ރައްޔިތުންގެ މަޖިލީހުގެ ކާށިދޫ ދާއިރާގެ މެމްބަރު އަބުދު ﷲ ޖާބިރު ފުލުހުންގެ އިދާރާއަށް މިއަދު ހާޒިރުކޮށްފިއެެވެ.

ޖާބިރު ފުލުހުންގެ އިދާރާއަށް ހާޒިރުކޮށްފައިވަނީ މިއަދު މެންދުރު ގާތްގަނޑަކަށް 01:30 އެހާކަންހާއިރުއެވެ. "ރަސްއޮންލައިން" އަށް މައުލޫމާތު ދެމުން މަންޒަރު ދުށް މީހަކު ބުނީ މިއަދު މެންދުރު ގާތްގަނޑަކަށް 01:30 އެހާކަންހާއިރު ޖާބިރު ފުލުހުންގެ އިދާރާއަށް ވަޑައިގެންނެވި މަންޒަރު އޭނާ އަށް ފެނުނު ކަމަށެވެ.

ޖާބިރު ފުލުހުންގެ އިދާރާއަށް ހާޒިރުކުރި ސަބަބެެއް އަދި ސާފެއް ނުވެއެވެ. މިކަމާ ގުޅިގެން މައުލޫމާތު ސާފުކޮށްލުމަށް ޖާބިރަށް "ރަސްއޮންލައިން" އިން ގުޅާލުމުން ފަހުން ގުޅާލުމަށް ވިދާޅުވެ ފޯނު ވަނީ ކަނޑުއްވާލައްވާފައެވެ. މިކަމާ ގުޅިގެން ފުލުހުންގެ ބަހެއް ހޯދުމަށް ކުރި މަސައްކަތުން އެ އިދާރާގެ ބަހެއް ވަނީ ލިބޭގޮތް ނުވެފައެވެ.