ހދ. ހިރިމަރަދޫ ކައުންސިލް މެމްބަރަކާއެކު ދެ ދާއިރާކުން ގިނަ ބަޔަކު އެމްޑީޕީއަށް ސޮއިކޮށްފިއެވެ.

އެމްޑީޕީ އަށް ސޮއިކުރަށްވާފައިވަނީ ހދ. ހިރިމަދޫ ކައުންސިލް މެމްބަރު އާއިޝަތު ޖުވައިރިޔާއެވެެ. ޖުވައިރިޔާ އެމްޑީޕީއަށް ސޮއިކުރެއްވި ފޯމާ ހަވާލުވެވަޑައިގަތީ އެމްޑީޕީގެ ޗެއާޕާސަން ފައްޔާޒު އިސްމާއިލެވެ.

ހދ.ހިރިމަރަދޫ ކައުންސިލް މެމްބަރު އަލްފާޞިލާ އާއިޝަތު ޖުވައިރިޔާ @MDPSecretariat އާއި ގުޅިވަޑައިގެން މެމްބަޝިޕް ފޯމު ޗެއަރޕާސަން @faya_i އާއި ހަވާލުކުރައްވައި. މަރުޙަބާ އާއިޝަތު ޖުވައިރިޔާ! pic.twitter.com/T0e7YCxfx0

— MDP Secretariat (@MDPSecretariat) February 18, 2023

ޖުވައިރިޔާގެ އިތުރުން ހަނިމާދޫ ދާއިރާއިންނާއި ގދ.މަޑަވެލި ދާއިރާއިން ގިނަ ބަޔަކު ވަނީ އެމްޑީޕީއަށް ސޮއިކޮށްފައެވެ. އެ ދެ ދާއިރާގެ ފަރާތުން އެ ފޯމްތައް މިއަދު ވަނީ އެމްޑީޕީ އާއި ހަވާލުކޮށްފައެވެ. އެ ފޯމްތަކާއި ހަވާލުވެވަޑައިގަތީވެސް ޗެއާޕާސަން ފައްޔާޒު އިސްމާއިލެވެ.

އެމްޑީޕީން މިއަދު ބުނީ އެޕާޓީއަށް ސޮއިކުރި ފޯމްތައް ހަވާލުކުރުމަށް އެމްޑީޕީގެ އޮފީހުގައި މިއަދު ބޭއްވި ބައްދަލުވުމުގައި އެ ދާއިރާތަކުގެ ހަރަކާތްތައް އިތުރު ކުރުމަށް ކުރެވިދާނެ މަސައްކަތްތަކާ މެދު މަޝްވަރާކުރެވުނު ކަމަށެވެ.

އެމްޑީޕީއަކީ ރާއްޖޭގައި މިވަގުތު އޮތް އެންމެ ބޮޑު ސިޔާސީ ޕާޓީއެެވެ. އިލެކްޝަން ކޮމިޝަންގައި އޮންނަ އެޕާޓީގެ ދަފުތަރުގައި 50000 އަށްވުރެ ގިނަ މެމްބަރުން އެބަތިއްބެވެ.