ރާއްޖޭގެ ހާރިޖީ ވަޒީރު އަބްދުﷲ ޝާހިދު ލަންކާގެ ރައީސާއި ބޮޑު ވަޒީރާއި ބައްދަލުކުރައްވައިފިއެވެ.

މި.ބައްދަލުކުރެއްވުން އޮތީ ފޮރިން މިނިސްޓަރ އަބްދުﷲ ޝާހިދު މިހާރު ލަންކާއަށް ކުރައްވަމުންގެންދަވާ ރަސްމީ ދަތުރުފުޅުގެ ތެރެއިންނެވެ.

ލަންކާގެ ރައީސް ރަނިލް ވިކްރަމަސިންހައާއެކު ބޭއްވި ބައްދަލުވުމުގައި މައިގަނޑު ގޮތެއްގައި މަޝްވަރާ ކުރެއްވީ ދެ ގައުމުގެ ގުޅުން އިތުރަށް ހަރުދަނާ ކުރެއްވުމަށެެވެ. އަދި އިތުރަށް ގުޅުން ބަދަހިކުރެވޭނެ ދާއިރާތަކާއި ގުޅޭގޮތުންވެސް ވަނީ މަޝްވަރާކުރައްވާފައެވެ.

ޝާހިދުގެ މި ދަތުރުފުޅުގައި ލަންކާގެ ބޮޑުވަޒީރު ދިނޭޝް ގުނަވަރުދަނާއާވެސް ބައްދަލުކުރެއްވިއެވެ. އަދި މުހިއްމު ކަންކަމާއި ގުޅޭގޮތިުން ވަނީ މަޝްވަރާކުރައްވާފައެވެ.

A pleasure to meet with the President of #SriLanka, @RW_UNP

We discussed the positive developments in relations between the 🇲🇻 & 🇱🇰. We also identified areas for further collaboration. pic.twitter.com/Nywqm58ZHR

— Abdulla Shahid (@abdulla_shahid) February 4, 2023

ޝާހިދު ލަންކާއަށް މި ކުރައްވާ ދަތުރުފުޅަކީ އެ ގައުމުގެ 75 ވަނަ މިނިވަން ދުވަސް ފާހަގަކުރުމަށް އެ ގައުމަށް ކުރައްވާ ދަތުރުފުޅެކެވެ.

މި ދަތުރުފުޅުގެ ތެރެއިން ޝާހިދު ވަނީ ލަންކާގައި އުޅޭ ދިވެހިންނާއިވެސް ބައްދަލުކުރައްވާފައެވެ.