މ. މަޑިފުށީ ޕްރައިވެޓް އައިލެންޑްގެ ކޯސްޓަލް ޕްރޮޓެކްޝަން އަދި ބީޗް ނަރިޝްކުރުމުގެ މަޝްރޫއު ގަވާއިދާ ހިލާފަށް ކުރިއަށް ގެންގޮސްފައިވާކަމަށް ބުނެ މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑް 20ހާސް ރުފިޔާއިން ޖޫރިމަނާކޮށްފިއެވެ.

އެންވަޔަރަންމަންޓަލް ޕްރޮޓެކްޝަން އޭޖެންސީ (އީޕީއޭ)އިން މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑް ޖޫރިމަނާކުރީ އީއައިއޭ ނުހަދާ މ.މަޑިފުށީގައި ކޯސްޓަލް ޕްރޮޓެކްޝަން އަދި ބީޗް ނަރިޝް ކުރުމުގެ މަސައްކަތް ކުރިއަށްގެންދިއުމުންނެވެ.

Press release regarding the fine imposed on Maldives Inflight Catering Private Limited under the EIA Regulation 2012. pic.twitter.com/pCB9AdDk3G

— EPA Maldives (@EPAMaldives) February 7, 2023

އީއައިއޭ ނުހެދުުމުގެ އިތުރުން ތިމާވެށީގެ ކްލިއަރެންސްވެސް އެ ކުންފުނިން ނުހޯދާކަމަށް އީޕީއޭއިން ބުނެއެވެ. އެހެންކަމުން އެ ކުށުގެ އަދަބެއްގެ ގޮތުން މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑް 20،000 ރުފިޔާއިން ޖޫރިމަނާކޮށްފައިވާކަމަށްވެސް އީޕީއޭއިން ބުނެއެވެ. އަދި އެ ފައިސާ ދެއްކުމަށް 30 ދުވަހުގެ މުއްދަތެއް ވަނީ ދީފައެވެ.

މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑަކީ ހުޅުލެ އައިލެންޑް ހޮޓެލްގެ ބެލެނިވެރި ކުންފުންޏެވެ.