ދޫ އަބަދުވެސް ﷲގެ ޛިކުރުން ތެތްކަންމަތީ ބެހެއްޓުމަށް ނަސޭހަތްތެރިވިއެވެ.
ޚުޠުބާ ނިންމާލަމުން ވަނީ ހެނދުނާއި ހަވީރުގެ ދުޢާތަކަށާއި ނަމާދުގެ ފަހުގައި ކުރާ ޛިކުރުތަކަށް ފަރުވާތެރިވުމަށް ގޮވާލާފައެވެ. އަދި ރާއްޖެއަށް ދުޅަހެޔޮކަމާއި، އިޤްތިޞާދީ ފާގަތިކަމާއި، މަސްވެރިކަމާއި ދަނޑުވެރިކަމުގައި ބަރަކާތް ލެއްވުން އެދި މާތް ﷲގެ ޙަޟްރަތުގައި ދުޢާ ދަންނަވާފައިވެއެވެ.
ޚުޠުބާގައި ބުނެފައިވަނީ، މިއަދު އަޅުގަނޑުމެން ވޭތިކުރަމުން މިދަނީ އެކި ކަހަލަ ފިކުރުތަކާއި ނަފުސާނީ ގޮންޖެހުންތަކުން ފުރިފައިވާ ދުވަސްތަކެއް ކަމަށެވެ. އަދި މި ހުރިހާ ތަކުލީފުތަކުން މިންޖުވެ، ނަފުސަށް އުފާވެރިކަމާއި ހަމަޖެހުން ލިބެން އޮތީ މާތް ﷲ ހަނދުމަކުރުން ގިނަކޮށްގެން ކަމަށް ޚުތުބާގައި ބުނެފައިވެއެވެ. އެކަލާނގެ ހަނދުމަކުރުމަކީ ހިތްތަކުގެ ދިރުން ކަމަށާއި، އެއީ ﷲގެ ޙަޟްރަތާ ކުއްތަންވުމަށް އޮތް އެންމެ ފަސޭހަ އަދި އެންމެ ކުރު މަގު ކަމުގައިވެސް ޚުޠުބާގައި ބަޔާންކުރިއެވެ.
މާތް ﷲ ހަނދުމަކުރުން މައިގަނޑު ތިން ބަޔަކަށް ބެހިގެންވާކަން ފާހަގަކުރަމުން ޚުޠުބާގައި ބުނީ، ފުރަތަމަ ބަޔަކީ ހިތުގެ އިޚްލާޞްތެރިކަމާއެކު އެކަލާނގެ ކުޅަދުންވަންތަކަމާ މެދު ފިކުރުހިންގައި، ﷲއަށް ބިރުވެތިވެ ވަކީލު ކުރުން ކަމަށެވެ. ދެވަނަ ބަޔަކީ ދުލުން ޛިކުރުކުރުމާއި، ޤުރްއާން ކިޔެވުމާއި، ދުޢާކުރުމާއި ކީރިތި ރަސޫލާގެ މައްޗަށް ޞަލަވާތް ކިޔެވުމެވެ. އަދި ތިންވަނަ ބަޔަކީ ގުނަވަންތަކުން ޢަމަލީ ގޮތުން ﷲ ހަނދުމަކުރުން ކަމަށާއި، އޭގެ ތެރޭގައި ފަރުޟު ފަސް ނަމާދު އަދާކުރުމާއި، އެހެނިހެން އަޅުކަންތައް ފުރިހަމަކުރުމުގެ އިތުރުން މައިންބަފައިންނަށް އޯގާތެރިވުމާއި މީސްތަކުންނަށް އެހީތެރިވުން ހިމެނޭ ކަމަށް ބުނެފައިވެއެވެ.
ޚުޠުބާ ނިންމާލަމުން ވަނީ ހެނދުނާއި ހަވީރުގެ ދުޢާތަކަށާއި ނަމާދުގެ ފަހުގައި ކުރާ ޛިކުރުތަކަށް ފަރުވާތެރިވުމަށް ގޮވާލާފައެވެ. އަދި ރާއްޖެއަށް ދުޅަހެޔޮކަމާއި، އިޤްތިޞާދީ ފާގަތިކަމާއި، މަސްވެރިކަމާއި ދަނޑުވެރިކަމުގައި ބަރަކާތް ލެއްވުން އެދި މާތް ﷲގެ ޙަޟްރަތުގައި ދުޢާ ދަންނަވާފައިވެއެވެ.
ކިޔުންތެރިންގެ ހިޔާލު