ރައްޔިތުންގެ މަޖިލީހުގެ ކ. ގުރައިދޫ ދާއިރާގެ މެމްބަރު އިބްރާހީމް ރިޒާގެ ހަނދާނުގައި ތައުޒިޔާގެ ދަފުތަރެއް މިއަދު ހުޅުވައިފި އެވެ.

ރައްޔިތުންގެ މަޖިލީހުގެ އިދާރާގައި މިއަދު ހުޅުވި މި ދަފުތަރުގައި އެންމެ ފުރަތަމަ ސޮއިކުރެއްވީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދެވެ.

މަޖީލީހުގެ އިދާރާއިން ބުނީ ތައުޒިޔާގެ ދަފްތަރުގައި މަޖިލީހުގެ މެމްބަރުންގެ އިތުރުން އާންމުންނަށް ވެސް ސޮއިކުރުމުގެ ފުރުސަތު ހުޅުވާލާފައިވާ ކަމަށެވެ.

ރިޒާ އަވަހާރަވީ މެލޭޝިއާގައި ސިއްހީ ފަރުވާ ހޯއްދަވަމުން ގެންދަވަނިކޮށެވެ. މަރުހޫމް ރިޒާއަކީ މަޖިލީހުގެ ޕީޕީއެމް ތަމްސީލް ކުރައްވަމުން ގެންދެވި މެމްބަރެކެވެ.