ކޯޓުތަކަށް ހުށަހެޅޭ މައްސަލަތައް ލަސްނުވެ އަވަހަށް އިންސާފު ޤާއިމުކޮށްދިނުމަށްޓަކައި، ރާއްޖޭގެ ޝަރުޢީ ދާއިރާގައި ވަށާޖެހޭ ކޭސް މެނޭޖްމަންޓް ސިސްޓަމެއް ޤާއިމުކުރުމުގެ ތަޞައްވުރު ދިވެހިރާއްޖޭގެ އުއްތަމަފަނޑިޔާރު އަލްއުސްތާޒު ޢަބްދުލްޣަނީ މުޙައްމަދު ހާމަކުރައްވައިފިއެވެ.
އުއްތަމަފަނޑިޔާރު މި ތަޞައްވުރު ހާމަކުރެއްވީ، އުޒްބެކިސްތާނުގެ ސަމަރުގަންދުގައި ބޭއްވުނު އެސޯސިއޭޝަން އޮފް އޭޝިއަން ކޮންސްޓިޓިއުޝަނަލް ކޯޓްސް އެންޑް އިކުއިވަލަންޓް އިންސްޓިޓިއުޝަންސް (އޭއޭސީސީ) ގެ ހަތް ވަނަ ކޮންގްރެސްގައި "މައްސަލަތައް ލަސްނުވެ އަވަސް އިންސާފަށް، ޢަދުލު އިންސާފު ޤާއިމު ކުރުމުގެ ފެންވަރު ރަނގަޅުކޮށް އިތުބާރު އުފެއްދުމުގައި ޑިޖިޓަލް ޓެކްނޮލޮޖީގެ ދައުރު" މި މަޢުޟޫއަށް ތަޤްރީރު ކުރައްވަމުންނެވެ.
އެމަނިކުފާނުގެ ތަޤްރީރުގައި، ރާއްޖޭގެ ކޯޓުތަކުގައި ނުނިމި ގިނަދުވަސްވެފައިވާ މައްސަލަތައް ނިންމުމަށް ކުރެވެމުންދާ މަސައްކަތްތަކާއި، މައްސަލަތައް ލަސްވާ ސަބަބުތައް ދެނެގަނެ ޒަމާނީ ޓެކްނޮލޮޖީގެ އެހީގައި އެކަންކަން ޙައްލުކުރުމަށް ރާއްޖޭގައި ކުރެވެމުންދާ މަސައްކަތްތައް ޙިއްޞާކުރެއްވިއެވެ.
އެހެންނަމަވެސް، ޓެކްނޮލޮޖީއާއި އޭއައިގެ ވަސީލަތްތަކަކީ ޝަރުޢީ ނިޒާމަށް އެހީތެރިވެދޭ ވަސީލަތްތަކެއްގެ ގޮތުގައި ބޭނުންކުރި ނަމަވެސް، މައްސަލަތަކަށް ޙުކުމް ކުރުމުގައި ފަނޑިޔާރުގެ ދައުރު އެއްވެސް ޙާލެއްގައި އަލްގޯރިދަމްއަކަށް ދޫކޮށްނުލެވޭނެ ކަމަށް އުއްތަމަފަނޑިޔާރު ފާހަގަކުރެއްވިއެވެ.
އޭޝިއާގެ 18 ޤައުމެއްގެ އެންމެ މަތީ ކޯޓުތަކުގެ އިސްވެރިން ބައިވެރިވި މި ކޮންގްރެސް ނިންމާލާފައިވަނީ ދުސްތޫރީ ކޯޓުތަކުގައި އޭއައި ބޭނުންކުރުމުގެ މިންގަނޑުތައް ބަޔާންކުރާ "ސަމަރުގަންދު ޑިކްލަރޭޝަން" ފާސްކުރުމަށްފަހުގައެވެ.
އެމަނިކުފާނުގެ ތަޤްރީރުގައި، ރާއްޖޭގެ ކޯޓުތަކުގައި ނުނިމި ގިނަދުވަސްވެފައިވާ މައްސަލަތައް ނިންމުމަށް ކުރެވެމުންދާ މަސައްކަތްތަކާއި، މައްސަލަތައް ލަސްވާ ސަބަބުތައް ދެނެގަނެ ޒަމާނީ ޓެކްނޮލޮޖީގެ އެހީގައި އެކަންކަން ޙައްލުކުރުމަށް ރާއްޖޭގައި ކުރެވެމުންދާ މަސައްކަތްތައް ޙިއްޞާކުރެއްވިއެވެ.
އޭޝިއާގެ 18 ޤައުމެއްގެ އެންމެ މަތީ ކޯޓުތަކުގެ އިސްވެރިން ބައިވެރިވި މި ކޮންގްރެސް ނިންމާލާފައިވަނީ ދުސްތޫރީ ކޯޓުތަކުގައި އޭއައި ބޭނުންކުރުމުގެ މިންގަނޑުތައް ބަޔާންކުރާ "ސަމަރުގަންދު ޑިކްލަރޭޝަން" ފާސްކުރުމަށްފަހުގައެވެ.
ކިޔުންތެރިންގެ ހިޔާލު